JEREMÍAS 29:10 - Wuj Pa K'ubultzij

¹⁰ I Ajwal kub'ij: I tinimit Babilonia are kutz'aqatsaj lajuj oxwinaq (70) junab', kink'un ni iwu' xaq kin-an ni i utz laj sujunik chi in-anom chiwe, chi kin-an chiwe chi kixtzalij chal che i k'ijib'ali.

JEREMÍAS 29:10 Referans Kwoze

ZACARÍAS 7:5

“Chab'ij chke konojel i winaq pa tinimit xaq chke ajsujul sipon: Yix kimayij iwa'im chutz'onoxik che i Ajwal xaq ix o pa b'is che ujo' ik' xaq uwuq ik' lik are ki'ano k'a xtz'aqat lajuj oxwinaq (70) junab'. Xwiri ki'an taj re kojb'al in-ij Yin,

Daniel 9:2

Che i nab'e junab' re rajawinik, yin ma Daniel kintijin te'eq chrajlaxik uwach i wuj re i profeta ma Jeremías, chrij i lajuj oxwinaq (70) junab' chi kik'aw na re k-antaj na chi kutij ni uyej i tinimit Jerusalén, chrij pacha ub'im i Ajwal che i profeta.

JEREMÍAS 27:22

Kekik'am nu b'i pa Babilonia, kekanaj ni chila, k'a kinch'ob' ni yin junpa keink'am chali che i k'ijib'ali. Yin in Ajwal, xinb'iw ile.

JEREMÍAS 25:12

Are ktz'aqat i lajuj oxwinaq (70) junab' kinya ni utojb'alil che i ajawinel aj Babilonia xaq che i nim laj utinimit, xaq kinsach ni uwach i tinimit ke aj Caldea ronojel ij saq. Yin in Ajwal, xinb'iw ile.

SOFONÍAS 2:7

Ni'pa i xek'asi kan pa tinimit Judá kki'an ni ke che i tinimit le are kk'un i Kajwal Dios chkito'ik xaq kujalwachij kik'aslemal ike. Chila na kkichajij wi chij, i cha'ab' kewar ni pa taq rachoch i ma Ascalón.

JEREMÍAS 27:7

Konojel ni'pa i nimaq taq tinimit lik kek'iji ni pu'ab' ire, pu'ab' rak'al xaq pu'ab' i ri umam k'a kuriqa ni ij chi i nim laj utinimit ire le kk'iji ni pki'ab' i nimaq taq tinimit xaq nimaq taq ajawinelab'.

SEGUNDO LIBRO DE CR%D3NICAS 36:21

keje ile k-antaj ni urayijb'al i Dios chrij pacha xub'ij ma Jeremías chi profeta. K'a kuxlan ni ulew man i ulew lik naj xuxlanik k'a xtz'aqat ni lajuj oxwinaq (70) junab'.

Rut 1:6

Xuk'ulmaj che jun ij chi tit Noemí xretamaj chila Moab, chi Ajwal xuk'ut chik i k'axnab'al uk'ux che utinimit, man xu'atij i wa'jal chila.

SEGUNDO LIBRO DE CR%D3NICAS 36:22

Che i nab'e junab' rajawinik ma Ciro, chi ajawinel ke aj Persia, man k-antaj na pacha utzij i Ajwal chi b'ital rumal ma Jeremías, chi profeta, i Ajwal xu'an che ma Ciro chi kupaxsaj uwach chke konojel uwinaq to' keje ile pa tzij xaq chwach taq wuj, i taqaniki:

Esdras 1:1

Che i nab'e junab' rajawinik ma Ciro chi ajawinel ke aj Persia, are uri k-antaj na pacha utzij i Ajwal chi ub'im ma Jeremías chi profeta, i Ajwal xu'an che ma Ciro chi kupaxsaj uwach i utaqanik chke konojel uwinaq, pa tzij xaq chwach taq wuj, are utaqanik iri:

JEREMÍAS 25:11

Ronojel i nim laj tinimit lik kwulij na xaq lik ksach ni uwach. Lajuj oxwinaq (70) junab' kki'an ni kipatan i nimaq taq tinimit le chrij i ajawinel aj Babilonia.

JEREMÍAS 29:28

Xwi ta la ile, xaq xutaq li jun wuj chqe yoj chila Babilonia, chi keje iri kub'ij: I elik b'i pa cho'ab' chwach ulew lik k'iyal junab' kuch'ijo xaq utz chiyaka iwachoch chixjeqel chupam, chitika k'iyal taq che' chi ktijaw uwach xaq chitija uwach.”

JEREMÍAS 29:32

Yin, chi in Ajwal, kinb'ij chi kinya ni utojb'alil che ma Semaías xaq chke umuq uxikin. Lik nti umuq uxikin chuxol intinimit, xaq kuqusij ti kikotemal chi kinya che intinimit, man ru' utzij le xu'an che intinimit chi jun ajch'oj chwij. Yin in Ajwal, xinb'iw ile.

JEREMÍAS 30:3

Kuriqa ni jun ij chi keink'am chali intinimit Israel xaq i Judá ipa je elnaq wi b'ik. Yin in Ajwal, xinb'iw ile. Xaq kin-an ni chke chi ketzalij chal chwach ulew chi xinya chke kiqajaw kichuch re kek'iji chwach.”

JEREMÍAS 33:14

I Ajwal kub'ij: “Kuriqa ni jun ij chi kin-an na wach insujum chi are utzil chomal, sujunik chi xin-an chke aj Israel xaq chke aj Judá.

ZACARÍAS 1:12

I ángel re i Ajwal xub'ij: “Ajwal chi ronojel kattiki che, lik o chik lajuj oxwinaq (70) junab' chi mi'naq awoywal che i tinimit Jerusalén xaq chke i tinimit Judá. ¿Ni'pa chik ij kik'awik chi kawil tan chik tob'al kiwach?”

Esdras 1:2

“Ma Ciro, chi ajawinel ke aj Persia, kusaqij iri: I Ajwal, chi Dios aj chikaj, xuya ronojel i ajawinik pin-ab' puwi ronojel uwach i jyub' ta'aj, xaq xuya chinqul uyakik jun rachoch chila Jerusalén, chi o pa Judá.

Salmos 102:14

I je awajpatanib' k'ax kkina i ab'aj re i kitinimit chi wulijnaq; rumali lik k'ax kuna kik'ux.

Ezequiel 11:17

Xaq chab'ij chke: Iri are kub'ij i Ajwal: Yin keintzalijsaj na loq che i nimaq taq tinimit le ipa xeinkichersaj wi b'ik, kinmol ni kichi' xaq kinya ni tinimit Israel chke.