JEREMÍAS 26:21 - Wuj Pa K'ubultzij

²¹ I ajawinel Joacim, je raqan u'ab' xaq i kaj-atzil xkita wach xub'ij ire, are uri i ajawinel xraj ukamsaxik. Xwiri are xretamaj ma Urías, xuxij rib', x-anmaj b'i pa Egipto.

JEREMÍAS 26:21 Referans Kwoze

Mateo 10:23

We ix o che jun tinimit i kixkiterb'ej man kki'an ch'oj chiwij, chix-anmajoq; jix chik che jun tinimit. Qatzij i kinb'ij chiwe, i pacha Winaq chi xalax chwach Ulew, kk'un na are k'amaja ne kixtiki yix che usolixik ronojel i tinimit Israel.

Mateo 14:5

Rumali, i ma Herodes xraj ukamsaxik i ma Wan, xwiri kuxij rib' chke i winaq. Man konojel i winaq kikojom chi i ma Wan lik profeta.

JEREMÍAS 36:26

Are xu'ano, xutaq ma Jerameel, chi lik rak'al i ajawinel, ma Seraías, chi uk'ojol ma Azriel, ma Selemías, chi uk'ojol ma Abdeel, chi kkimin i profeta ma Jeremías prexil, xaq i ma Baruc chi rajtz'ib'. Xwiri ike xeuwax rumal i Ajwal.

SEGUNDO LIBRO DE CR%D3NICAS 16:10

Are uri i ma Asa lik xpe roywal che i profeta, rumali xutaq uminik prexil. Xaq che taq i ij le lik x-on k'ax chke jujun winaq aj chila pa tinimit.

Marcos 6:19

Rumali i ati Herodías le lik tzel xril ma Wan xaq lik xraj te ukamsaxik xwiri xuriq taj wach ukamsaxik xu'ano.

Mateo 10:39

Pachin jun xa k'ax kuna uk'aslemal waral, xa kusach uri uk'aslemal chi saqil. Xwiri, i jun chi ksachsax ni uwach uk'aslemal xa wumal Yin, kya' uri uk'aslemal saqil.

Mateo 10:28

Mixij iwib' chke i ketiki chukamsaxik i ch'akul, xwiri iwanima ketiki ti che. Are, chixija iwib' che i Jun, chi o pu'ab' kusachsaj uwach i ch'akul xaq iwanima pa a'.

Proverbios 29:25

I xib'rikil chi o che i winaq chwach jun chik winaq ile xa jun tzaqsab'al, man ni'pa kkiya kik'ux che i Ajwal ketotaj na.

Salmos 119:109

Arewi ink'aslemal o chwach i kamik, xwiri lik ksach ti a'atb'al tzij chink'ux.

SEGUNDO LIBRO DE CR%D3NICAS 24:21

Xwiri i winaq le xkijunamsaj kitzij chukamsaxik, rumal utaqanik i ajawinel xkipuk' che ab'aj chila chwaja re i rachoch i Ajwal i xkikamsaj.

JEREMÍAS 26:10

Ni'pa je aj-atzil re i tinimit Judá are xkita wach i ktijin uk'ulmaxik, xe'el pa nim laj rachoch i ajawinel, xe'e prachoch i Dios, chila xekub'i wi chwach Uchija K'ak'.

JEREMÍAS 38:4

Are uri i ajpatanib' xkib'ij che i ajawinel: —Rajwaxik chi kkamsax i achi ri, man ru' i utzij lik kuqajsaj ki'ij achiyab' chi je yij che i ch'oj chi k'a je kanajnaq kan pa nim laj tinimit, xaq kuqajsaj ki'ij konojel i winaq. I achi le kutzukuj ti chomb'al ib' re i tinimit, xa ch'oj kutzukuj.

1 Reyes 18:10

Lik pub'i i Awajwal Dios kinb'ij, chi lik nti jun tinimit xaq jun k'ijib'al we i ajawinel utaqom ti atzukuxik; are kkib'ij chi at nti chila, i ajawinel lik ku'an chke chi kkib'ij pub'i i Dios we lik saq laj tzij xatkiriq taj.