JEREMÍAS 25:1 - Wuj Pa K'ubultzij

¹ Che ukaj junab' re urajawinik ma Joacim, chi uk'ojol ma Josías, aj pa tinimit Judá, are uri i Ajwal xlapan ru' ma Jeremías xaq xuya jun tzijonik che chrij ronojel i tinimit Judá. Ile x-ani che i nab'e junab' re urajawinik ma Nabucodonosor chila Babilonia.

JEREMÍAS 25:1 Referans Kwoze

JEREMÍAS 36:1

Che ukaj junab' re rajawinik ma Joacim, chi uk'ojol ma Josías, ajawinel re i tinimit Judá, i Ajwal xlapan ru' ma Jeremías, xub'ij che:

Daniel 1:1

Che urox junab' re rajawinik ma Joacim, ajawinel re i Judá, i ma Nabucodonosor ajawinel re i Babilonia, xupon pa Jerusalén xaq xusutij rij i tinimit ku' uwinaq chi je yij che i ch'oj.

JEREMÍAS 46:2

Iri are utzijonik chkij aj Egipto, xaq chkij i achiyab' chi je yij che i ch'oj re ma faraón Necao, ajawinel re Egipto, chi o te'eq pa Carquemis, chunaqaj raqana Éufrates, chi are ma Nabucodonosor, ajawinel re Babilonia, xuch'ak che ukaj junab' re rajawinik ma Joacim, uk'ojol ma Josías, ajawinel re Judá:

SEGUNDO LIBRO DE CR%D3NICAS 36:4

Xwi ta la ile, i ajawinel aj Egipto xuya ma Eliaquim, chi ucha' ma Joacaz, pa ajawinel chila Judá xaq Jerusalén, xujalwachij, ub'i xuya ma Joacim pub'i. I ma Joacaz le xuk'am b'i pa Egipto.

SEGUNDO LIBRO DE CR%D3NICAS 36:6

Ma Nabucodonosor, chi ajawinel pa Babilonia, xu'an ch'oj chrij ma Joacim le, xuxim b'i ru' karena anch'ich' xaq xuk'am b'i pa Babilonia.

JEREMÍAS 1:3

Xaq xu'ijla che taq i ij are ajawinel ma Joacim chila pa Judá, chi uk'ojol ma Josías, xaq k'a are xuk'is julajuj junab' ma Sedequías pa ajawinel chi xaq uk'ojol ma Josías; chi ke'eloq k'a che i ujo' ik' re i junab' le, are chi konojel i winaq chi je jeqel pa Jerusalén xe'elsax b'i pa cho'ab' chwach kulew.

JEREMÍAS 32:1

I Ajwal xch'aw che ma Jeremías che i ulajuj junab' che rajawinik ma Sedequías pa tinimit Judá, chi are uwajxaqlajuj junab' rajawinik ma Nabucodonosor.

JEREMÍAS 45:1

Che ukaj junab' re rajawinik ma Joacim, chi uk'ojol ma Josías, ajawinel re Judá, are uri ma Baruc, uk'ojol ma Nerías, kutz'ib'aj wach kub'ij ma Jeremías che, chi profeta, xub'ij ma Jeremías che ma Baruc:

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

JEREMÍAS 7:1

I Ajwal xlapan ru' ma Jeremías xaq xub'ij che:

JEREMÍAS 35:1

Che taq i ij, re ma Joacim, chi uk'ojol ma Josías, chi ajawinel te'eq re i tinimit Judá, i Ajwal xlapan wu' yin, chi in ma Jeremías, xub'ij chwe:

Daniel 2:1

Che i ukab' junab' re rajawinik, i ma Nabucodonosor, xrachik'aj k'iyal taq achik', rumal ile lik xok il xaq xk'achirik i lik kwar ti chik.