JEREMÍAS 31:6 - Wuj Pa K'ubultzij

⁶ Kuriqa ni jun ij chi i chajinelab' kesik'in na li chwa taq jyub' re ma Efraín. Chixwalijoq, chojel b'i puwi i Sion, ipa o wi Qajwal Dios.”

JEREMÍAS 31:6 Referans Kwoze

JEREMÍAS 50:19

Kin-an ni che i tinimit Israel chi ktzalij chali putinimit pacha jun chij chi lik o ni k'i u'es re kutijo che i jyub' Carmelo, pa Basán, chwi taq jyub' rax re ma Efraín xaq pa Galaad.

Oseas 9:8

I Dios ukojom i u-profeta chajinel re i tinimit Efraín, xwiri yix kikoj i tzaqsab'al re pub'e; ¡Lik k'a prachoch ne i Dios ktitat ipam che!

Oseas 1:11

Are uri kkimol ni kib' i winaq re i tinimit Judá xaq re i Israel, i kkich'ik ni rij jun aj-ok'al utzam chke chi lik xwi ni ire, i kepe ni che ronojel taq k'ijib'al, ketzalij li pa Jerusalén. Man ¡Lik nim ni i ij re i Jezreel!

Ezequiel 33:2

Yet, winaq, cha'ijla awach aj tinimit i chab'ij chke: Are kintaq b'i ch'oj che jun tinimit, i winaq che i tinimit le, kkicha jun chke ike re kchajinik.

Ezequiel 3:17

“Yet, winaq, yin at inya'om kan pa chajinel re i tinimit Israel. Are kinb'ij jun tzijonik chawe, o uchak chi katzijoj pinb'i yin, man keje ile kketamaj.

JEREMÍAS 6:17

I Ajwal xeukoj chajinelab' xaq xub'ij che i tinimit: “Chitatb'ej are kxut'ix i trompeta.” Xwiri i tinimit xub'ij: “Kqaj ti utatb'exik ile.”

ISAÍAS 62:6

Tinimit Jerusalén, chrij taq atapial inkojom chajinelab' chipa'ij chicha'ab' kkimayij ti ub'ixkil iri: “Mixkanaj to' keje ile chi kixch'aw taj, yix chi kikuxtaj kinataj u'ij i Ajwal,

ISAÍAS 40:9

Tinimit Sion, chatel b'i puwi jun nim laj jyub', lik ru' ronojel acho'ab' ko chatsik'in chutzijoxik i utz laj tzij. Lik maxij awib' ko chatsik'inoq, tinimit Jerusalén, xaq chatzijoj pa taq tinimit Judá: “¡Riy i-Dios yix oliki!”

SEGUNDO LIBRO DE CR%D3NICAS 13:4

Are uri ma Abiam x-e puwi i jyub' Zemaraim chi o puwi i jyub' re ma Efraín, ko xsik'in chub'ixkil i tziji: “¡Ma Jeroboam xaq iwonojel yix ix aj Israel chinita na!

Esdras 1:5

I aj-atzil ke i alk'uwal aj Judá, aj Benjamín, ajsujul sipon xaq i aj Leví chi kikowim kik'ux che i Dios, xkiyijb'a kib' che i enam pa Jerusalén chuyakik chik i rachoch i Ajwal.

Salmos 84:5

¡Utz ke ike ni'pa kkiriq kitob'al awu', ni'pa kkaj keb'in che ab'e k'a keupon ni puwi ajyub'!

JEREMÍAS 3:14

I Ajwal kub'ij: Chixtzalij chik yix, chi ix qelqel laj taq k'uwalxelab', man yin in iwajaw. Kink'am ni jujun che jujun taq tinimit, xaq kakab' kink'am chke i jujun alk'uwal, xaq te'uri kin-an chke chi ketzalij chik pa tinimit Sion.

JEREMÍAS 31:12

Lik kekikot na kek'unik xaq keb'ixan ni chwi jyub' Sion, xaq lik keb'ixan ni rumal i k'axnab'al uk'ux i Ajwal chi xuya chke: Are i trigo, uwa'al uva muqb'am, aceite, chij xaq i chikop. Lik ke'on na pacha jun tikonb'al chi ja'talik xaq lik kk'is ti chik kicho'ab'.

ISAÍAS 27:13

Che taq i ij le kxut'ix ni i nim laj trompeta, xaq ni'pa je sachnaq pa Asiria xaq keje ni'pa je elsam chwach kulew Egipto, kepe ni chukojik u'ij i Ajwal pa Jerusalén, che i ch'am laj jyub'.