JEREMÍAS 27:7 - Wuj Pa K'ubultzij

⁷ Konojel ni'pa i nimaq taq tinimit lik kek'iji ni pu'ab' ire, pu'ab' rak'al xaq pu'ab' i ri umam k'a kuriqa ni ij chi i nim laj utinimit ire le kk'iji ni pki'ab' i nimaq taq tinimit xaq nimaq taq ajawinelab'.

JEREMÍAS 27:7 Referans Kwoze

JEREMÍAS 52:31

Che i jo'ob' juwinaq (25) ij re i ik' kab'lajuj re i wuqlajuj juwinaq (37) junab' re relsaxik b'i ajawinel ma Joaquín pa Judá, xujeq ajawinik pa tinimit Babilonia i ajawinel Evil-merodac, chi lik xu'an utz che rib' ru' ma Joaquín, rumali xresaj li prexil,

Apocalipsis 16:19

I nim laj tinimit lik xraqch'ijik, xu'on oxib' tant. Ronojel i tinimit chwach i jyub' ta'aj xewulijik. I Dios xk'un chuk'ux uk'iyal makunik re i nim laj tinimit Babilonia; nim i roywal che, rumali, lik nim i tojpen xupetsaj puwi.

Apocalipsis 14:8

Xk'un chik jun ángel chrij i jun le, i xub'ij: “¡Ya xqaj u'ij i nim laj tinimit chi ajch'oj chrij i Dios, chi are i tinimit Babilonia! ¡Ya xsachsax uwach i tinimit le chi xuk'ut chke konojel i nimaq taq tinimit chu'anik kimak xaq che i kojonik chke i tiox chi xaril je antalik.” Xub'ij i ángel.

Habacuc 2:7

Are nti kach'ob' che, keupon ni o ak'as ku' chuk'amik i kimer, kk'un ni saq chkiwach i katyaw pa k'achirik xaq lik katkich'anb'a ni kanoq.

ISAÍAS 21:9

Are uri xwil jun kareta charem kumal keb' kaway.” Are uri o jun keje iri xub'ij: ¡Xtzaqik, xtzaq i tinimit Babilonia! Ronojel ni'pa uk'exwach taq kitiox xetzaq pulew, lik xe'on ch'aqa taq.

ISAÍAS 13:1

Tzijonik re i Ajwal chkij aj Babilonia, chi xya' retamaxik che ma Isaías chi uk'ojol ma Amoz.

Salmos 37:13

Xwiri i Ajwal xa kutze'ej, man Ire reta'am chi i utz ti laj winaq le, ya kuriq u'ij chwach.

JEREMÍAS 27:22

Kekik'am nu b'i pa Babilonia, kekanaj ni chila, k'a kinch'ob' ni yin junpa keink'am chali che i k'ijib'ali. Yin in Ajwal, xinb'iw ile.

JEREMÍAS 34:1

Ma Nabucodonosor, chi ajawinel re i Babilonia, junam ku' i achiyab' chi je yij che i ch'oj, chi je are i winaq ke konojel ni'pa i nimaq taq tinimit re i uwach i jyub' ta'aj chi je o pu'ab' ire, ketijin chu'anik ch'oj chrij i tinimit Jerusalén xaq chkij i tinimit chi je o naqaj chke, i Ajwal xlapan ru' ma Jeremías, xub'ij che:

JEREMÍAS 44:30

Yin kinjach ni ma faraón Hofra, Ajawinel re Egipto, pki'ab' rajch'oj chrij, pacha ujachik ma Sedequías ajawinel re Judá pu'ab' ma Nabucodonosor, ajawinel re Babilonia, rajch'oj chrij.

JEREMÍAS 46:13

I Ajwal xch'aw ru' i profeta chi ma Jeremías are ma Nabucodonosor, ajawinel re Babilonia, are enam te'eq re chu'anik ch'oj pa tinimit Egipto:

Daniel 2:37

Nim laj Winaq, are yet lik mas at nim chkiwach konojel i ajawinelab', man i Dios aj chikaj uya'om chawe chi kat-ajawinik, uya'om i tikilem pa'ab', acho'ab', i a'ij,

Daniel 4:22

i che' le are yet, Nim laj Winaq, chi lik at k'iynaq xaq nim a'ij. I unimal a'ij yet, Nim laj Winaq, lik k'iynaq chi lik kupon unimal k'a chikaj, xaq i ajawinik lik enaq puwi ronojel i jyub' ta'aj.

Habacuc 2:8

I nimaq taq tinimit kkimol ni kib' chawij, kkel-aj nu b'i ub'itaq awe pacha xawel-aj b'i yet chke. Kki'an ni chawe chi katoj ronojel ni'pa i utz taj chi ka'ano, i ch'oj chi xa'an pa tinimit xaq chkij i nimaq taq tinimit i konojel uwinaq.

Ezequiel 30:24

Lik kinya ni ucho'ab' uteleb' i ajawinel re Babilonia, xaq kinya ni inch'ich' pu'ab' chi k'ulala o uware. Kinpatz' ni uteleb' ma faraón, ire kjilaw na are kuna'o chi soktajnaq chik chkiwach i je ajch'oj chrij.