11 Xwiri i jun nim laj tinimit chi kuya rib' pu'ab' i ajawinel aj pa Babilonia, yin kinya ni che chi kkanaj kan chwach rulew, re kjeqi ni chwach xaq kutik ni uwach. Yin in Ajwal, xinb'iw ile.
We o jujun nimaq taq tinimit xaq we ajawinelab' chi kkiya ti kib' pu'ab' ma Nabucodonosor, Yin kinya ni utojb'alil pkiwi, ru' nimaq taq ch'oj, ru' wa'jal xaq ru' itzel laj taq yob'il, k'a kekanaj ni konojel pu'ab'. Yin in Ajwal, xinb'iw ile.
I jun chi kkanaj kan pa nim laj tinimiti kkam ni pa ch'oj, we ntaj rumal wa'jal kekam ni che numik, xaq we ntaj rumal i itzel laj yob'il. Xwiri i jun chi kel loq xaq kujach rib' chke aj Caldea chi ketijin chu'anik ch'oj chrij i nim laj tinimit, kkam ti uri; ktiki ni uri chuto'ik uk'aslemal.
I Ajwal kub'ij: “Pachin jun kkanaj kan pa tinimit, kkam ni uri pa ch'oj, rumal wa'jal, rumal itzel laj taq yob'il. Xwiri pachin jun chi kel b'ik xaq kujach rib' pki'ab' aj Caldea, ktiki ni uri chuto'ik uk'aslemal.
Yin, chi in ma Jeremías, xinkamulij ub'ixkil ronojel iri che ma Sedequías, chi ajawinel re i tinimit Judá, xaq xinb'ij che: “Chiya iwib' pu'ab' i ajawinel re i tinimit Babilonia, xaq pu'ab' utinimit, keje ile kixk'asi na.
Yin in Ajwal, kinb'ij: Kinmol ni kichi' i winaq re i tinimit Israel chkixol i nimaq taq tinimit ipa je kichernaq wi b'ik, xaq kink'ut ni nim laj in-ij inchomal chkiwach i nimaq taq tinimit. I je aj Israel kejeqi ni chwach i kulew, i ulew chi xinya che ma Jacob chi wajpatan.