JEREMÍAS 30:8 - Wuj Pa K'ubultzij

⁸ Yin in Ajwal, chi ronojel kintiki che, lik kinb'ij: Kewesaj ni intinimit chwach i k'ax laj chak, xaq ke'on ti chik winaq chi je o pa k'ax kumal aj naj.

JEREMÍAS 30:8 Referans Kwoze

Ezequiel 34:27

I che' chi je o pa taq es kewachin na, i ulew kuya ni uwach, ike utz ni jeqelem kki'an pkulew. Are Yin kewesaj intinimit pki'ab' ike chi je kiya'om pa k'ax kumal ike, are uri kketamaj na chi Yin in Ajwal.

NAHUM 1:13

Kin-an ni ch'aqa taq che i yuku chi o rij aqul xaq keinraqij ni akarena.”

JEREMÍAS 27:2

xub'ij che: Cha'ana jub'an kolob' xaq jun yuku, te'uri chaxima ronojel rij aqul.

ISAÍAS 9:4

Man yet xawesaj i taqanik chi k-an te'eq chke i winaq anb'al k'ax chke, u'anik i k'ax chi lik keukoj te'eq il, chi je o te'eq pu'ab' i taqanik. Pacha are xawulijsaj i tinimit Madián.

JEREMÍAS 28:10

Are uri ma Hananías xresaj pan i yuku chuqul ma Jeremías, te'uri xu'an ch'aqa taq che.

JEREMÍAS 28:13

“Jat ru' ma Hananías xaq chab'ij che, chi yin in Ajwal, kinb'iw iri: Yet xa'an ch'aqa taq che i yuku che' chi antal te'eq, xwiri yin inyijb'am jun yuku chawe chi antal ru' ch'ich'.

JEREMÍAS 27:7

Konojel ni'pa i nimaq taq tinimit lik kek'iji ni pu'ab' ire, pu'ab' rak'al xaq pu'ab' i ri umam k'a kuriqa ni ij chi i nim laj utinimit ire le kk'iji ni pki'ab' i nimaq taq tinimit xaq nimaq taq ajawinelab'.

JEREMÍAS 25:14

Ketzaq ni pki'ab' nimaq taq tinimit xaq pki'ab' i ajawinelab' chi lik ko kiwach, keje ni uya'ik utojb'alil ile kin-an pkiwi, pacha kmajaw chke rumal i kimak.”

JEREMÍAS 2:20

Lik ujer tan xayak awib' chu'anik ch'oj chwij, xawaj ti xatkojon chwe. Xab'ij: “Kwaj ti u'anik inpatan.” Puwi ronojel taq jyub' naj uwi xaq chuxe' ronojel taq che' chi yelyik uxaq xaq xaya awib' chuch'akik amer chwach ach'akul.

ISAÍAS 14:25

Kinsach ni uwach i tinimit Asiria chupam wulew, kinya'ya ni uwi chwi taq jyub' re intinimit. Y uyuku kumayij ni u'anik k'ax chke intinimit, i utz taj chi ku'ano lik al ti chik uri puwi uteleb'.

ISAÍAS 10:27

Che taq i ij le kelsax ni eqan chi yatal chel awij, xaq kpatz'ix ni i yuku chi kojtal che aqul.

JEREMÍAS 28:4

Xaq kin-an na chi ketzalij chali ma Jeconías che i k'ijib'ali, chi uk'ojol ma Joacim, ajawinel re i tinimit Judá xaq konojel i winaq chi xe'elsax b'i pa tinimit Judá xe'e pa Babilonia. Qatzij, kinpatz' ni i yuku re i ajawinel pa Babilonia. Yin in Ajwal, xinb'iw ile.

Salmos 107:14

Xixresaj li chupam i nim laj equm, xaq xukir i karena chi ix yut'tal te'eq ru'.

Ezequiel 30:18

Yin are kinsach uwach ucho'ab' i tinimit Egipto xaq kinsach ni uwach ucho'ab' chi lik kukoj u'ij ru', i ij ku'an ni equm chila pa Tafnes, jutzob'aj sutz' kuch'uq ni uwi Egipto, xaq i winaq chi je o pkitinimit kek'am nu b'i prexil.

ISAÍAS 14:1

Saq laj tzij, i Ajwal kril ni tob'al uwach ma Jacob. Te'uri kekanaj chik aj Israel pu'ab' chi je u'ulum, xaq ku'an ni chke aj Israel le chi ketzalij chik pa jeqelem chwach i kulew. I winaq je aj naj ketejeb' ni ku' ike, kki'an ni junam che kib' ru' utinimit ma Jacob.

ISAÍAS 14:3

Tinimit Israel, are katruxlansaj i Ajwal che uyej, che i k'ax, xaq che i k'ax laj taq chak chi xatya' wi,