JEREMÍAS 28:4 - Wuj Pa K'ubultzij

⁴ Xaq kin-an na chi ketzalij chali ma Jeconías che i k'ijib'ali, chi uk'ojol ma Joacim, ajawinel re i tinimit Judá xaq konojel i winaq chi xe'elsax b'i pa tinimit Judá xe'e pa Babilonia. Qatzij, kinpatz' ni i yuku re i ajawinel pa Babilonia. Yin in Ajwal, xinb'iw ile.

JEREMÍAS 28:4 Referans Kwoze

JEREMÍAS 22:24

I Ajwal xub'ij che ma Conías, chi rak'al ma Joacim, chi ajawinel re i tinimit Judá: “Lik kinb'ij pub'i ink'aslemal: Tupu yet lik at jun b'aq chi o che uwi in-ab' wiqab'im, xwiri yin lik katwesaj nu b'i chila

JEREMÍAS 28:2

—I Ajwal chi ronojel ktiki che, chi ki-Dios aj Israel, keje iri kub'ij: Kinpatz' ni yuku re ajawinel aj pa Babilonia,

JEREMÍAS 24:1

Chrijil chik relsaxik b'i ma Jeconías putinimit rumal ma Nabucodonosor, ajawinel re i tinimit Babilonia, i ma Jeconías le uk'ojol ma Joacim, chi ajawinel re i tinimit Judá, junam ku' i aj-atzil aj Judá xaq aj-anol i jalajuj taq b'iroxik pa ab'aj, xaq aj-anol lawe xaq i chapb'al uchija. Are uri i Ajwal xu'an chwe chi xwil keb' chikach nojnaq che higo chi o chwach rachoch i Ajwal.

NAHUM 1:13

Kin-an ni ch'aqa taq che i yuku chi o rij aqul xaq keinraqij ni akarena.”

JEREMÍAS 30:8

Yin in Ajwal, chi ronojel kintiki che, lik kinb'ij: Kewesaj ni intinimit chwach i k'ax laj chak, xaq ke'on ti chik winaq chi je o pa k'ax kumal aj naj.

JEREMÍAS 28:10

Are uri ma Hananías xresaj pan i yuku chuqul ma Jeremías, te'uri xu'an ch'aqa taq che.

JEREMÍAS 24:5

Yin, chi in Ajwal Dios, chi in ki-Dios aj Israel, kinb'ij: Pacha utz laj taq higo kewil i winaq aj Judá, chi xewesaj b'i waral, xeintaq b'i pkitinimit aj Caldea. Lik kwil ni tob'al kiwach,

JEREMÍAS 22:10

Mixo' che ma ajawinel Josías, mixo' che ukamik, are chixo' che uk'ojol chi ma Salum, chi k-ek xwiri ktzalij ti chaloq, lik kril ti chik uwach i ulew ipa alaxnaq wi. Man i Ajwal kub'ij chrij ma Salum, chi uk'ojol ma Josías, ajawinel re i tinimit Judá, chi xkub'i pa kub'ib'al chi o u'ij chrijil chik uqajaw, chi xel che i k'ijib'ali: Lik ktzalij ti chaloq.

JEREMÍAS 2:20

Lik ujer tan xayak awib' chu'anik ch'oj chwij, xawaj ti xatkojon chwe. Xab'ij: “Kwaj ti u'anik inpatan.” Puwi ronojel taq jyub' naj uwi xaq chuxe' ronojel taq che' chi yelyik uxaq xaq xaya awib' chuch'akik amer chwach ach'akul.

ISAÍAS 9:4

Man yet xawesaj i taqanik chi k-an te'eq chke i winaq anb'al k'ax chke, u'anik i k'ax chi lik keukoj te'eq il, chi je o te'eq pu'ab' i taqanik. Pacha are xawulijsaj i tinimit Madián.

GÉNESIS 27:40

Rumal ach'ich' chi k'ulala o uware katk'asi na, xaq at ajchak na chrij acha'; xwiri are kkowir awach xaq are o chik acho'ab' kawesaj ni awib' uri pu'ab'.”

JEREMÍAS 27:8

We o jujun nimaq taq tinimit xaq we ajawinelab' chi kkiya ti kib' pu'ab' ma Nabucodonosor, Yin kinya ni utojb'alil pkiwi, ru' nimaq taq ch'oj, ru' wa'jal xaq ru' itzel laj taq yob'il, k'a kekanaj ni konojel pu'ab'. Yin in Ajwal, xinb'iw ile.

LEVÍTICO 26:13

Yin in Iwajwal Dios chi xixwesaj li pki'ab' aj Egipto chi ix o te'eq pa k'ax kumal xaq xwesaj i yuku rij iqul chi lik al te'eq kina'o xaq xin-an chiwe chi to' ti kilukukej ipalaj kixb'inik.

2 Reyes 24:14

Te'uri xeuk'am b'i konojel ni'pa winaq aj Jerusalén prexil, xaq konojel i je aj-atzil, i achiyab' chi lik je yij che i ch'oj xaq lik ko kiwach, aj-anol jalajuj taq b'iroxik pa ab'aj xaq konojel je ajch'ayol ch'ich'. K'a xetz'aqat ni jo'mo' juchiy (10,000) winaq chi xek'am b'i prexil. Mijun winaq xkanaj kan pa nim laj tinimit, konojel xe'e prexil, xwi xek'am tu b'i i winaq chi lik je nib'a'.

JEREMÍAS 13:19

Ni'pa i tinimit re i Neguev is sutim rij, lik mijun kya' che kok b'ik. Konojel ni'pa aj Judá xe'elsax b'i pa cho'ab' chwach kulew, lik konojel xe'elsax b'i pa cho'ab' chwach i kulew.

JEREMÍAS 29:1

Chrijil chik relik b'i i ajawinel ma Jeconías chi je elsam te b'i pa cho'ab' chwach kulew, junam ru' uchuch, ku' ni'pa i kki'an kipatan xaq i je aj-atzil chi je aj Judá, xaq ke aj Jerusalén, aj-anol taq ulew laq xaq jalajuj taq b'iroxik re chapb'al xaq ajch'ayol ch'ich'. I ma Jeremías chi profeta, xutaq b'i ub'ixkil i tziji chwach jun wuj, chi xutaq b'ik are o te'eq pa Jerusalén; xutaq b'i chke i rijab' chi k'a je k'aslik, chke ajsujul sipon, chke i profeta xaq chke konojel i winaq, chi xeuk'am b'i ma Nabucodonosor pa Babilonia.