JEREMÍAS 27:4 - Wuj Pa K'ubultzij

⁴ Cheataqa chub'ixkil chke ni'pa je o pkiwi, chi yin in Ajwal chi ronojel kintiki che, chi ki-Dios aj Israel, kinb'ij:

JEREMÍAS 27:4 Referans Kwoze

JEREMÍAS 51:19

¡Lik junwi i Dios re ma Jacob, chi xu'an ronojel ni'pa olik! Ire xucha i tinimit Israel xaq x-on re che. Ub'i: Are i Ajwal chi ronojel ktiki che.

JEREMÍAS 25:27

Te'uri xub'ij i Ajwal chwe: Chab'ij chke, yin in Ajwal chi ronojel kintiki che, chi ki-Dios aj Israel, kinya jun taqanik chiwe chi chitu'u k'i uwa'al uva muqb'am k'a kix-ab'ar na xaq kixxab' na, kixtzaq ni pulew xaq kich'ij ti chik walijik, rumal i nim laj ch'oj chi kintaq b'i chiwij.

JEREMÍAS 10:16

¡Lik junwi u-Dios i ma Jacob, chi anol b'itol re ronojel ni'pa i olik! Ire xeucha aj Israel pacha je re ire. I ub'i ire are iri: Ajwal chi ronojel ktiki che.

JEREMÍAS 10:10

I Ajwal are i saqil laj Dios, are i k'aslik Dios, are i Ajawinel ronojel ij saq. Are kpe roywal lik kyikyat ulew rumal, i nimaq taq tinimit ketiki ti chu'atixik i roywal.

ÉXODO 5:1

Chrijil chik ile, ma Moisés xaq ma Aarón xe'e chub'ixkil che ma faraón, xkib'ij: —Keje iri kub'ij i Ajwal Dios ke aj Israel: “Chaya che intinimit k-e pa tz'inilik jyub' chaqij chu'anik jun nima'ij re kojb'al in-ij.”

JEREMÍAS 27:3

Chrijil chik ile chataqa b'i jun tzij chke i ajawinelab' pa Edom, pa Moab, pa Amón, pa Tiro xaq pa Sidón, chkij i ajb'il tzij chi je k'unnaq pa Jerusalén chusolixik i ajawinel ma Sedequías.

JEREMÍAS 27:5

Ru' nim laj incho'ab' xin-an i jyub' ta'aj, ni'pa i winaq xaq i chikop chi je o chwach, xaq kinya che i jun pachin che kwaj kinya wi.

JEREMÍAS 28:14

Man yin, chi in Ajwal, chi ronojel kintiki che, chi ki-Dios aj Israel, kinb'ij iri: Inkojom pacha jun yuku ch'ich' chkiqul konojel i winaq, man keje ile i winaq chi je o pa k'ax rumal i ma Nabucodonosor, chi ajawinel re i tinimit Babilonia. Xaq chikop aj pa taq es je inya'om pu'ab'.”