JEREMÍAS 21:14 - Wuj Pa K'ubultzij

¹⁴ Yin kinya ni utojb'alil chiwe, pacha kmajaw che i utz taj chi xi'ano, kinnak' ni a' che ik'achelaj, i a' le kuk'at nu b'i ronojel chrij chwach. Yin in Ajwal, xinb'iw ile.

JEREMÍAS 21:14 Referans Kwoze

JEREMÍAS 32:19

I ach'ob'onik yet lik nim, xaq lik nim acho'ab' chu'anik. Yet lik kawilo wach kki'an konojel i winaq, xaq lik chkijujunal kaya utojb'alil chke chrij wach i kki'ano.

Proverbios 1:31

¡Wo'or kya' ni utojb'alil chke, lik kkitij ni k'ax! ¡Lik k'a kk'aj ni kiwach chupam ronojel i k'ax chi kitzukum chkij!

JEREMÍAS 52:13

lik xunak' a' che i rachoch i Ajwal, che i nim laj rachoch i ajawinel xaq konojel i ja chi je o pa tinimit, xwiri lik nab'e xunak' a' chke i kachoch i winaq chi o ki'ij xaq etamam kiwach,

JEREMÍAS 17:10

Yin in Ajwal chi kinsolij ik'ux xaq lik weta'am wach kkich'ob' pkik'ux xaq weta'am we kekikotik xaq we keb'isonik; chkijujunal kinya'o pacha kmajaw chke, chrij pacha ki'anom.

SEGUNDO LIBRO DE CR%D3NICAS 36:19

Xwi ta la ile, xaq xkik'at i rachoch i Dios, xkiwulijsaj li tapial nim uwach chi o chrij chwach i tinimit Jerusalén, xkinak' a' che i nim laj rachoch i ajawinel xaq xkichup uwach i jalajuj taq b'iroxik chi lik paqal rajil.

JEREMÍAS 9:25

I Ajwal kub'ij: Kuriqa ni ij chi kinya utojb'alil chke konojel i tinimit, chi kki'an i circuncisión che kib':

ZACARÍAS 11:1

¡Tinimit Líbano, chajaqa uchija, i a' chuk'ata nu b'i ache' re chakalte'!

JEREMÍAS 22:7

Keintaq b'i winaq chu'anik ch'oj chawij chi lik yijil kich'ojb'al, ru' nojb'al kkisachb'ej awach. Kkichet nu b'i i chomiq taq aqan chi lik chakalte' o awu', te'uri kkik'aq ni pa a'.

JEREMÍAS 11:22

i Ajwal chi ronojel ktiki che kub'ij chke: “Are utojb'alil iri kinya piwi: I k'ojolab' kekam ni pa taq ch'oj, i ak'alab' alab'om xaq i altom kekam ni rumal i numik.

JEREMÍAS 6:29

I wal are lik ko kuwaluj i tew, ku'an che i a' chi kuyayursaj i raxch'ich'. Lik nti uchak uri chi kejos-ix taq ile, man i utz ti laj taq winaq lik kesach taj.

ISAÍAS 37:24

Kumal i ajb'il taq atzij xaqajsaj u'ij i Ajwal Dios. Man xab'ij: Ru' k'iyal taq inch'ich' re anb'al ch'oj xin-el b'i chwi taq jyub', xin-el b'i puwi i jyub' chi lik tak'tik chi o chupam ulew Líbano. Xink'atzij uchakalte' chi lik nimaq, xink'atzij i chomiq taq chaj chi o chila Líbano. Xinupon chila ipa o wi uk'iyal che' chi pacha tikonb'al chomiq taq kotz'ij xaq xinupon chila che jyub' chi lik naj uwi.

ISAÍAS 24:21

Che taq i ij le i Ajwal kuya ni utojb'alil chke i nimaq kipatan chi je o chikaj xaq chke ajawinelab' chi kerajawin chwach i ulew.

ISAÍAS 10:12

I Ajwal are u'anom chik ile ronojel ni'pa kraj u'anik chwi jyub' Sion xaq pa tinimit Jerusalén, kuya ni utojb'alil che i ajawinel re i tinimit Asiria, rumal i wach xu'ano re kojb'al taq u'ij xaq re anb'al taq nim che rib' chi kraj taq ire lik katxuki ni chwach.

ISAÍAS 10:16

Rumali i Ajwal chi ronojel ktiki che, kresaj kicho'ab' ike chi lik je ch'anch'aq, ku'an ni chke chi kjuluw kich'akul rumal i a' tew chkij.

JEREMÍAS 11:16

U'onom loq yin in Ajwal inya'om te'eq pib'i chi ix “olivo rojrik uxaq, xaq lik chom ch'uych'ik uwach.” Xwiri wo'or chupam uch'awb'al i ray, kinporoj ni uxaq, xaq lik ktoqow ni u'ab' i che' le.

JEREMÍAS 17:27

Xwiri yix we kixkojon ti che intaqanik, chi kiya i ij sábado chwe, xaq kikoj b'i eqan pa okb'al b'ik re i tinimit Jerusalén che i ij sábado, lik kinnak' a' uri che i okb'al re i tinimit Jerusalén, jun a' chi lik kujarsaj b'i i nimaq taq kachoch i ajawinelab' pa tinimit Jerusalén xaq mijun ktiki chuchupik i a' le.

JEREMÍAS 22:1

I Ajwal xub'ij chwe: “Jat pa nim laj rachoch i ajawinel xaq chaya i tzijoniki

JEREMÍAS 46:23

¡Kkik'atzij ni pim laj kik'achelaj! Yin in Ajwal kinb'iw ile. Lik mas je k'i te'eq chkiwach i sak', xaq mijun xtiki chkajlaxik.

JEREMÍAS 50:32

Nim laj tinimit chi ka'an nim che awib', katakij ni awaqan xaq kattzaq na, xaq lik mijun katuyak na. Kinnak' a' che konojel atinimit, i a' le kusachsaj ni kiwach ronojel ni'pa i je o chawij chawach.”

Lamentaciones 2:3

Lik are xpe i nim laj roywal, xuk'atzij ronojel ucho'ab' i tinimit Israel. Xujek' ucho'ab' qu' chi qatob'al te'eq are xojch'ojin ku' i ajch'oj chqij; ¡Lik unak'om jun nim laj a' che i tinimit Jacob chi lik kuk'at b'i ronojel wach i kuriqo!

Proverbios 12:14

Chkijujunal i winaq lik kya' ni chke chrij wach kkib'ij ru' kichi', xaq chrij ronojel ni'pa i kki'ano, keje ni rajil uri kya'ik.

JEREMÍAS 6:19

Winaq chi ix aj chwach ulew, chita iri: Kink'am li jun nim laj uyej puwi i tinimiti, rumal i utz taj chi kki'ano, man xkikoj ti retalil che intzij, are i xki'ano, xkixutuj in-atb'al tzij.

Ezequiel 21:3

chab'ij che: Iri are kub'ij i Ajwal: Yin kinsaqij chawe chi in-ajch'oj chawij. Kwesaj li inch'ich' chi k'ulala o uware re keinkamsaj i winaq chi o kimak xaq i winaq chi nti kimak.

Miqueas 7:13

I jyub' ta'aj ku'an ni tz'inilik jyub' chaqij rumal kimak uwinaq, rumal i utz taj chi ki'anom.