JEREMÍAS 29:26 - Wuj Pa K'ubultzij

²⁶ I Ajwal at ukojom re ajsujul sipon puk'exel ma Joiada, man at uya'om re aj-atzil re kachajij i rachoch i Ajwal. We o taq jun ch'uj chi kujeq lapanik pacha taq jun profeta, are uri rajwaxik chi yet chak'ama b'i prexil xaq kayut' chwach che' ru' karena.

JEREMÍAS 29:26 Referans Kwoze

2 Reyes 9:11

Are xtzalij li ma Jehú, xumol rib' ku' i rachi'il chi aj-atzil ke achiyab' chi je yij che i ch'oj re i rajaw, are uri ike xkitz'onoj che: —¿Wach xuk'ulmaj? ¿B'uchak xk'un i ch'uj le chawilik? Ire xub'ij chke: —Yix iweta'am uwach xaq iweta'am chik wach taq ch'awik ku'an ire.

Hechos 26:24

Are xb'itaj ile rumal ma Pablo re tob'al rib', i ma Festo xsik'in chub'ixkil i tziji: —¡Xa at ch'uj, ma Pablo! Xa rumal i nim laj no'oj chi atijom awib' che, xatch'ujerik! —Xcha.

Juan 10:20

Lik je k'i chke i winaq xkib'ij: —¿B'uchak kixkojon che, xa o itzel tew che i xa ch'uj? —Xecha.

Oseas 9:7

¡Ya xeuriq i ij re i tojb'alil! ¡Ya xeuriq i ij re i tojb'alil chi kmajaw chke! ¡I tinimit Israel lik kretamaj na chi ya xeuponik! Yix kib'ij: “I profeta lik b'uy. I achi chi kub'ij chomiq laj taq tzij xa ch'uj.” Xwiri kkib'ij ile man je nojnaq che i utz taj, man lik nim i titb'al kipam.

Hechos 16:24

I ajchajal re prexil are xya' i taqanik le che, xeutz'apij che jun k'ijib'al chi lik k'a chupam li prexil o wi, xaq xuya kan i kaqan pa che' man keje ile lik kkina uk'axkol re i utojb'alil le.

Marcos 3:21

I rachalal i Jesús are xkita utzijol ronojel ni'pa ktijin i Jesús chu'anik, are uri xe'e chuk'amik man i winaq kkib'ij chi i Jesús ch'ujernaq.

Apocalipsis 2:10

Maxij awib' che i k'ax chi kpe ni pawi, man o ni jujun chiwe yix, kixumin ni Itzel prexil; man kraj ire chi iwonojel kixtzaq chupam i tzaqsab'al. Chi lajuj ij kitij ni uyej, xwiri miniwo'taj tupu kixkamsaxik. We keje ile ki'ano, kinya ni sipon chiwe, chi are i k'aslemal saqil.

2 Corintios 11:33

Xwiri i qachalal xinkesaj pa wantana; xinkiqajsaj pa chikach rij tapial. Keje ile xin-anmaj pki'ab'.

Hechos 26:11

K'iyal taq mul xin-an k'ax chke anb'al re chke chi kkikub'a ti kik'ux che i Jesús. Xaq keje xin-an ile pa taq ja re molb'al ib' ke i judío, xaq lik nim woywal chke rumali xeinterb'ej b'ik k'a pa taq tinimit naj.

Hechos 5:24

I aj-atzil ke i rajpatan i Dios xaq i kaj-atzil ajchajinelab' prachoch i Dios, are xkita ile lik xkitz'onoj chkiwach chi ipa nawi kuk'isa wi ronojel ile.

Hechos 5:18

rumali xekichap i apostolab' le xaq xekimin prexil.

Hechos 4:1

I ma Pedro xaq i ma Wan k'a ketijin che i lapanik ku' i winaq, are uri xeupon pan i rajpatan i Dios xaq i aj-atzil ke ajchajinelab' re i rachoch i Dios junam ku' aj Saduceo.

Juan 10:33

Are uri aj Judío xkib'ij che: —Rumal ti taq jun utz a'anom chi kqakoj taq ab'aj chawe, kqa'an ile chawe man i atzij lik kuqajsaj u'ij i Dios; yet at jun to' achi xwiri ka'an taq Dios che awib'.

Juan 8:53

¿Xatab'a lik mas nim a'ij yet chwach etz qaqajaw mam Abraham? Ire xkamik xaq keje xki'an konojel i profeta. ¿Kach'ob' wa yet ile chi lik mas nim a'ij? —Keje ile xkib'ij che i Jesús.

Mateo 21:23

Te'uri i Jesús xok chik prachoch i Dios xaq xok chkitijoxik chila. Are uri xetejeb' pan i kaj-atzil i rajpatan i Dios ru', xaq i nimaq taq winaq ke i aj Israel, xaq xkitz'onoj che: —¿Pachin xyaw ile pa'ab' chi kattijin chu'ankil? ¿B'i chi atb'al tzijal o pa'ab', chi keje k-an ile? —Xecha.

JEREMÍAS 38:28

I ma Jeremías xkanaj kan chwaja ipa je o wi i chajinelab' k'a che i ij chi xk'am kan i Jerusalén.

JEREMÍAS 38:6

Are uri ike xkichap ma Jeremías, xkiya chupam i k'otom chaqij upam re ma Malquías, chi uk'ojol i ajawinel, chi o chila chwaja ipa je o wi i chajinelab'. Xkiqajsaj ru' jun laso nim upam chupam i k'otom, nti ya chupam, xa xo'ol upam, rumali chi ma Jeremías xmuqtaj b'i chupam.

JEREMÍAS 29:27

¿B'uchak, ut, a'atim ti ma Jeremías, chi aj Anatot, chi lik ch'awnaq pacha taq jun profeta chiwach yix?

SEGUNDO LIBRO DE CR%D3NICAS 18:26

Chib'ij chke chi yin kintaq uminik prexil, xa jub'i' uwa xaq xa jub'i' uya' chkiya che k'a kintzalij na li yin we to' utz inwach nti kink'ulmaj.

SEGUNDO LIBRO DE CR%D3NICAS 16:10

Are uri i ma Asa lik xpe roywal che i profeta, rumali xutaq uminik prexil. Xaq che taq i ij le lik x-on k'ax chke jujun winaq aj chila pa tinimit.

2 Reyes 11:18

Te'uri konojel xe'e prachoch i tiox Baal, lik xkiwulijsaj che xaq xkiwulijsaj i k'ijib'al ipa kkisujuj wi kisipon xaq i jalajuj taq tiox. I ma Matán, chi ajsujul sipon i tiox Baal, xkiwor puqul chila chwach i jalajuj taq sujb'al sipon. Chrijil chik ile ma Joiada xukoj jub'an chajinelab' prachoch i Ajwal.

2 Reyes 11:15

Are uri i ajsujul sipon chi ma Joiada, xub'ij chke i je aj-atzil chi je o achiyab' chi je yij che i ch'oj pki'ab': —Chiwesaj chixol xaq chiwesaj li prachoch i Ajwal, kikamsaj chwaja i we o jun kuya uwach ru' xaq chikamsaj b'i ire ru'.

Hechos 26:25

Xwiri ma Pablo xub'ij che: —Yin in ch'uj taj, nim laj winaq ma Festo, man ni'pa i kinb'ij le is pusuk' xaq lik saq laj tzij.

ZACARÍAS 13:1

Che i ij le k-on panoq kjaqtaj ni jun ralaxb'al ya, man che i ya le, kkich'aj i kimak xaq i ch'am taj chi ki'anom umuq uxikin i ma David xaq i winaq re i Jerusalén.