JEREMÍAS 22:20 - Wuj Pa K'ubultzij

²⁰ “¡Tinimit Judá, chatel b'i puwi i jyub' Líbano, xaq chatsik'inoq! ¡Ko chatsik'in chwi nimaq taq jyub' Basán! ¡Chatsik'in li tzam taq jyub' Abarim, man konojel ni'pa i qus katkilo kijamom chik kib' pa ch'oj!

JEREMÍAS 22:20 Referans Kwoze

NÚMEROS 27:12

I Ajwal xub'ij che ma Moisés: —Chatel b'i puwi i jyub' Abarim xaq chawila i ulew chi inya'om chke aj Israel.

Ezequiel 23:22

Rumali Yin in Ajwal, kinb'ij: Kin-an na chi ni'pa i achiyab' chi xkimin kib' awu' chi wo'or kmuluw ak'ux chke, kin-an chke chi tzel katkilo. Kin-an ni chawe chi xaipa kepe i ajch'oj chawij

Lamentaciones 1:2

Are cha'ab' i Jerusalén chi pacha jun ixoq, kji' rumal uwa'al uwach man lik ksiqsat rumal o'ej; xaq uwa'al uwach le lik klememik kqaj chupalaj. Chkixol konojel ni'pa taq i kkib'ij chi k'ax taq kkina'o, lik nti jun chke kyu'uw uxikin. Konojel i ramiy lik xa xki'an keb' kipalaj che kib' chrij; lik xa xe'on ajch'oj chrij.

Ezequiel 23:9

Rumali xinjach pki'ab' uwinaq chi qus kerilo, chi je are aj Asiria chi x-e uk'ux ire chke i achiyab' le,

Lamentaciones 1:19

Xintz'onoj into'ik chke i kkib'ij chi k'ax taq kinkina'o, xwiri ike xa xki'an keb' che kipalaj wu'. I je wajsujul sipon xaq i je uwi ujolom i tinimit Jerusalén chi je we yin xekam pa tinimit le: ¡Je enaq te'eq chutzukuxik wach rajwaxik chke re kkitijo man keje ile kek'asi na!

JEREMÍAS 25:9

keinsik'ij konojel i winaq aj pa moxab' xaq i wajpatan chi ma Nabucodonosor, chi ajawinel re i tinimit Babilonia, re kepe chu'anik ch'oj che i nim laj tinimiti, xaq konojel ni'pa je jeqel chwach xaq chkij nimaq taq tinimit chi je o naqaj. Lik kinsach ni kiwach konojel. Lik kin-an chke chi ksach ni kiwach, chi lik je xib'in ib' xaq je xib'rikil.

JEREMÍAS 22:22

I tew lik keuchararej ni konojel i awaj-atzil, xaq qus kkilo ke'elsax b'i pa cho'ab' chwach kulew. Lik kqaj ni a'ij xaq kaya ni ak'ix, rumal ronojel ni'pa amak.

JEREMÍAS 4:30

Yet tinimit chi at wulijnaq chik. ¿Wach uchak kawiq taq awib' ru' chom laj k'ul kaqxar? ¿Wach uchak kawiq taq awib' ru' chomiq taq ab'aj re wiqb'al ib' an-o'oj? ¿Wach uchak katz'aj rij taq awach ru' tz'ajb'al eq? Lik kuriq ti uchak chawe chi ka'an taq chom che awib', man ni'pa i je awe ani'al lik kik'aqom chub'i a'ij, wo'or xa are akamik kkitzukuj.

JEREMÍAS 2:36

¿B'uchak lik katk'achir chkijalwachixik ni'pa kiya'om kiwach awu'? Xaq i je aj Egipto katko'taj ni atukel, keje pacha xki'an aj Asiria chawe.

2 Reyes 24:7

Are uri i ajawinel aj Egipto lik xel ti chik pa nim laj utinimit, man i ajawinel aj Babilonia xumaj kan ronojel ni'pa rulew che; i ulew le kjeqan b'i che u'ab' i raqana Egipto kupon k'a che i raqana Éufrates.

Deuteronomio 32:49

“Jat chwi taq jyub' Abarim, te'uri chatel b'i chwi jyub' Nebo chi o pa kulew aj Moab, chi o chwach i Jericó. Chila kawil wi pan ulew Canaán chi kinya ni chke aj Israel re kek'iji chwach.

ISAÍAS 57:13

Are katsik'in chutz'onoxik atob'al, ni'pa atiox katkito taj, mitene katkesaj chwach i k'ax. Konojel ike le kek'am nu b'i rumal i tew, xa ru' jun juk'aj tew kusach kiwach. Xwiri i jun chi kukub'a uk'ux chwe yin kjeqi ni pa nim laj tinimit, xaq kjeqi ni chwi lo'laj injyub'.

JEREMÍAS 2:25

¡Israel, ma'an k'ax che awaqan che i anem man nti axajab', maya che paqul kchaqij rumal ak'atik! Xwiri xab'ij, ntaj, kink'ulmaj ti ile, yin k'ax kinna i winaq je aj naj, rumali kin-e ku'.

JEREMÍAS 3:1

I Ajwal kub'ij: Jun achi we kujach i rixoqil xaq i ixoq le are nti chik ru' achi le, kk'uli ru' jun chik achi, i nab'e achi nti chik uri chuqul kk'iji ru' ixoq le. ¡Man ile lik jun nim laj k'ixb'alil che i tinimit! Xwiri, yet, Israel, a'anom ni'pa i utz taj re urayijb'al ach'akul ku' jub'an chi qas ti mer je awixoqil. ¡Xwiri wo'or kawaj taq kattzalij chal wu'! Yin in Ajwal, xinb'iw ile.

Ezequiel 27:6

i ral taq perpaq che' chi jek'b'al ya are katb'in puwi i ya, antal che i che' b'aqit chi kpe che i jyub' Basán; i tz'alam chi xch'uqb'ex awij, xki'an che i che' k'isis, chi xkik'am li chuchi' i mar re i tinimit Chipre, ni'pa ile lik wiqtal rij ru' marfil.

JEREMÍAS 2:37

Xaq kattzalij na li pa Egipto ru' nim laj k'ixb'alil, man yin je inxutum ni'pa kiya'om te'eq kik'ux chawe, xaq lik nti kawechb'ej che chi utz kik'ux awu'.