JEREMÍAS 24:9 - Wuj Pa K'ubultzij

⁹ Kin-an ni chke ike chi kuya ni nim laj xib'rikil chke konojel i nimaq taq tinimit chwach i jyub' ta'aj, chi xaq are ni ilb'al re i nim laj uqajsaxik ki'ij, kiyo'yaxik xaq i kik'oqoxik pa ronojel nimaq taq tinimit ipa xeinkichersaj wi b'i kiwach.

JEREMÍAS 24:9 Referans Kwoze

JEREMÍAS 29:18

Lik kin-an ni chiwe chi kixinterb'ej ru' nimaq taq ch'oj, wa'jal xaq ru' k'ax laj taq yob'il. Kin-an na chi konojel i winaq re uwach i jyub' ta'aj kixkil na pacha taq ix xib'inel, xaq kin-an ni chiwe chi kixtzaq ni chupam i k'ixb'alil, yo'yanik xaq i k'oqonik che ronojel i nimaq taq tinimit ipa ix inkichersam wi b'ik.

JEREMÍAS 15:4

Kin-an na chi konojel ni'pa nimaq taq tinimit re uwach i jyub' ta'aj chi lik kkina i nim laj xib'rikil re wach kin-an chke, rumal wach u'anom ma Manasés chila pa Jerusalén ajawinel re i Judá, chi uk'ojol ma Ezequías.

Deuteronomio 28:37

Ronojel ni'pa i jalajuj taq tinimit ipa katuk'am b'i Ajwal, lik kkixij ni kib' i winaq chawe, katkiyo'ya na xaq lik tzeb'al na chkiwach ike ni'pa kak'ulmaj na.

JEREMÍAS 34:17

Keje uri ile, Yin, chi in Ajwal, kinb'ij: Yix xixkojon ti chwe man xeiwo'taj tu b'i iwinaq chi je o pa k'ax; rumali wo'or Yin kin-an na chi kjeqan ni nim laj ch'oj chixol, wa'jal xaq yob'il, man keje ile lik kkiya ni jun nim laj xib'rikil chiwe xaq che ronojel ni'pa i ajawinik chwach i jyub' ta'aj. Yin in Ajwal, xinb'iw ile.

1 Reyes 9:7

yin kewesaj nu b'i aj Israel che i ulew chi inya'om chke, i ja chi ink'amom lik kintzutza ti chik, i jalajuj taq tinimit kekiyo'ya ni aj Israel.

JEREMÍAS 29:22

Man keje ile ni'pa i je k'amtal b'i pa Judá chi je o pa Babilonia are kkaj uk'oqoxik jun chke, kkib'ij ni keje iri: I Ajwal chu'ana ni chawe yet pacha xu'an che ma Sedequías xaq che ma Acab, chi xek'at pa a' rumal i ajawinel re i tinimit Babilonia.

JEREMÍAS 26:6

kin-an uri che rachoch i Ajwal le pacha xin-an che i jun chila pa Silo. Kin-an ni che i tinimiti chi are pacha jun k'utb'al re i k'oqb'al chke konojel i nimaq taq tinimit chwach i jyub' ta'aj.”

JEREMÍAS 25:18

Xinya chutu'ik chke aj Jerusalén xaq chke nimaq taq tinimit aj Judá junam ku' i ajawinelab' xaq i kaj-atzil, anb'al k'ax chke xaq re chupsab'al kiwach, xaq lik xib'rikil ktzunik, k'utb'al re i k'oqb'al pkiwi xaq lik k'a are o wi wo'or.

ISAÍAS 65:15

Ni'pa i je in-ulum kkichapb'ej ni ib'i yix, re k'oqb'al ke xaq urayixik i kamik pkiwi i jub'an chik, xwiri i wajpatanib' kinjalwachij ni kib'i.

SEGUNDO LIBRO DE CR%D3NICAS 7:20

lik saq laj tzij kixwesaj ni uri chwach ulew chi inya'om chiwe, kixwesaj ni chinwach junam ru' i ja chi ijachom pin-ab' xaq kin-an ni chke konojel i jalajuj taq nimaq tinimit chi kixkiyo'ya na.

Deuteronomio 28:25

xaq kqajsax ni a'ij kumal i ajch'oj chawij. Lik kab'isoj enam chu'anik ch'oj chkij ike lik kixtususik xwiri i anmajik loq to' kichkich chik, lik kkib'isoj ni konojel i winaq chwach i jyub' ta'aj wach taq kak'ulmaj.

Ezequiel 26:2

I tinimit Tiro, chu'anik ub'im chrij i tinimit Jerusalén: “¡Che i okb'al re k'ayij chkixol i nimaq taq tinimit lik anom ch'aqa taq che! ¡Wo'or xuriqa i ij chi kpe ni k'ayij wu' yin! Lik kinu'on ni b'eyom tz'aqat ire kkanaj puyej.”

Ezequiel 25:3

Chab'ij chke chi chkikojo retalil i tzij chi Ajwal kub'ij chke: Yix xixsik'in rumal i kikotemal are xiwilo chi i wachoch xqajsax u'ij, i tinimit Israel wulijnaq xaq i winaq aj Judá xe'elsax b'i pa cho'ab' chwach kulew.

JEREMÍAS 44:22

Xwiri i Ajwal xuch'ij ti chik rilik i utz ti laj taq anik chi yix ki'ano, chi lik tzel kril Ire. Rumali i tinimit yix wo'or wulijnaq xaq lik mijun chik o chwach; lik pacha k'utb'al re jun mak atzalal chi lik xib'in ib'.

JEREMÍAS 44:12

Kin-an ni chke i xek'asi kan pa Judá, chi xkikoch'ij kib' che enam pa jeqelem pa Egipto, lik kesachsax ni kiwach konojel chila. Konojel, che ch'utiq che nimaq, kekam ni rumal i ch'oj o rumal i wa'jal, xaq kkiya ni k'utb'al re uwach i mak atzalal xaq uqajsaxik ki'ij, man ile, lik kuya xib'in ib'.

JEREMÍAS 42:18

I Ajwal chi ronojel ktiki che, chi ki-Dios aj Israel, kub'ij: “Keje pacha i nim laj woywal chi xpe pkiwi i winaq aj Jerusalén, xaq keje ile kpe piwi yix we kix-e pa Egipto. Yix kix-on ni pacha k'utb'al re i k'oqb'al, chi lik kuya i xib'in ib', rumali lik kiwil ti chik i k'ijib'ali.”

JEREMÍAS 19:8

I tinimiti kin-an ni che pacha jun tz'inilik jyub' chaqij, chi lik xib'in ib' na. Konojel ni'pa keik'aw chila, lik kkixij ni kib' xaq kkib'isoj na are kkilo chi wulijnaq ronojel.

Salmos 69:11

We kinkoj in-u' re i b'is, xa in ya'ol kitzej konojel.

ISAÍAS 43:28

I je awaj-atol tzij puwi atinimit xkiqajsaj u'ij i wachoch, rumali xinya chke aj Israel, chi utinimit ma Jacob, re ksachsax kiwach xaq keyo'yaxik.

Ezequiel 5:8

Rumali, Yin in Ajwal, kinb'ij: Xaq Yin kin-an ni ch'oj chawij yet, tinimit Jerusalén; lik chkiwach i winaq kinya ni utojb'alil pawi rumal amak,

Ezequiel 23:46

Iri are kub'ij i Ajwal: Chkimolo kib' i tinimit chkij ike, chekixib'ij xaq che'el-ax nu b'ik;

JEREMÍAS 44:13

Kinya ni utojb'alil chke jub'an chi je jeqel pa Egipto pacha uya'ik utojb'alil xin-an chke aj Jerusalén ru' ch'oj, ru' wa'jal xaq ru' itzel laj taq yob'il.