JEREMÍAS 25:11 - Wuj Pa K'ubultzij

¹¹ Ronojel i nim laj tinimit lik kwulij na xaq lik ksach ni uwach. Lajuj oxwinaq (70) junab' kki'an ni kipatan i nimaq taq tinimit le chrij i ajawinel aj Babilonia.

JEREMÍAS 25:11 Referans Kwoze

Daniel 9:2

Che i nab'e junab' re rajawinik, yin ma Daniel kintijin te'eq chrajlaxik uwach i wuj re i profeta ma Jeremías, chrij i lajuj oxwinaq (70) junab' chi kik'aw na re k-antaj na chi kutij ni uyej i tinimit Jerusalén, chrij pacha ub'im i Ajwal che i profeta.

ZACARÍAS 1:12

I ángel re i Ajwal xub'ij: “Ajwal chi ronojel kattiki che, lik o chik lajuj oxwinaq (70) junab' chi mi'naq awoywal che i tinimit Jerusalén xaq chke i tinimit Judá. ¿Ni'pa chik ij kik'awik chi kawil tan chik tob'al kiwach?”

ZACARÍAS 7:5

“Chab'ij chke konojel i winaq pa tinimit xaq chke ajsujul sipon: Yix kimayij iwa'im chutz'onoxik che i Ajwal xaq ix o pa b'is che ujo' ik' xaq uwuq ik' lik are ki'ano k'a xtz'aqat lajuj oxwinaq (70) junab'. Xwiri ki'an taj re kojb'al in-ij Yin,

JEREMÍAS 25:12

Are ktz'aqat i lajuj oxwinaq (70) junab' kinya ni utojb'alil che i ajawinel aj Babilonia xaq che i nim laj utinimit, xaq kinsach ni uwach i tinimit ke aj Caldea ronojel ij saq. Yin in Ajwal, xinb'iw ile.

JEREMÍAS 4:27

I Ajwal kub'ij: Lik kch'aj nu b'i uwach ronojel jyub' ta'aj, xwiri kinsach ti uwach ronojel.

LEVÍTICO 26:32

Lik kin-an ni che itinimit pacha jun tz'inilik jyub' chaqij, i je ajch'oj chiwij are kek'un pa jeqelem chwach, lik ke'ok ni il are kkil ile.

ISAÍAS 5:6

Xaq lik utukel na kwo'taj kanoq. Lik kkik'upij ti uwi i tikon xaq kkimich' ti es chupam, xaq knoj ni che i k'ix xaq che itzel taq es. Kinya ni jun taqanik che i sutz' chi kuya ta li i jab' puwi i tikonb'al le.

JEREMÍAS 27:22

Kekik'am nu b'i pa Babilonia, kekanaj ni chila, k'a kinch'ob' ni yin junpa keink'am chali che i k'ijib'ali. Yin in Ajwal, xinb'iw ile.

JEREMÍAS 28:14

Man yin, chi in Ajwal, chi ronojel kintiki che, chi ki-Dios aj Israel, kinb'ij iri: Inkojom pacha jun yuku ch'ich' chkiqul konojel i winaq, man keje ile i winaq chi je o pa k'ax rumal i ma Nabucodonosor, chi ajawinel re i tinimit Babilonia. Xaq chikop aj pa taq es je inya'om pu'ab'.”

JEREMÍAS 29:10

I Ajwal kub'ij: I tinimit Babilonia are kutz'aqatsaj lajuj oxwinaq (70) junab', kink'un ni iwu' xaq kin-an ni i utz laj sujunik chi in-anom chiwe, chi kin-an chiwe chi kixtzalij chal che i k'ijib'ali.

JEREMÍAS 43:10

Xaq chab'ij chke: I Ajwal chi ronojel ktiki che, chi ki-Dios aj Israel, kub'ij: Kin-an na chi kk'un wajpatan ma Nabucodonosor, chi ajawinel re Babilonia, kinya ukub'ib'al chi o u'ij xaq kinya i saqil laj rachoch i ajawinel puja' ab'aj le chi inmuqum waral.

JEREMÍAS 44:22

Xwiri i Ajwal xuch'ij ti chik rilik i utz ti laj taq anik chi yix ki'ano, chi lik tzel kril Ire. Rumali i tinimit yix wo'or wulijnaq xaq lik mijun chik o chwach; lik pacha k'utb'al re jun mak atzalal chi lik xib'in ib'.

Miqueas 7:13

I jyub' ta'aj ku'an ni tz'inilik jyub' chaqij rumal kimak uwinaq, rumal i utz taj chi ki'anom.

SEGUNDO LIBRO DE CR%D3NICAS 36:20

Chrijil chik ile xeuk'am b'i i winaq chila pa Babilonia chi xek'asi kan che i kamik chi x-anik le, chila x-an winaq chke chi je o pu'ab' i kajaw junam ku' kak'al k'a xkijeq ni ajawinik aj Persia,

JEREMÍAS 4:26

Xintaqej are uri xwil i tikb'al kotz'ij yijinaq chik che i tz'inilik jyub' chaqij, xaq konojel i nimaq taq tinimit lik xaqmanal chik kik'ulmam. Are i nim laj roywal i Ajwal x-anaw che ronojel ni'pa ile.

JEREMÍAS 25:38

Xel loq pacha relik jun koj pujul, are uri kitinimit ike le lik xk'is uwach, man xpe roywal i Ajwal, rumali xutaq b'i jun nim laj ch'oj chkij.

JEREMÍAS 27:7

Konojel ni'pa i nimaq taq tinimit lik kek'iji ni pu'ab' ire, pu'ab' rak'al xaq pu'ab' i ri umam k'a kuriqa ni ij chi i nim laj utinimit ire le kk'iji ni pki'ab' i nimaq taq tinimit xaq nimaq taq ajawinelab'.

Ezequiel 6:14

Kinyak ni in-ab' pkiwi re uya'ik utojb'alil kimak, pa wiqab' tz'inilik jyub' chaqij k'a pa jyub' Diblat pa moxab', kin-an ni che utinimit xaq ni'pa taq kk'ijib'al jun tz'inilik jyub' chaqij chi lik xib'in ib'. Are uri kketamaj na chi Yin in Ajwal.”

Ezequiel 12:19

Xaq chab'ij chke i winaq pa tinimit Jerusalén xaq chke konojel aj Israel: Iri are kub'ij i Ajwal: Kitij ni iwa ru' b'is xaq kitu' ni iya' ru' xib'rikil; man i tinimit ksachsax ni uwach, kkanajik nti chik winaq chwach rumal i ch'oj ke uwinaq.

Ezequiel 29:11

Mitene winaq xaq mitene chikop keik'aw ni chila. Che i kawinaq (40) junab' lik mijun winaq kjeqi chila.