JEREMÍAS 21:10 - Wuj Pa K'ubultzij

¹⁰ Man yin inch'ob'om chik uk'amik li i utz taj puk'exel i utz puwi i nim laj tinimiti. Kinjach ni pu'ab' i ajawinel re i tinimit Babilonia, ire lik kunak' ni a' che. Yin in Ajwal, xinb'iw ile.

JEREMÍAS 21:10 Referans Kwoze

JEREMÍAS 44:11

Rumali Yin, chi in Ajwal, chi ronojel kintiki che, chi ki-Dios aj Israel, kinb'ij chiwe: Lik inch'ob'om uk'amik li i utz taj piwi yix xaq kinsach uwach ronojel i tinimit Judá.

AMÓS 9:4

i we ke'elsax b'i pa cho'ab' chwach kulew kumal i je ajch'oj chkij, kintaq nu b'i i ch'ich' chi k'ulala o uware re keukamsaj. ¡Ru' inb'a'wach keintaqej anb'al k'ax chke, yab'al ti utz pkiwi!”

JEREMÍAS 44:27

Man Yin lik kixintaqej re kintaq b'i k'ax laj taq yob'il piwi, keje uri ile lik kitij ti utz. Konojel aj Judá chi je jeqel pa Egipto lik ksach ni kiwach ru' nimaq taq ch'oj xaq ru' wa'jal.

Ezequiel 15:7

Yin kinsaqij na chi lik in-ajch'oj chkij ike. Chupam jun a' kix-anmaj na; xwiri kixtzaq chik chupam jun a' chi lik kixujarsaj na. Yin are kinsaqij chiwe chi in-ajch'oj chiwij; are uri kiwetamaj ni yix, chi Yin in Ajwal.

JEREMÍAS 52:13

lik xunak' a' che i rachoch i Ajwal, che i nim laj rachoch i ajawinel xaq konojel i ja chi je o pa tinimit, xwiri lik nab'e xunak' a' chke i kachoch i winaq chi o ki'ij xaq etamam kiwach,

JEREMÍAS 39:8

Te'uri i aj Caldea xkinak' a' che i nim laj rachoch i ajawinel xaq chke i ja chi je o chila pa tinimit, xaq xkiwulijsaj i tapial re i Jerusalén.

JEREMÍAS 38:18

Xwiri we kajach ti awib' yet chke, i aj Caldea lik ketiki ni kan chuk'amik i nim laj tinimit, kkinak' ni a' che xaq yet kattotaj ti chik.”

JEREMÍAS 38:3

I Ajwal kub'ij: I tinimiti ktzaq ni pki'ab' i achiyab' chi je yij che ch'oj re i ajawinel aj Babilonia. Ire kuk'am na xaq lik mijun ktiki chrelsaxik pu'ab'.”

JEREMÍAS 34:2

“Yin, chi in Ajwal, chi ki-Dios aj Israel, kinb'ij chawe chab'ij che ma Sedequías, chi ajawinel re i tinimit Judá: Keje iri kub'ij i Ajwal: Kin-an na chi i ajawinel re i Babilonia kuk'am ni i tinimiti xaq kunak' ni a' che.

SEGUNDO LIBRO DE CR%D3NICAS 36:19

Xwi ta la ile, xaq xkik'at i rachoch i Dios, xkiwulijsaj li tapial nim uwach chi o chrij chwach i tinimit Jerusalén, xkinak' a' che i nim laj rachoch i ajawinel xaq xkichup uwach i jalajuj taq b'iroxik chi lik paqal rajil.

JEREMÍAS 38:23

I ma Jeremías xaq xub'ij chik che i ajawinel: —Konojel ni'pa ixoqib' xaq awak'al lik kejach ni pki'ab' aj Caldea, xaq yet, Nim laj Winaq, lik kattotaj ti pki'ab' ike, are k-antaj na, katjach ni pu'ab' ajawinel aj Babilonia, xaq kkinak' ni a' che i nim laj tinimit.

Salmos 34:16

I Ajwal lik tzel keril i je aj-anol i utz taj, xaq kusach uwach i kuxtab'al ke chwach i jyub' ta'aj.

LEVÍTICO 26:17

Yin kin-an ni che wib' in ajch'oj chiwij xaq k-an ni tikilem chiwe kumal i je ajch'oj chiwij, lik kqajsax ni i'ij kumal ike chi ktitat kipam chiwe, xaq lik kix-anmaj na tupu nti jun kix-oqtawik.

LEVÍTICO 17:10

Yin kpe woywal chke konojel i aj Israel xaq chke aj naj chi je o chixol yix, chi kkitij i kik' chi o che i ti'ij. I winaq le lik kewesaj nu b'i chkixol kitinimit.

ZACARÍAS 1:6

Xwiri, intzij xaq intaqanik, chi Yin inya'om te chkiqul i wajpatan chi je profeta, xeupon ku' iwatit imam yix ujer. Ike xetzalij chik wu' Yin, xketamaj chi Yin in Ajwal chi Ronojel Kintiki Che, xin-an chke pacha kmajawik rumal i anik chi xki'an ike pkik'aslemal.

JEREMÍAS 34:22

Keintaq ni che chi kki'an chik ch'oj chrij i nim laj tinimiti, are ya xetiki chuk'amik te'uri kkinak' ni a' che. Xaq kin-an na chi i jub'an chik tinimit re i tinimit Judá k-on ni tz'inilik jyub' chi nti chik winaq chwach. Yin in Ajwal, xinb'iw ile.”

JEREMÍAS 26:6

kin-an uri che rachoch i Ajwal le pacha xin-an che i jun chila pa Silo. Kin-an ni che i tinimiti chi are pacha jun k'utb'al re i k'oqb'al chke konojel i nimaq taq tinimit chwach i jyub' ta'aj.”

JEREMÍAS 17:27

Xwiri yix we kixkojon ti che intaqanik, chi kiya i ij sábado chwe, xaq kikoj b'i eqan pa okb'al b'ik re i tinimit Jerusalén che i ij sábado, lik kinnak' a' uri che i okb'al re i tinimit Jerusalén, jun a' chi lik kujarsaj b'i i nimaq taq kachoch i ajawinelab' pa tinimit Jerusalén xaq mijun ktiki chuchupik i a' le.

JEREMÍAS 39:16

“Jat, chab'ija che ma Ebed-melec, chi aj Etiopía: I Ajwal, chi ronojel ktiki che, chi ki-Dios aj Israel, keje iri kub'ij: Kin-an ni ronojel ni'pa intzijom chrij i tinimiti chi ni'pa i utz taj ktzaq ni chrij, are ti i utz. Are kuk'ulmaj ile, yet lik at o ni chila.

Ezequiel 24:11

te'uri chakojla i b'oj kaqkoj ch'ich' chwi a' chi nti upam k'a ku'an ni kaq wo' pacha a'al keje ile ku'an ni kan ch'am i b'oj le che i ch'am taj chi o te che; ¡Lik k'a ksach ni uwach i pus chi o che!

AMÓS 2:5

Rumali kinkoj ni a' che i ulew Judá, i a' le kusachsaj ni kiwach i nimaq taq ja ke i ajawinelab' re i Jerusalén.”

JEREMÍAS 38:17

I ma Jeremías xub'ij che ma Sedequías: —I Ajwal chi ronojel ktiki che, chi ki-Dios aj Israel, keje iri kub'ij: “We su' kajach awib' chke aj-atzil re i ajawinel Babilonia, yet xaq i awalk'uwal ktotaj ni uri ik'aslemal, xaq i tinimiti knak' ti a' uri che.