JEREMÍAS 22:25 - Wuj Pa K'ubultzij

²⁵ jachb'al awe chke i je ajch'oj chawij, chi je ajkamsanel chi lik kaxij awib' chke. Katinjach ni che ma Nabucodonosor, chi ajawinel re i tinimit Babilonia, xaq chke aj Caldea.

JEREMÍAS 22:25 Referans Kwoze

JEREMÍAS 21:7

Te'uri kinjach ni ma Sedequías, chi ajawinel re i tinimit Judá, pu'ab' ma Nabucodonosor, xaq pki'ab' i jub'an chik ajch'oj chrij, junam ku' i kaj-atzil, xaq i je ajch'oj xaq i winaq chi xek'asi kan pa nim laj tinimit chrijil chik itzel laj yob'il, chrijil chik i ch'oj xaq chrijil chik i wa'jal. Yin kin-an na chi kekamsax ru' ch'ich' chi k'ulala o uware, chi lik k-il ti pich' tob'al kiwach. Yin in Ajwal, xinb'iw ile.

JEREMÍAS 38:16

Xwiri i ma Sedequías, chi ajawinel, xub'ij jun tzij pub'i i Ajwal che ma Jeremías chi lik xwi ike keta'am: —Lik kinb'ij chawe pub'i i Ajwal, chi xyaw qak'aslemal, chi kintaq ti akamsaxik xaq katinjach ti pki'ab' i jub'an chi kkaj akamsaxik.

JEREMÍAS 22:28

¿I ma Conías keje pacha jun xar tel chi lik nti uchak, jun yab'al chi lik nti jun kajwanik? ¿B'uchak xtaq b'i ire xaq i ralk'uwal che jun ulew chi keta'am taj ipa o wi?

Proverbios 10:24

I b'iroxik chi kuxij rib' i qelqel laj winaq che, are ile kpe puwi; xwiri i utz laj winaq kyataj ni rayijb'al uk'ux che.

SEGUNDO LIBRO DE CR%D3NICAS 36:10

Che i nab'e taq ij re i junab' le, ma Nabucodonosor chi ajawinel pa Babilonia, xutaq uk'amik b'i ma Joaquín junam ru' i jalajuj taq chapanb'al re i rachoch i Ajwal chi lik paqal rajil; are uri xuya kan ma Sedequías, chi ucha' ma Joaquín, pa ajawinel chila Judá xaq Jerusalén.

JEREMÍAS 27:6

B'ay, yin inya'om ronojel ni'pa ulew pu'ab' wajpatan ma Nabucodonosor, ajawinel re i tinimit Babilonia, xaq je inya'om ne ni'pa chikop aj pa taq es pu'ab'.