Kumal i ajb'il taq atzij xaqajsaj u'ij i Ajwal Dios. Man xab'ij: Ru' k'iyal taq inch'ich' re anb'al ch'oj xin-el b'i chwi taq jyub', xin-el b'i puwi i jyub' chi lik tak'tik chi o chupam ulew Líbano. Xink'atzij uchakalte' chi lik nimaq, xink'atzij i chomiq taq chaj chi o chila Líbano. Xinupon chila ipa o wi uk'iyal che' chi pacha tikonb'al chomiq taq kotz'ij xaq xinupon chila che jyub' chi lik naj uwi.