JEREMÍAS 28:16 - Wuj Pa K'ubultzij

¹⁶ Rumali i Ajwal kub'ij: Lik qatzij chi katintaq b'ik, xwiri xa rumal kinsachb'ej awach chwach i jyub' ta'aj. Che i junab'i katkamik, man ru' atzij xa'an chke i winaq chi je ajch'oj chwij.

JEREMÍAS 28:16 Referans Kwoze

JEREMÍAS 29:32

Yin, chi in Ajwal, kinb'ij chi kinya ni utojb'alil che ma Semaías xaq chke umuq uxikin. Lik nti umuq uxikin chuxol intinimit, xaq kuqusij ti kikotemal chi kinya che intinimit, man ru' utzij le xu'an che intinimit chi jun ajch'oj chwij. Yin in Ajwal, xinb'iw ile.

GÉNESIS 7:4

Man pa wuqub' ij panoq, kinpetsaj ni jun nim laj jab' chwach i jyub' ta'aj, kuch'ij ni kawinaq (40) ij xaq kawinaq (40) a'ab', chupb'al kiwach konojel ni'pa i winaq xaq i chikop chi o kik'aslemal chi je in-anom chwach i jyub' ta'aj”. Keje ile xub'ij i Dios che ma Noé.

JEREMÍAS 20:6

Xaq yet, ma Pasur, katk'am nu b'i pa k'ax chila pa Babilonia junam ku' konojel awalk'uwal. Chila na katkam wi xaq chila katmuq wi yet xaq konojel ni'pa awamiy, chi kab'ij te'eq i tzijonik chke chi qatzij taj.

1 Reyes 13:34

Rumal i xaqmanal xu'an i ma Jeroboam le puk'aslemal, lik xu'an chke i ralk'uwal chi xemakunik xaq lik xchupsax kiwach konojel.

Deuteronomio 6:15

Man Iwajwal Dios chi o iwu' yix, are jun Dios, chi lik nim u'ij xaq lik xwi Ire kmajawik koksax u'ij xaq lik kpe roywal chiwe, xaq o pu'ab' kusach iwach iwonojel.

ÉXODO 32:12

¿B'uchak kaya chke aj Egipto chi kkib'ij i tziji chawij? “I Dios xeresaj b'ik man uch'ob'om kikamsaxik chwi nimaq taq jyub', re chupb'al kiwach chwach i jyub' ta'aj.” Cha'atij awoywal, lik maya taq jun k'ax pkiwi atinimit.

AMÓS 9:8

I Ajwal kril i tinimit ajmakunel, i kub'ij: Kinsachsaj uwach chwach i ulew, xwiri kinsachsaj ti uwach ronojel i rachoch ma Jacob. Yin in Ajwal, kinb'ij.

JEREMÍAS 28:3

xaq pa keb' junab' kin-an na chi ketzalijsax chali che i k'ijib'ali ronojel ni'pa i chapb'al re i rachoch i Dios chi xuk'am b'i ma Nabucodonosor pa Babilonia.

NÚMEROS 29:32

Che uwuq ij ksujux ni wuqub' ral taq me', keb' mama'ib' chij xaq kajlajuj ral taq chij aj jujun junab' chi je klis taj.

JEREMÍAS 28:17

Are uri ma Hananías chi profeta, xkam che i uwuq ik' che i junab' le.

AMÓS 7:17

Xwiri iri are kub'ij i Ajwal: I awixoqil kumin ni rib' ku' achiyab' chkiwach i winaq pa tinimit, i ak'ojol xaq i ami'al kekam ni ru' ch'ich' chi k'ulala o uware; awulew kkijach ni chkiwach ru' sakinik; yet lik katkam ni pkulew i winaq chi kkikoj ti Dios, i winaq aj Israel kechap nu b'ik, kek'am nu b'i naj che i kulew.