JEREMÍAS 25:9 - Wuj Pa K'ubultzij

⁹ keinsik'ij konojel i winaq aj pa moxab' xaq i wajpatan chi ma Nabucodonosor, chi ajawinel re i tinimit Babilonia, re kepe chu'anik ch'oj che i nim laj tinimiti, xaq konojel ni'pa je jeqel chwach xaq chkij nimaq taq tinimit chi je o naqaj. Lik kinsach ni kiwach konojel. Lik kin-an chke chi ksach ni kiwach, chi lik je xib'in ib' xaq je xib'rikil.

JEREMÍAS 25:9 Referans Kwoze

JEREMÍAS 18:16

Keje u'anik ile chi xu'an pacha jun tz'inilik chaqij jyub' che utinimit, lik xuqajsaj u'ij, man ni'pa i winaq chi keik'aw chila lik kkisutsa kijolom chub'isoxik.

JEREMÍAS 1:15

Yin, chi in Ajwal, lik kinsaqij chiwe chi keinsik'ij konojel i ajawinelab' pa moxab'. Kek'un ni i kajawinelab' xaq kkikub'a ni kikub'ib'al chi o u'ij pa okb'al che i tinimit Jerusalén, chwach ronojel ni'pa i tapial chi sutiwnaq rij xaq chkiwach konojel ni'pa i tinimit re i Judá.

ISAÍAS 13:3

Ya je insik'im chik i wajch'oj chi lik ko kiwach, ya inya'om chik i taqanik chke i wajch'oj chi je jachtal pu'ab' i Dios, chke ni'pa kekikot che inch'akanik, man keje ile kkiya ni utojb'alil chke ajch'oj chwij.”

JEREMÍAS 43:10

Xaq chab'ij chke: I Ajwal chi ronojel ktiki che, chi ki-Dios aj Israel, kub'ij: Kin-an na chi kk'un wajpatan ma Nabucodonosor, chi ajawinel re Babilonia, kinya ukub'ib'al chi o u'ij xaq kinya i saqil laj rachoch i ajawinel puja' ab'aj le chi inmuqum waral.

JEREMÍAS 24:9

Kin-an ni chke ike chi kuya ni nim laj xib'rikil chke konojel i nimaq taq tinimit chwach i jyub' ta'aj, chi xaq are ni ilb'al re i nim laj uqajsaxik ki'ij, kiyo'yaxik xaq i kik'oqoxik pa ronojel nimaq taq tinimit ipa xeinkichersaj wi b'i kiwach.

ISAÍAS 44:28

Yin kinb'ij che ma Ciro: Yet at wajyu'unel, yet ka'an ni ronojel ni'pa i kwaj yin; xaq kinb'ij che i tinimit Jerusalén: “Yet katyak chik ukamul”; xaq kinb'ij che i rachoch i Dios: “Koksax ni akub'ib'al”.

ISAÍAS 39:7

O jujun chke amuq axikin kek'am nu b'i pa Babilonia, chila kelsax wi kikowil chke xaq keya' ni chila pacha ajtaqon pa nim laj rachoch i ajawinel.

Ezequiel 26:7

Yin in Ajwal, kinb'ij: Kin-an na chi pa moxab' kpe ni ma Nabucodonosor, ajawinel re i tinimit Babilonia, are ajawinel chi lik nim ucho'ab', keje ile ku'an ch'oj chrij i tinimit Tiro. Keuk'am na li kaway, kareta xaq i achiyab' chi je ajrij taq kaway xaq ru' k'iyal tzob'ajil taq ajch'oj.

JEREMÍAS 40:2

I aj-ok'al utzam i ajchajinelab' xuk'am b'i ma Jeremías junla xaq xub'ij che: I Awajwal chi a-Dios uch'ach'am utaqik li k'oqom laj taq k'ax che i k'ijib'ali,

JEREMÍAS 8:16

¡Ya kk'un ajch'oj chqij! ¡Ya ktataj chik i kuxlab' i kaway pkitzam k'a chila pa Dan! Are kyirir i kaway kyikyat ronojel ulew. Xek'un chusachik uwach i tinimit xaq ronojel ni'pa o chupam, konojel i nimaq taq tinimit xaq konojel ni'pa je jeqel chwach.”

JEREMÍAS 6:1

¡Ix jutzob'aj re ma Benjamín chix-anmajoq, chitzukuj i k'ijib'al re tob'al ib', chixel chila pa tinimit Jerusalén! Chixut'ij i trompeta pa Tecoa, chiyaka jun ilb'al re chila Bet-haquerem, man jun uyej, jun nim laj k'ax kpe pqawi chi upetik pa moxab'.

ISAÍAS 10:5

I ajawinel re i tinimit Asiria are i che' chi kinkoj Yin re yab'al utojb'alil rumal woywal, are i ch'amiy chi kinkojo are kmi' woywal.

Proverbios 21:1

Unojb'al i ajawinel pu'ab' i Ajwal, keje pacha i raqana, chi lik are ku'ano pacha kraj i Ajwal.

Deuteronomio 28:37

Ronojel ni'pa i jalajuj taq tinimit ipa katuk'am b'i Ajwal, lik kkixij ni kib' i winaq chawe, katkiyo'ya na xaq lik tzeb'al na chkiwach ike ni'pa kak'ulmaj na.

SEGUNDO LIBRO DE CR%D3NICAS 29:8

Rumali chi Ajwal lik xpe roywal chke aj Judá xaq chke aj Jerusalén, xu'an chke chi xkixij kib' xaq xeyo'yaxik, lik pacha xiwilo.

JEREMÍAS 4:7

I koj elnaq chal pujul, i jun chi ksachaw uwach i nimaq taq tinimit lik o chik pa b'e, elnaq li putinimit re sachb'al uwach atinimit yet, re ku'an kan che pacha taq jun tz'inilik jyub' xaq pacha jun nim laj tinimit wulijnaq.

JEREMÍAS 10:22

¡Chita pe', xk'un jun tzijonik! Lik k'a che jun nim laj tinimit pa moxab' kpe wi jun nim laj pacha uch'awb'al ray, chi ku'an che i nim laj tinimit Judá pacha jun tz'inilik jyub', ipa ke jeqi wi i tz'i aj pa taq es.

JEREMÍAS 20:4

Man i Ajwal kub'ij: Kin-an ni chawe chi ka'an ni kamik, xib'rikil, xaq chke konojel awamiy; lik chawach ketzaq ni awamiy ru' ch'ich' chi k'ulala o uware pki'ab' ajch'oj chkij. Keinjach ni konojel i winaq chi je jeqel pa Judá pu'ab' i ajawinel aj Babilonia, chi keuk'am nu b'i chila Babilonia, we ntaj keukamsaj ru' kuchil.

JEREMÍAS 25:8

Rumali i Ajwal chi ronojel ktiki che, kub'ij: “Iwumal yix chi xiwaj ti xikoj retalil chwe are xinb'ij chiwe chuxe'el,

JEREMÍAS 29:18

Lik kin-an ni chiwe chi kixinterb'ej ru' nimaq taq ch'oj, wa'jal xaq ru' k'ax laj taq yob'il. Kin-an na chi konojel i winaq re uwach i jyub' ta'aj kixkil na pacha taq ix xib'inel, xaq kin-an ni chiwe chi kixtzaq ni chupam i k'ixb'alil, yo'yanik xaq i k'oqonik che ronojel i nimaq taq tinimit ipa ix inkichersam wi b'ik.

JEREMÍAS 36:2

“Chak'ama pan jun b'orom tz'um re kattz'ib'an chwach, chatz'ib'aj chwach ronojel ni'pa inb'im chawe chrij i tinimit Israel, chrij i tinimit Judá xaq i jub'an chik nimaq taq tinimit, k'a are xinjeq li lapanik che taq i ij re ma Josías k'a arewi wo'or.

JEREMÍAS 36:29

Keje iri chab'ija che: Keje iri kub'ij i Ajwal: Yet xak'at i b'orom tz'um xaq xayaj ma Jeremías rumal utz'ib'am chupam chi ajawinel re i Babilonia, lik kk'un ni chusachik uwach i tinimit xaq lik nti chik winaq, chikop kuya kan chwach.

Ezequiel 12:20

Ni'pa i tinimit chi je o winaq chupam, lik ksachsax ni kiwach; i tinimit kkanajik lik pacha tz'inilik jyub'. Te'uri kiwetamaj ni yix, chi Yin in Ajwal.”

Ezequiel 36:5

Iri are kub'ij i Ajwal: Intzij lik kjuluwik rumal woywal chkij jub'an chik tinimit, lik are mas nim woywal chrij ronojel i tinimit Edom, man lik ru' nim laj kikotemal xkimaj i wulew, xaq lik ru' nim laj oywal xkik'am b'i o chwach.

Daniel 5:18

I Nim laj Dios are Ire xuya i ajawinik, xaq i nim laj cho'ab', chomalil xaq i u'ij i ma Nabucodonosor, chi aqajaw yet, Nim laj Winaq.

2 Reyes 24:2

Are uri i Ajwal xeutaq jub'an ili'omab' chrij ma Joacim, chi je aj Caldea, aj Siria, aj Moab xaq aj Amón. Xeutaq b'i pa ch'oj chkij aj Judá chupb'al uwach i tinimit le chrij pacha ub'im i Ajwal, chi xkib'ij i profeta.

SEGUNDO LIBRO DE CR%D3NICAS 36:21

keje ile k-antaj ni urayijb'al i Dios chrij pacha xub'ij ma Jeremías chi profeta. K'a kuxlan ni ulew man i ulew lik naj xuxlanik k'a xtz'aqat ni lajuj oxwinaq (70) junab'.

JEREMÍAS 1:14

Are uri i Ajwal xub'ij chwe: “Lik k'a chila pa moxab' ktix wi li tojpen pkiwi konojel i winaq re i nim laj tinimiti.

JEREMÍAS 2:15

¿B'uchak uri ki'an ch'oj chkij pacha taq ix koj, chi lik ko kixyererik? Xaq iwulijsam kan i nimaq taq kitinimit, i nimaq taq kitinimit xnak' a' che xaq mijun chik xkanajik.

JEREMÍAS 12:14

Keje iri kub'ij i Ajwal chkij itzel laj taq tinimit chi je o chkij chkiwach aj Israel, chi xki'an k'ax che ulew chi uya'om ire chke utinimit aj Israel, chi pacha kuxtab'al re ku'. “Yin kewesaj nu b'i chwach i kulew, xaq kewesaj b'i aj Judá chkixol ike le.

JEREMÍAS 35:11

Xwiri are ma Nabucodonosor chi ajawinel re i Babilonia xtiki kan chuk'amik i nim laj tinimiti, are uri yoj xqach'ob' k'unik pa Jerusalén, re koj-anmaj chkiwach i achiyab' chi je yij che i ch'oj chi aj Caldea xaq aj Siria. Rumali chi oj jeqel chi Jerusalén.”

JEREMÍAS 46:20

I tinimit Egipto keje pacha jun chom laj b'akil, xwiri kk'un uch'opixik rumal jun iskatz re pa moxab'.

JEREMÍAS 49:19

Pacha jun koj chi kel li pa taq es re i Jordán chi xaq k-e pa taq k'ijib'al ipa o wi es chi lik rax, chila kin-an na chi ke'anmaj ni aj Edom, xaq kin-an na chi krajawin i winaq chi kin-ul yin. Xwiri, ¿Pachin nawi kupaj rib' wu' Yin? ¿Pachin nawi kinuch'ak Yin? ¿Pachike ajyu'ul chij kupek' rib' wu' Yin?

Ezequiel 16:40

Kkiyak ni tinimit chawij, katkik'aq ni che ab'aj xaq katkikamsaj ni ru' kich'ich' chi k'ulala o uware.

Ezequiel 21:11

X-uy rij man keje ile utz umo'exik k-anik. I ch'ich' chi k'ulala o uware lik antal chik uware xaq lik uytal chik rij, yab'al re pu'ab' ajkamsanel.

Habacuc 1:12

Ajwal, ¿Xatab'a at o ti Yet ronojel ij saq, lo'laj in-Dios Yet chi lik katkam taj? Ajwal xaq at tol we, Yet aya'om kicho'ab' aj Caldea man keje ile ike kki'an ni i a'atb'al tzij.

Habacuc 1:17

Keje ile, ¿Xatab'a kkimayij ti qachapik aj Caldea ru' katraya? ¿Lik nti k'axnab'al kik'ux chke i winaq man kkimayij ti kikamsaxik?