JEREMÍAS 29:1 - Wuj Pa K'ubultzij

^1-2 Chrijil chik relik b'i i ajawinel ma Jeconías chi je elsam te b'i pa cho'ab' chwach kulew, junam ru' uchuch, ku' ni'pa i kki'an kipatan xaq i je aj-atzil chi je aj Judá, xaq ke aj Jerusalén, aj-anol taq ulew laq xaq jalajuj taq b'iroxik re chapb'al xaq ajch'ayol ch'ich'. I ma Jeremías chi profeta, xutaq b'i ub'ixkil i tziji chwach jun wuj, chi xutaq b'ik are o te'eq pa Jerusalén; xutaq b'i chke i rijab' chi k'a je k'aslik, chke ajsujul sipon, chke i profeta xaq chke konojel i winaq, chi xeuk'am b'i ma Nabucodonosor pa Babilonia.

JEREMÍAS 29:1 Referans Kwoze

Ester 9:20

I ma Mardoqueo xutz'ib'aj ronojel ni'pa xk'ulmaxik, xaq xutaq b'i wuj ku' aj Israel chi je o pa jalajuj taq tinimit chi o pu'ab' i ajawinel ma Asuero; chke ni'pa je o naj xaq chke ni'pa je o naqaj.

Hebreos 13:22

Wachalal chwach i Cristo, chikuyu inmak, chich'ija wach inb'im chiwe, xa jub'i' i pixb'anik xin-an chiwe, nim ti intz'ib' xin-ano.

Hechos 15:23

xkik'am b'i i wuj chi keje iri kub'ij: Yoj chi oj apostolab' xaq i unimaqil chi iwachalal yix chwach i Cristo, kqaya pan jun rutzil iwach ix qachalal chwach i Cristo chi ix aj Judío taj, chi ix jeqel pa tinimit Antioquía, Siria xaq Cilicia.

2 Corintios 7:8

Are xintaq b'i i nab'e wuj chiwe, xixb'ison rumal; xaq yin xinb'ison rumal, man kwaj ti yin we kixb'isonik. Xwiri, wo'or yin kinb'ison ti chik man utz xelik. Qatzij xixb'ison rumal inwuj, xwiri, xa attal ij.

JEREMÍAS 28:4

Xaq kin-an na chi ketzalij chali ma Jeconías che i k'ijib'ali, chi uk'ojol ma Joacim, ajawinel re i tinimit Judá xaq konojel i winaq chi xe'elsax b'i pa tinimit Judá xe'e pa Babilonia. Qatzij, kinpatz' ni i yuku re i ajawinel pa Babilonia. Yin in Ajwal, xinb'iw ile.

Gálatas 6:11

Chiwila wach unimaqil i tz'ib'i chi kintz'ib'aj b'i chiwe, ¡Lik nimaq! Man kintijin chutz'ib'axik keb' oxib' tzij ru' in-ab'.

2 Reyes 24:12

Are uri ma Joaquín, chi ajawinel aj Judá, junam ru' uchuch xaq i je rajpatan, je unimaqil xaq i achiyab' chi kul k'uxij chke, xkijach kib' pu'ab' i ajawinel aj Babilonia, chrijil chik ile i ajawinel le xeuk'am b'i prexil. Ile xuk'ulmaj che uwajxaqib' junab' rajawinik ma Nabucodonosor.

SEGUNDO LIBRO DE CR%D3NICAS 36:10

Che i nab'e taq ij re i junab' le, ma Nabucodonosor chi ajawinel pa Babilonia, xutaq uk'amik b'i ma Joaquín junam ru' i jalajuj taq chapanb'al re i rachoch i Ajwal chi lik paqal rajil; are uri xuya kan ma Sedequías, chi ucha' ma Joaquín, pa ajawinel chila Judá xaq Jerusalén.

JEREMÍAS 28:17

Are uri ma Hananías chi profeta, xkam che i uwuq ik' che i junab' le.

JEREMÍAS 29:8

Yin in Ajwal, chi ronojel kintiki che, chi ki-Dios aj Israel, lik kinb'ij iri chiwe: Mixt'ortaj kumal i ajt'oronel laj taq profeta xaq kumal ajnanel chi je jeqel chixol; mikoj taq retalil i kachik' chke.

JEREMÍAS 29:20

Chixkojon che intzij, iwonojel yix chi xixwesaj b'i pa Jerusalén chi xix-e pa Babilonia.

JEREMÍAS 51:61

Xaq xub'ij che ma Seraías: “Are katupon pa tinimit Babilonia, lik chariqa u'anik are kawajlaj ronojel i tzijoniki.