JEREMÍAS 26:17 - Wuj Pa K'ubultzij

¹⁷ O jujun chke unimaqil i tinimit xewalijik xaq xkib'ij chke i winaq chi kimolom kib' chila:

JEREMÍAS 26:17 Referans Kwoze

Hechos 5:34

Xwiri, chkixol ike le o jun aj fariseo chi mam Gamaliel ub'i chi xaq jun tijonel re ujer atb'al tzij re i Dios, chi lik oksam u'ij kumal i winaq. Ire le xtak'i anoq xaq xutaq ub'ixkil chi kkesaj b'i jub'i' i apostolab' chisaq.

Miqueas 1:1

Iri are i tzijonik chi Ajwal xub'ij che ma Miqueas re i tinimit Moreset chi xaq xuk'ut che puwach chrij i tinimit Samaria xaq i tinimit Jerusalén, che taq i ij chi ma Jotam, ma Acaz xaq ma Ezequías kerajawin pa tinimit Judá.

JEREMÍAS 26:18

Che taq i ij re ma Ezequías, chi ajawinel re i tinimit Judá, ma Miqueas aj Moreset xub'ij pub'i i Ajwal chke konojel i winaq aj Judá: I Ajwal chi ronojel ktiki che, kub'ij: I tinimit Sion kkanaj na pacha jun ulew re ktuk uwach, i tinimit Jerusalén k-on na pacha jut'ub'aj ja wulijnaq, xaq uwi rachoch i Ajwal lik kpe ni es chwach.