JEREMÍAS 21:1 - Wuj Pa K'ubultzij

^1-2 I ajawinel ma Sedequías xutaq b'i ma Pasur, chi uk'ojol ma Malquías, xaq i ajsujul sipon, chi ma Sofonías, chi uk'ojol ma Maasías, chrilik ma Jeremías xaq chub'ixkil che: “Cha'ana utzil chqe, chatz'onoj che i Ajwal pqawi, man i ma Nabucodonosor, ajawinel re i Babilonia, ktijin chu'anik ch'oj chqij. I Ajwal moqxa kraj ku'an jun nim laj il, xaq kutaq ma Nabucodonosor chujek'ik rib' chu'anik ch'oj chqij.” Are uri i Ajwal xch'aw che ma Jeremías,

JEREMÍAS 21:1 Referans Kwoze

JEREMÍAS 37:3

I ma Sedequías, chi ajawinel, xutaq b'i ma Jucal, chi uk'ojol ma Selemías, xaq ajsujul sipon, chi ma Sofonías, chi uk'ojol ma Maasías, xutaq b'i ru' profeta ma Jeremías chub'ixkil iri che. “Chatlapan ru' i Qajwal Dios pqawi yoj.”

JEREMÍAS 29:25

I Ajwal chi ronojel ktiki che, chi ki-Dios aj Israel, keje iri kub'ij: “Yet xataq b'i jun wuj chke konojel i winaq chi je o pa tinimit Jerusalén xaq che ajsujul sipon, chi ma Sofonías, chi uk'ojol ma Maasías, xaq chke i jub'an chik ajsujul sipon. Chupam i wuj xab'ij che ma Sofonías:

JEREMÍAS 52:24

I aj-ok'al utzam chke i ajchajinelab' lik xuchap b'i ma Seraías, chi atz laj ajsujul sipon, ma Sofonías, ajsujul sipon chi teren chrij rumal lik o u'ij xaq kmajaw che, xaqjunam ku' oxib' ajchajinel re i rachoch i Ajwal.

JEREMÍAS 38:1

I ma Sefatías, uk'ojol ma Matán, ma Gedalías, uk'ojol ma Pasur, ma Jucal, uk'ojol ma Selemías, ma Pasur uk'ojol ma Malquías, xkita utzijonik ma Jeremías are xub'ij i tziji chke i tinimit:

JEREMÍAS 37:1

Ma Nabucodonosor, ajawinel re i Babilonia, xuya kan ma Sedequías pa ajawinel re i Judá, chi uk'ojol ma Josías, puk'exel ma Conías, chi uk'ojol ma Joacim.

PRIMER LIBRO DE CR%D3NICAS 9:12

Ma Adaía uk'ojol ma Jeroham, i ma Jeroham le uk'ojol ma Pasur, i ma Pasur le uk'ojol ma Malquías; ma Masai, chi uk'ojol ma Adiel, i ma Adiel le uk'ojol ma Jazera, i ma Jazera le uk'ojol ma Mesulam, i Mesulam le uk'ojol ma Mesilemit, i ma Mesilemit le uk'ojol ma Imer;

NEHEMÍAS 11:12

i kachi'il chi kki'an kipatan prachoch i Dios, je keb' juwinaq kamo' (822) konojel; i ma Adaías chi uk'ojol ma Jeroham, i ma Jeroham le uk'ojol ma Pelalías, i ma Pelalías le uk'ojol ma Amsi, i ma Amsi le uk'ojol ma Zacarías, i ma Zacarías le uk'ojol ma Pasur, i ma Pasur le uk'ojol ma Malquías.

PRIMER LIBRO DE CR%D3NICAS 3:15

I je rak'al ma Josías je are iri: Ma Johanán chi are nab'e rak'al, i ukab' are ma Joacim, i urox are ma Sedequías xaq i ukaj are ma Salum.

SEGUNDO LIBRO DE CR%D3NICAS 36:17

Are uri i Ajwal xu'ano chi i ajawinel aj Caldea xu'an ch'oj chkij aj Israel, xeukamsaj konojel alab'om ru' kuchil chila prachoch i Dios, lik xril ti tob'al kiwach i alab'om, altom, rijab' xaq mitene i je klis. I Ajwal xeujach konojel pu'ab' i ajawinel.

JEREMÍAS 29:29

I ajsujul sipon, chi ma Sofonías, xrajlaj uwach i wuj che ma Jeremías.

JEREMÍAS 37:7

Keje iri kub'ij i Ajwal, chi ki-Dios aj Israel: “Chab'ij che ajawinel aj Judá chi xixutaq li chuk'amik no'oj wu' yin: Chi uwinaq ma faraón chi je yij che i ch'oj, chi je petnaq chito'ik, xetzalij chub'i pa Egipto.

JEREMÍAS 37:17

I ma Sedequías chi ajawinel, xuya jun taqanik chi kkik'am b'i ma Jeremías pa nim laj rachoch i ajawinel, are xk'am b'i ma Jeremías chwach i ajawinel, i ajawinel le xani'al xutz'onoj che: —¿O nawi jun tzij kab'ij chi petnaq ru' i Ajwal? Are uri ma Jeremías xula' uwach: —Olik, are iri: Yet katjach ni pu'ab' i ajawinel re i Babilonia.

JEREMÍAS 38:14

I ma Sedequías, chi ajawinel, xutaq uk'amik ma Jeremías, chi profeta, chila che urox okb'al re rachoch i Ajwal. Chila i ajawinel xub'ij che: —Kin-an jun tz'onb'enik chawe, xaq kwaj chi kala' uwach chwe ru' saq laj tzij.

2 Reyes 22:13

Jix chutz'onoxik che i Ajwal chrij ink'aslemal yin, xaq chrij kik'aslemal i winaq re ronojel i tinimit, xaq chrij kik'aslemal konojel aj Judá, wach usuk' i wuj le chi xriqtajik; i Ajwal moq xa mi'naq roywal qu' yoj man i qatit qamam xekojon ti che wach tz'ib'tal chupam i wuji, xaq xki'an taj wach taq tz'ib'tal chupam.

JEREMÍAS 35:4

Te'uri xeink'am b'i prachoch i Dios, chupam i jun upam ja ke i rak'al i ma Hanán chi uk'ojol ma Igdalías, chi are jun achi re i Dios. I upam ja le o chila putzal ke i aj-atzil re i rachoch i Dios xaq rajsik i upam ja re i ma Maasías, chi uk'ojol ma Salum, chi are i ajchajinel re uchija re i rachoch i Dios.