JEREMÍAS 22:26 - Wuj Pa K'ubultzij

²⁶ Katintaq b'i yet xaq i achuch che jun ulew chi xril ti iwalaxik, xaq chila na kixkam wi chi ix keb'.”

JEREMÍAS 22:26 Referans Kwoze

2 Reyes 24:15

Ma Nabucodonosor xeuk'am b'i ma Joaquín, uchuch, je rixoqil, je rajpatanib' xaq konojel i winaq chi lik nim ki'ij chi je o chila pa nim laj tinimit; konojel xeresaj b'i pa Jerusalén, xeuk'am b'i pa tinimit Babilonia.

ISAÍAS 22:17

I Ajwal katujab'ij k'a naj, pacha ku'an jun achi chi lik o ucho'ab'. Katuchap ni ru' nim laj ucho'ab',

2 Reyes 24:8

A Joaquín o wajxaqlajuj junab' che are xujeq ajawinik, oxib' ik' xuch'ij pa ajawinel pa tinimit Jerusalén. I uchuch, ati Nehusta ub'i, chi umi'al ma Elnatán, chi aj Jerusalén.

JEREMÍAS 10:18

Man i Ajwal kub'ij: “Che iri naj keink'aq wi b'i ni'pa je jeqel chupam i nim laj tinimiti. Kin-an ni chke chi kkitij i k'ax, kwilb'ej re we kinkitzukuj.”

JEREMÍAS 13:18

Chab'ij che ajawinel xaq che i ati ixoq ajawinel: Chixqaj li pikub'ib'al chi o u'ij, chixkul pulew, man tzaqnaq li koron chi kuya te'eq ichomal.

JEREMÍAS 16:13

Rumali kixwesaj b'i chwach ulewi, kixintaq b'i che jun tinimit chi lik iweta'am ti uwach xaq mitene iwatit imam xketamaj uwach i tinimit le, chila chipa'ij chicha'ab' ki'an ni ipatan chkij jub'an chik dios, lik kwil ti pich' tob'al iwach.

JEREMÍAS 22:27

Keje uri ile chi ike ketzalij ti chali chwach ulew chi lik kkaj te'eq tzalijik chwach.

JEREMÍAS 28:4

Xaq kin-an na chi ketzalij chali ma Jeconías che i k'ijib'ali, chi uk'ojol ma Joacim, ajawinel re i tinimit Judá xaq konojel i winaq chi xe'elsax b'i pa tinimit Judá xe'e pa Babilonia. Qatzij, kinpatz' ni i yuku re i ajawinel pa Babilonia. Yin in Ajwal, xinb'iw ile.

JEREMÍAS 44:14

Lik mijun chke i keb' oxib' aj Judá chi xe'e pa jeqelem pa Egipto, ketotaj taq chwach i kamik, tupu lik kkaj ketzalij chal pa Judá re kejeqi chik chila, lik ketzalij ti chaloq, xwi ni i jujun chi ketiki che anmajik.

2 Reyes 25:27

Xuk'ulmaj che i wuqlajuj juwinaq (37) junab' are xelsax b'i ma Joaquín chi ajawinel re i tinimit Judá pa cho'ab' chwach rulew, che i ij wuqub' juwinaq (27) re ik' kab'lajuj, xujeq ajawinik ma Evil-merodac pa tinimit Babilonia. I ajawinel le lik k'ax xuna ma Joaquín, rumali chi xresaj li prexil che i nab'e junab' re rajawinik.

2 Reyes 25:29

Keje uri ile chi ma Joaquín xresaj u'u' chi ukojom te'eq chila prexil xaq xya' uwa chila rumal i ajawinel ronojel ij re uk'aslemal.

2 Reyes 25:30

Xwi ta la ile, xaq ronojel ij re uk'aslemal ma Joaquín le, xya' umer re uk'aslemal rumal ma Evil-merodac, chi ajawinel pa Babilonia.