JEREMÍAS 21:9 - Wuj Pa K'ubultzij

⁹ I jun chi kkanaj kan pa nim laj tinimiti kkam ni pa ch'oj, we ntaj rumal wa'jal kekam ni che numik, xaq we ntaj rumal i itzel laj yob'il. Xwiri i jun chi kel loq xaq kujach rib' chke aj Caldea chi ketijin chu'anik ch'oj chrij i nim laj tinimit, kkam ti uri; ktiki ni uri chuto'ik uk'aslemal.

JEREMÍAS 21:9 Referans Kwoze

JEREMÍAS 38:2

I Ajwal kub'ij: “Pachin jun kkanaj kan pa tinimit, kkam ni uri pa ch'oj, rumal wa'jal, rumal itzel laj taq yob'il. Xwiri pachin jun chi kel b'ik xaq kujach rib' pki'ab' aj Caldea, ktiki ni uri chuto'ik uk'aslemal.

JEREMÍAS 45:5

¿Yet katzukuj nimaq taq b'iroxik? Matzukuj ut man Yin xa k'ax laj taq yob'il kintaq b'i pkiwi konojel i winaq. Xwiri kinya ni ak'aslemal xaipa kat-e wi: Yin in Ajwal, xinb'iw ile.”

JEREMÍAS 39:18

Yin lik katinto na man keje ile katkamsax taj. Lik ktotaj ni ak'aslemal man xakub'a ak'ux chwe yin. Yin in Ajwal, xinb'iw ile.”

JEREMÍAS 14:12

Tupu lik k'iyalmul kimayij iwa'im chutz'onoxik chwe, kinta ti itz'onb'enik, tupu lik k'iyal taq umuyal uk'ok'al xaq i sipon ch'irajil kik'am li chwe, xwiri yin kink'am ti chiwe. I tinimit le kinsach ni uwach ru' nimaq taq ch'oj, ru' wa'jal xaq ru' itzel taq yob'il.”

JEREMÍAS 27:13

Lik nti puwi katkam yet, xaq i atinimit rumal i nim laj ch'oj, rumal i wa'jal xaq rumal itzel laj taq yob'il. Man i Ajwal ub'im chi ile kuk'ulmaj ni nim laj tinimit chi kuya ti rib' pu'ab' i ajawinel aj Babilonia.

JEREMÍAS 21:7

Te'uri kinjach ni ma Sedequías, chi ajawinel re i tinimit Judá, pu'ab' ma Nabucodonosor, xaq pki'ab' i jub'an chik ajch'oj chrij, junam ku' i kaj-atzil, xaq i je ajch'oj xaq i winaq chi xek'asi kan pa nim laj tinimit chrijil chik itzel laj yob'il, chrijil chik i ch'oj xaq chrijil chik i wa'jal. Yin kin-an na chi kekamsax ru' ch'ich' chi k'ulala o uware, chi lik k-il ti pich' tob'al kiwach. Yin in Ajwal, xinb'iw ile.

JEREMÍAS 24:10

Kintaq nu b'i nimaq taq ch'oj pkiwi, wa'jal xaq i itzel laj taq yob'il, k'a kekam ni konojel chi mijun kkanaj kan pa tinimit chi xinya chke ike xaq chke i katit kimam.

JEREMÍAS 27:11

Xwiri i jun nim laj tinimit chi kuya rib' pu'ab' i ajawinel aj pa Babilonia, yin kinya ni che chi kkanaj kan chwach rulew, re kjeqi ni chwach xaq kutik ni uwach. Yin in Ajwal, xinb'iw ile.

Ezequiel 5:12

Jun urox uk'iyal chke i awinaq kekam ni rumal itzel laj taq yob'il xaq che i numik chaxol yet, jun chik urox uk'iyal kekamsax ni kumal i ajch'oj chkij chi je o chkij chkiwach, i urox uk'iyal chi xekanaj kanoq keinkichersaj nu b'i chwach ronojel i jyub' ta'aj. Yin kewoqtaj ike ru' jun ch'ich' pin-ab' chi k'ulala o uware.

JEREMÍAS 27:12

Yin, chi in ma Jeremías, xinkamulij ub'ixkil ronojel iri che ma Sedequías, chi ajawinel re i tinimit Judá, xaq xinb'ij che: “Chiya iwib' pu'ab' i ajawinel re i tinimit Babilonia, xaq pu'ab' utinimit, keje ile kixk'asi na.

JEREMÍAS 38:3

I Ajwal kub'ij: I tinimiti ktzaq ni pki'ab' i achiyab' chi je yij che ch'oj re i ajawinel aj Babilonia. Ire kuk'am na xaq lik mijun ktiki chrelsaxik pu'ab'.”