JEREMÍAS 29:25 - Wuj Pa K'ubultzij

²⁵ I Ajwal chi ronojel ktiki che, chi ki-Dios aj Israel, keje iri kub'ij: “Yet xataq b'i jun wuj chke konojel i winaq chi je o pa tinimit Jerusalén xaq che ajsujul sipon, chi ma Sofonías, chi uk'ojol ma Maasías, xaq chke i jub'an chik ajsujul sipon. Chupam i wuj xab'ij che ma Sofonías:

JEREMÍAS 29:25 Referans Kwoze

JEREMÍAS 52:24

I aj-ok'al utzam chke i ajchajinelab' lik xuchap b'i ma Seraías, chi atz laj ajsujul sipon, ma Sofonías, ajsujul sipon chi teren chrij rumal lik o u'ij xaq kmajaw che, xaqjunam ku' oxib' ajchajinel re i rachoch i Ajwal.

JEREMÍAS 37:3

I ma Sedequías, chi ajawinel, xutaq b'i ma Jucal, chi uk'ojol ma Selemías, xaq ajsujul sipon, chi ma Sofonías, chi uk'ojol ma Maasías, xutaq b'i ru' profeta ma Jeremías chub'ixkil iri che. “Chatlapan ru' i Qajwal Dios pqawi yoj.”

JEREMÍAS 29:29

I ajsujul sipon, chi ma Sofonías, xrajlaj uwach i wuj che ma Jeremías.

Hechos 9:2

Are uri xutz'onoj uwuj re i rokb'al pa taq ja re molb'al ib' ke i judío pa tinimit Damasco, tzukb'al ke i winaq chi kimajom i k'ak' b'e chi are uk'utunik i Ajwal, chi achiyab', chi ixoqib', lik keuk'am b'i prexil chila Jerusalén.

NEHEMÍAS 6:19

Keje uri ile chi lik chinwach yin kkikoj u'ij, xaq kkilap ronojel che ni'pa kinlap yin. I ma Tobías le kutaq li wuj wu', xib'b'al we.

NEHEMÍAS 6:17

Che taq i ij le lik je k'i winaq aj Judá chi nimaq kopis xkitaq b'i wuj che ma Tobías xaq ma Tobías kutaq b'i wuj chke ike,

NEHEMÍAS 6:5

Chujo'mul, ma Sanbalat xutaq li jun rajchak chi xuk'am chal i tzijol le chwe chupam jun wuj chi jaqal chik uwach,

SEGUNDO LIBRO DE CR%D3NICAS 32:17

I ma Senaquerib xaq xutz'ib'aj chik jub'an wuj ipa kuyo'ya wi u'ij i Ajwal, chi ki-Dios aj Israel, chi keje iri kub'ij: “Keje pacha xki'an kitiox i jub'an chik tinimit chi xetiki ti chkelsaxik kiwinaq pin-ab', xaq keje ile ku'an ni u-Dios ma Ezequías chi ktiki ti chrelsaxik uwinaq pin-ab'.”

2 Reyes 19:14

Ma Ezequías xuk'am i wuj chi xkijach i ajb'il tzij che, are uri xrajlaj uwach. Te'uri x-e prachoch i Dios, chila xuya wi chwach i Dios.

2 Reyes 19:9

Are uri i ajawinel aj Asiria xuta chi i ajawinel ma Tirhaca, chi aj Etiopía, ktijin chuyijb'axik jun ch'oj chrij ire. Are uri i ajawinel aj Asiria le xutaq chub'i jub'an ajb'il tzij ru' ma Ezequías, chi ajawinel re i tinimit Judá.

JEREMÍAS 29:1

Chrijil chik relik b'i i ajawinel ma Jeconías chi je elsam te b'i pa cho'ab' chwach kulew, junam ru' uchuch, ku' ni'pa i kki'an kipatan xaq i je aj-atzil chi je aj Judá, xaq ke aj Jerusalén, aj-anol taq ulew laq xaq jalajuj taq b'iroxik re chapb'al xaq ajch'ayol ch'ich'. I ma Jeremías chi profeta, xutaq b'i ub'ixkil i tziji chwach jun wuj, chi xutaq b'ik are o te'eq pa Jerusalén; xutaq b'i chke i rijab' chi k'a je k'aslik, chke ajsujul sipon, chke i profeta xaq chke konojel i winaq, chi xeuk'am b'i ma Nabucodonosor pa Babilonia.