JEREMÍAS 3:18 - Wuj Pa K'ubultzij

¹⁸ Are kuriqa i ij le, i tinimit Judá kuya ni uwach ru' i tinimit Israel, junam ke'el chila pa moxab', ke'e che i ulew chi xinya chke iwatit imam pacha jun kuxtab'al ib'.

JEREMÍAS 3:18 Referans Kwoze

JEREMÍAS 31:8

Kixintzalijsaj chal che i k'ijib'al chi o pa moxab', kinmol ni ichi' kixink'ama na li che i k'isb'al taq rokraq re uwach i jyub' ta'aj. Xaq ku' ike le kepe ni i ketzun taj xaq i kejetz'pinik, ixoqib' chi je raxwinaq xaq ni'pa i je alannaq chik; ¡lik je k'i i winaq ketzalij ni chaloq!

AMÓS 9:15

Lik ke'inya ni chwach i kulew, i lik ke'elsax ti chub'i chwach i ulew chi xinya Yin chke.” I Ajwal Dios xub'ij.

Oseas 1:11

Are uri kkimol ni kib' i winaq re i tinimit Judá xaq re i Israel, i kkich'ik ni rij jun aj-ok'al utzam chke chi lik xwi ni ire, i kepe ni che ronojel taq k'ijib'al, ketzalij li pa Jerusalén. Man ¡Lik nim ni i ij re i Jezreel!

JEREMÍAS 50:4

I Ajwal kub'ij: Che taq i ij le i winaq aj Israel xaq i aj Judá lik ke'o'ik kek'un ni chintzukuxik Yin, chi in Ajwal ki-Dios.

JEREMÍAS 23:8

are i kib'ij are iri: Puk'aslemal i Ajwal chi xeresaj li kimuq kixikin aj Israel che i tinimit pa moxab', xaq pa ronojel i jub'an chik nimaq taq tinimit, chila ipa je kichersam te'eq b'ik. Xaq kejeqi ni chwach kulew.”

JEREMÍAS 16:15

are iri kib'ij: “Puk'aslemal i Ajwal chi xeresaj li aj Israel che i nim laj tinimit pa moxab', xaq ronojel i jub'an chik nimaq taq tinimit, chila ipa ix ukichersam wi b'ik.” Yin kin-an na chi yix kixtzalij chub'i chwach iwulew, chi are ulew chi xinya chke iwatit imam.

JEREMÍAS 3:12

Jat, xaq chatzijoj i tziji, kattzun b'i pa moxab': I Ajwal kub'ij: ¡Chattzalij chal wu', qelqel laj tinimit Israel! Lik utz ak'amik kin-ano xaq kin-an ti woywal chawe ronojel ij saq, man lik o rutzil ink'ux. Yin, chi in Ajwal, lik kin-an na wach i kinb'ij.

ZACARÍAS 10:6

Kub'ij i Ajwal: Yin kinya ni kicho'ab' i je umuq uxikin i ma Judá xaq keinto ni je umuq uxikin i ma José. Kinnab'ej chkiwach re keink'am chali pkitinimit, man kwil tob'al kiwach. Keu'on tan chik pacha taq lik je inxutum taj, man Yin in Kajwal Dios, chi kinta kitz'onb'enik.

Oseas 11:12

I tinimit Efraín usutim wij ru' i t'oronik; xaq i tinimit Israel usutim wij ru' saqil ti laj tzij. I Judá xujek' rib' ru' i Dios, i wo'or lik uya'om uk'ux chke utiox chi xaril je antalik.

JEREMÍAS 50:20

Yin in Ajwal, kinb'ij: Che taq i ij le, i tinimit Israel xaq i tinimit Judá lik xkuytaj kimak xaq i kimak atzalal, man yin kinkuy ni kimak konojel ni'pa xek'asi kanoq.

JEREMÍAS 30:3

Kuriqa ni jun ij chi keink'am chali intinimit Israel xaq i Judá ipa je elnaq wi b'ik. Yin in Ajwal, xinb'iw ile. Xaq kin-an ni chke chi ketzalij chal chwach ulew chi xinya chke kiqajaw kichuch re kek'iji chwach.”

JEREMÍAS 7:7

yin kinya uri chiwe chi k'a kixk'iji waral, che ulew chi xinya chke iwatit imam ronojel ij saq.

JEREMÍAS 50:5

Kkich'ob' ni raqan i b'e chi k-e pa Sion. Man k'a chila ke'e wi, kkib'ij: “Jo ru' i Ajwal xaq chqa'ana junam che qib' ru' che jun trat chi lik nti uk'isik ronojel ij saq, chi lik arewi ksach taj.”

Ezequiel 11:17

Xaq chab'ij chke: Iri are kub'ij i Ajwal: Yin keintzalijsaj na loq che i nimaq taq tinimit le ipa xeinkichersaj wi b'ik, kinmol ni kichi' xaq kinya ni tinimit Israel chke.

ZACARÍAS 2:6

I Ajwal kub'ij: “Yin xin-ano chi yix xaipa xixkicher wi b'ik. Xwiri wo'or kinb'ij chiwe: ¡Lik juntir chix-anmaj b'i che i tinimit re pa moxab'! ¡Chix-anmaj b'i che i tinimit Babilonia, ipa ix jeqel wi yix pa k'ax, chi ix jeqel te che i jyub' Sion! Yin in Ajwal, xinb'ij ile.”

GÉNESIS 12:7

I Ajwal chila xuk'ut wi rib' che ma Abram xaq xub'ij che: “Chke amuq axikin kinya wi ulewi.” Are uri ma Abram xuyijb'a jun sujb'al sipon chila, re kojb'al u'ij i Ajwal man chila xuk'ut wi rib' che.

ISAÍAS 43:5

Maxij awib' man yin in o awu'. Lik k'a prelb'al ij xaq k'a pa uqajb'al b'i ij keintzalijsaj li awinaq re molb'al kichi'.

ISAÍAS 43:6

Kinb'ij che i moxab': “Cheaya chaloq”, xaq kinb'ij che i wiqab': “Ma'an taq awe chke. Cheak'ama li ink'ojol xaq inmi'al k'a naj loq xe taq kaj ulew.

Oseas 2:2

I Ajwal kub'ij: Chixch'ojin ru' ichuch, chixch'ojin ru' ichuch, man ire wixoqil ti chik xaq Yin in rachijil ti chik. ¡Chumayij utz'ajik upalaj chi sujb'al rib'! ¡Chresaj chomiq taq ruwaj chi o chuqul ke ixoqib' chi utz ti kinojb'al!