JEREMÍAS 28:8 - Wuj Pa K'ubultzij

⁸ I profeta chi xek'iji ujer, chuxe'el li qalaxik yoj awu', xkitzijoj i ch'oj, jalajuj taq k'ax xaq k'ax laj taq yob'il pkiwi i nimaq taq rajawinik xaq pkiwi tinimit chi lik o ki'ij.

JEREMÍAS 28:8 Referans Kwoze

1 Reyes 22:8

Are uri i ajawinel ke aj Israel xub'ij che ma Josafat: —O jun chik, chi utz kqata che wach kub'ij i Ajwal. Ma Micaías ub'i, chi uk'ojol ma Imla; xwiri yin ktitat inpam che man lik arewi nti jun utz ub'im chwe, xwi i utz taj kub'ij chwe. Xwiri ma Josafat xub'ij che: —Mab'ij ile, Nim laj Winaq.

1 Reyes 17:1

I ma Elías, chi profeta, chi aj pa tinimit Tisbe, ukwenta i ulew Galaad, x-e chub'ixkil iri che ma Acab: “¡Lik pub'i i Ajwal, chi ki-Dios aj Israel, kinb'ij chi lik kin-an inpatan chrij, kinsaqij chawe chi chke taq i junab' chi kk'uniki, lik nti chik i jab' xaq lik nti chik uxaq k'aj pa taq usaqirb'al, k'a kinb'ij ni chik yin!”

AMÓS 1:2

I Ajwal are ku'ano chi ktataj uch'awb'al chi ktinin li k'a chwi jyub' Sion chila Jerusalén, i ulew re i k'im kchaqijik xaq lik kchaqij i jyub' re i Carmelo.

ISAÍAS 13:18

Ru' kich'ab' kkiqajsaj ni k'ojolab' xaq i apojib'. Lik kkil ti tob'al kiwach i je noch' chi k'ate je alaxnaq xaq i ak'alab'.

1 Reyes 22:17

Are uri ma Micaías xub'ij: Je wilom konojel aj Israel chi to' kikichersam b'i kib' pa taq es, pacha jub'an chij chi nti keyu'uwik. I Ajwal ub'im: I winaqi nti kajaw, chkijujunal chetzalij b'i chi taq kachoch ru' jun utz laj olem.

ISAÍAS 13:1

Tzijonik re i Ajwal chkij aj Babilonia, chi xya' retamaxik che ma Isaías chi uk'ojol ma Amoz.

AMÓS 1:1

Iri are i utzijonik ma Amós, ajyu'ul chij aj pa tinimit Tecoa, xya' che rumal i Dios chrij i tinimit Israel, che i keb' junab' chuxe'el kab'raqan, che rajawinik i ma Uzías, ajawinel re Judá, xaq re i ma Jeroboam, chi uk'ojol ma Joás, ajawinel re Israel.

JONÁS 3:1

I Ajwal xu'ijla chik ukamul ma Jonás, i xub'ij che: