JEREMÍAS 25:12 - Wuj Pa K'ubultzij

¹² Are ktz'aqat i lajuj oxwinaq (70) junab' kinya ni utojb'alil che i ajawinel aj Babilonia xaq che i nim laj utinimit, xaq kinsach ni uwach i tinimit ke aj Caldea ronojel ij saq. Yin in Ajwal, xinb'iw ile.

JEREMÍAS 25:12 Referans Kwoze

Daniel 9:2

Che i nab'e junab' re rajawinik, yin ma Daniel kintijin te'eq chrajlaxik uwach i wuj re i profeta ma Jeremías, chrij i lajuj oxwinaq (70) junab' chi kik'aw na re k-antaj na chi kutij ni uyej i tinimit Jerusalén, chrij pacha ub'im i Ajwal che i profeta.

ISAÍAS 13:19

Man chke i aj Caldea i Babilonia keje pacha jun perla ke i nimaq taq tinimit, chomiq taq ab'aj re wiqb'al ib' xaq kojb'al ki'ij aj Caldea, ile kkanaj na pacha x-on i Sodoma xaq i Gomorra are xinsach kiwach.

JEREMÍAS 29:10

I Ajwal kub'ij: I tinimit Babilonia are kutz'aqatsaj lajuj oxwinaq (70) junab', kink'un ni iwu' xaq kin-an ni i utz laj sujunik chi in-anom chiwe, chi kin-an chiwe chi kixtzalij chal che i k'ijib'ali.

ISAÍAS 14:23

Kin-an ni jun semsik ak'al che, jun k'ijib'al ke i tukur. Kinmes ni upam ru' i mesb'al sachanel wachij.” Are i Ajwal chi ronojel ktiki che xb'iw iri.

Ezequiel 35:9

Lik ronojel ij saq kin-an ni chawe chi at tz'inilik jyub', xaq lik mijun kjeqi chik pa taq atinimit. Are uri yix kiwetamaj na chi Yin in Ajwal.

JEREMÍAS 25:14

Ketzaq ni pki'ab' nimaq taq tinimit xaq pki'ab' i ajawinelab' chi lik ko kiwach, keje ni uya'ik utojb'alil ile kin-an pkiwi, pacha kmajaw chke rumal i kimak.”

JEREMÍAS 23:2

I Ajwal, chi ki-Dios aj Israel, kub'ij chke i ajyu'ul chij chi kerajawin puwi utinimit: “Yix ikichersam b'i inchij, i'anom chke chi ke'anmaj b'ik, xaq lik je ichajim taj. B'ay, yin lik utz uya'ik utojb'alil kin-an chiwe rumal ni'pa i utz taj chi xi'ano. Yin in Ajwal, xinb'iw ile.

ISAÍAS 46:1

I tiox Bel kb'ustaj rij, xaq i tiox Nebo ktzaq pulew. I tiox xa ke'eqax rij taq kaway, xaq lik al laj eqan chke i kaway chi lik je kosnaq chik.

ISAÍAS 20:1

O julaj i ajawinel re i tinimit Asiria chi ma Sargón xutaq b'i jun nim laj ajpatan pa tinimit Asdod, i nim laj ajpatan le x-e chu'anik ch'oj chrij i tinimit le xaq xtiki chuch'akik.

ISAÍAS 15:6

Ni'pa i k'otom chi o pa Nimrim xechaqijik, i es xematz'krij uxaq, xekam i tikon, lik nti jun uxaq rax xkanajik.

2 Reyes 24:1

Che rajawinik ma Joacim, i ma Nabucodonosor, chi ajawinel re i tinimit Babilonia, xumaj kan i tinimit, are uri ma Joacim xk'iji oxib' junab' pu'ab' ma Nabucodonosor le. Xwiri ma Joacim xk'un unojb'al, are uri xqelan che ronojel ni'pa kb'ix che.

SEGUNDO LIBRO DE CR%D3NICAS 36:22

Che i nab'e junab' rajawinik ma Ciro, chi ajawinel ke aj Persia, man k-antaj na pacha utzij i Ajwal chi b'ital rumal ma Jeremías, chi profeta, i Ajwal xu'an che ma Ciro chi kupaxsaj uwach chke konojel uwinaq to' keje ile pa tzij xaq chwach taq wuj, i taqaniki:

Salmos 137:8

¡Yet Babilonia, lik kchupsax ni awach! ¡Utz re ire chi ku'an ni uk'exel chawe rumal i xa'an chqe yoj!

ISAÍAS 33:1

¡To' awach yet, at sachsanel chi sachsam ti awach, yet at k'ayinel amiy che i ajch'oj chrij xwiri yet at k'aytal taj! Are kak'is usachik uwach jun b'iroxik are uri ksachsax ni awach, are kak'is uk'ayixik jun amiy che ajch'oj chrij are uri katk'ayix yet che jun ajch'oj chawij.

JEREMÍAS 27:7

Konojel ni'pa i nimaq taq tinimit lik kek'iji ni pu'ab' ire, pu'ab' rak'al xaq pu'ab' i ri umam k'a kuriqa ni ij chi i nim laj utinimit ire le kk'iji ni pki'ab' i nimaq taq tinimit xaq nimaq taq ajawinelab'.

JEREMÍAS 27:22

Kekik'am nu b'i pa Babilonia, kekanaj ni chila, k'a kinch'ob' ni yin junpa keink'am chali che i k'ijib'ali. Yin in Ajwal, xinb'iw ile.

Habacuc 1:17

Keje ile, ¿Xatab'a kkimayij ti qachapik aj Caldea ru' katraya? ¿Lik nti k'axnab'al kik'ux chke i winaq man kkimayij ti kikamsaxik?