JEREMÍAS 25:10 - Wuj Pa K'ubultzij

¹⁰ Kin-an ni chke chi chkixol ike le ktataj ti chik i b'ix re i nima'ij xaq nti chik kikotemal, xaq ktataj ti chik i b'ix re k'ulankil, xaq uch'awb'al i ka' re i ke'em, xaq k-iltaj ti chik i a' re i tzuk'b'al.

JEREMÍAS 25:10 Referans Kwoze

JEREMÍAS 7:34

Kin-an na chi kinsach uwach i b'ix re i nima'ij xaq re i kikotemal pa taq tinimit Judá xaq xol taq b'e re i tinimit Jerusalén, xaq i b'ix re k'ulankil. Ronojel i tinimit k-on ni pacha jun tz'inilik jyub'.

Ezequiel 26:13

Keje ile kinsach ni uwach i sik'inik re b'ix, xaq lik ktataj ti chik uqulil i usonil i a-arpa.

JEREMÍAS 16:9

Man Yin in Ajwal, chi ronojel kintiki che, chi in ki-Dios aj Israel, kinsaqij iri: Yin kin-an na chi waral pa tinimit ksach ni uwach i b'ix re i nima'ij xaq re i kikotemal, xaq ksach uwach i b'ix re i k'ulankil. Ile lik kuk'ulmaj ni che u'ijlal, i yix lik kiwil na.

Oseas 2:11

Kinsach ni uwach ukikotemal, che taq unima'ij xaq i k'ak' taq ik', che taq i ij sábado xaq che ronojel ni'pa taq i unima'ij.

Ester 8:11

Chupam i wuj le i ajawinel ma Asuero, xuya i taqanik chke aj Israel, chi pa jalajuj taq tinimit ipa je jeqel wi, chkimolo kib' chuto'ik kik'aslemal xaq chkikamsaxik, chuchupik kiwach i ajch'oj chkij, xaq chkik'ama kan ronojel ub'itaq ke i winaq re i jalajuj taq tinimit, komon, chi kki'an ch'oj chkij xaq chkikamsaj ni konojel ixoqib' junam ku' ak'alab'.

Ester 7:4

man yin xaq konojel inwinaq oj k'ayim che i kamik, man keje ile qonojel kchupsax ni qawach. Wetene to' oj k'ayim re kki'an taq winaq chqe chi oj o pa k'ax pu'ab' i rajaw qachak, yin nti neri kinb'ij; man i ajch'oj chqij nti neri jun k'ax ku'an che ni'pa i kawaj u'anik yet nim laj winaq.

Ester 3:13

Chrijil chik ile, xtaq b'i chke ajk'amol b'i wuj man kkijach pa jalajuj taq tinimit ipa ku'at wi tzij i ajawinel ma Asuero. Chupam i wuj le ktaq uchupik kiwach konojel aj Israel, che jun chi ij konojel aj Israel, alab'om, rijab', ak'alab' xaq ixoqib', xaq kk'am ronojel ub'itaq ke. I ij ch'iktalik are i ij oxlajuj re i kab'lajuj ik', ile are ik' chi Adar ub'i.

ISAÍAS 47:2

Chak'ama i ka' re kenb'al, chajok'o i trigo, chawesaj i k'ul paja' xaq chayaka an a'u', chach'anb'a li awa' chisaq, chaqan chea'axuj i raqana;

JEREMÍAS 48:33

Ktataj ti chik i sik' re kikotemal pa taq tikonb'al kotz'ij re Moab. I uwa'al uva muqb'am lik xk'is pa taq k'olb'al re. Lik mijun chik ku'ut i uva ru' raqan, lik nti chik mas b'ix re kikotemal.

Lamentaciones 5:15

Lik nti chik kikotemal pqak'ux; i xajoj re qakikotemal xk'is pa b'is.