JEREMÍAS 21:7 - Wuj Pa K'ubultzij

⁷ Te'uri kinjach ni ma Sedequías, chi ajawinel re i tinimit Judá, pu'ab' ma Nabucodonosor, xaq pki'ab' i jub'an chik ajch'oj chrij, junam ku' i kaj-atzil, xaq i je ajch'oj xaq i winaq chi xek'asi kan pa nim laj tinimit chrijil chik itzel laj yob'il, chrijil chik i ch'oj xaq chrijil chik i wa'jal. Yin kin-an na chi kekamsax ru' ch'ich' chi k'ulala o uware, chi lik k-il ti pich' tob'al kiwach. Yin in Ajwal, xinb'iw ile.

JEREMÍAS 21:7 Referans Kwoze

JEREMÍAS 37:17

I ma Sedequías chi ajawinel, xuya jun taqanik chi kkik'am b'i ma Jeremías pa nim laj rachoch i ajawinel, are xk'am b'i ma Jeremías chwach i ajawinel, i ajawinel le xani'al xutz'onoj che: —¿O nawi jun tzij kab'ij chi petnaq ru' i Ajwal? Are uri ma Jeremías xula' uwach: —Olik, are iri: Yet katjach ni pu'ab' i ajawinel re i Babilonia.

Ezequiel 7:9

Lik kwil ti tob'al awach; kinya ni utojb'alil ni'pa wach a'anom pa k'aslemal xaq kinya ni utojb'alil chawe ni'pa i ch'am taj a'anom. Te'uri kiwetamaj na chi Yin in Ajwal, kinya utojb'alil chiwe.

JEREMÍAS 13:14

Te'uri keinpaxij na pacha upaxixik i xar, to' chkiwach ike kki'an kib', qajawxelab' ku' kak'al, xaq i chuchxelab' ku' kak'al. Lik kwil ti tob'al kiwach, kinsach ni kiwach, mixat jub'i' kwil tob'al kiwach xaq mixat jub'i' k'ax taq kuna ink'ux. Yin in Ajwal, xinb'iw ile.

Deuteronomio 28:50

i winaq le chi xek'unik chi aj naj, lik je itzel laj taq winaq, man kkil ti pich' tob'al kiwach i rijab' xaq nti pich' k'axnab'al kik'ux chke ak'alab'.

Ezequiel 9:10

Xwiri lik kwil ti tob'al kiwach ike, lik cha kintz'onoj ni chke ni'pa taq i ki'anom pkik'aslemal.”

Ezequiel 8:18

Xwiri yin kin-an ch'oj ru' nim laj woywal. Lik kwil ti tob'al kiwach ike. Tupu kesik'in chinsik'ixik, keinta taj.

ISAÍAS 47:6

Are xmi' woywal che i nim laj intinimit are uri xinjach pa k'ixb'alil, xaq xinya che xtzaq pa'ab'. Yet lik xawil ti tob'al kiwach, xaq xaya i k'ax laj chak chkiqul i rijab'.

ISAÍAS 27:11

I u'ab' taq che' kepatz'tajik are kechaqijik, are uri ixoqib' kkimolo re kisi'. Are ni jun tinimit chi nti uno'oj. Rumali i Aj-anol i kaj ulew chi are Ire x-anawik, kril ti tob'al uwach xaq nti k'axnab'al uk'ux che.

JEREMÍAS 15:5

¿Pachin wa k-ilaw tob'al awach yet Jerusalén? ¿Pachin wa k'ax kuna uk'ux wach kak'ulmaj yet? ¿Pachin wa kk'achir che i rutzil awach?

JEREMÍAS 15:9

I chuchxelab' chi je k'i kak'al to' ketzaq chik pa taq ulew xaq to' kk'is chik kuxlab'; lik kek'ix che xaq kqaj ki'ij, i saq re i pa'ij lik pacha equm kkil ike. We o jujun kek'asi kanoq, kin-an ni chke chi je are ajch'oj chkij chi kekamsaw na. Yin, chi in Ajwal, lik kin-an na wach i xinb'ij.

JEREMÍAS 22:25

jachb'al awe chke i je ajch'oj chawij, chi je ajkamsanel chi lik kaxij awib' chke. Katinjach ni che ma Nabucodonosor, chi ajawinel re i tinimit Babilonia, xaq chke aj Caldea.

JEREMÍAS 27:6

B'ay, yin inya'om ronojel ni'pa ulew pu'ab' wajpatan ma Nabucodonosor, ajawinel re i tinimit Babilonia, xaq je inya'om ne ni'pa chikop aj pa taq es pu'ab'.

JEREMÍAS 34:3

Yet lik kattiki ti chrelsaxik awib' pu'ab'; katkichap na xaq katkijach ni pu'ab' ire, chrijil chik ak'amik b'ik chwach ire, te'uri katkik'am b'i pa Babilonia.

Ezequiel 23:28

Iri kinb'ij Yin in Ajwal: Kin-an ni chawe chi kattzaq pki'ab' i nimaq taq tinimit chi tzel kawilo, chi xaq kmuluw ak'ux chke.

JEREMÍAS 14:12

Tupu lik k'iyalmul kimayij iwa'im chutz'onoxik chwe, kinta ti itz'onb'enik, tupu lik k'iyal taq umuyal uk'ok'al xaq i sipon ch'irajil kik'am li chwe, xwiri yin kink'am ti chiwe. I tinimit le kinsach ni uwach ru' nimaq taq ch'oj, ru' wa'jal xaq ru' itzel taq yob'il.”

JEREMÍAS 19:7

Che i k'ijib'ali kin-an ch'aqa taq che i kich'ob'om aj Judá xaq aj Jerusalén. Kin-an na chi lik k-ani tikilem chke xaq kekamsax kumal i je ajch'oj chkij, xaq i kich'akul kajwax ni chke i tz'ikin chi je ajtijol taq ti'ij xaq chke itzel taq chikop.

JEREMÍAS 20:4

Man i Ajwal kub'ij: Kin-an ni chawe chi ka'an ni kamik, xib'rikil, xaq chke konojel awamiy; lik chawach ketzaq ni awamiy ru' ch'ich' chi k'ulala o uware pki'ab' ajch'oj chkij. Keinjach ni konojel i winaq chi je jeqel pa Judá pu'ab' i ajawinel aj Babilonia, chi keuk'am nu b'i chila Babilonia, we ntaj keukamsaj ru' kuchil.

JEREMÍAS 32:4

xaq i ajawinel ma Sedequías lik ktotaj ti chik pki'ab' aj Caldea man ktzaq ni pu'ab' i ajawinel re i Babilonia xaq lik keuk'utu ni rib' chwach.

JEREMÍAS 36:29

Keje iri chab'ija che: Keje iri kub'ij i Ajwal: Yet xak'at i b'orom tz'um xaq xayaj ma Jeremías rumal utz'ib'am chupam chi ajawinel re i Babilonia, lik kk'un ni chusachik uwach i tinimit xaq lik nti chik winaq, chikop kuya kan chwach.

JEREMÍAS 50:17

I tinimit Israel keje pacha jun ral chij sachnaq, chi kiterb'em b'i koj. Nab'e xutij b'i ma ajawinel re Asiria; te'uri i ma Nabucodonosor chi ajawinel re Babilonia, xumutma ub'aqil.

Lamentaciones 2:20

Chawila Ajwal, chach'ob'o chi lik mijun a'anom keje ile che. ¿Xatab'a kkitij kak'al i chuchxelab' chi k'a ketz'umanik? ¿Xatab'a i je ajsujul sipon xaq i je profeta kekamsax taq chila pa lo'laj ak'ijib'al?

Lamentaciones 2:22

A'anom che i xib'in ib' chi k'ulala kk'un qu', pacha taq ke'e pa jun nim laj nima'ij; che i ij chi lik petnaq nim laj awoywal, Ajwal, lik mijun x-anmajik. I jub'an chi yin xeink'itsaj xaq xink'ut u'anik utz chke, i ajch'oj chwij xeukamsaj.