JEREMÍAS 20:5 - Wuj Pa K'ubultzij

⁵ Ronojel ni'pa i b'eyomal re i nim laj tinimit le xaq kinjach ni pki'ab' ajch'oj chkij, ronojel ni'pa i kulew xaq i b'iroxik chi o u'ij, xaq ronojel ni'pa i b'iroxik nim u'ij ke i ajawinelab' aj Judá, re kkik'am b'i pa Babilonia.

JEREMÍAS 20:5 Referans Kwoze

Ezequiel 22:25

are jun tinimit chi i keok'aw utzam je keje pacha taq i koj, chi keyererik xaq kki'an ch'aqa taq che i kiti' chi kkichapo; xaq i pa kulew lik kekitij i winaq, kkel-aj ub'itaq ke xaq i kib'eyomal xaq kki'an kan malkan chke k'iyal taq ixoqib'.

JEREMÍAS 15:13

Israel, rumal ronojel amak, kinjach ronojel ab'eyomal chke i ajch'oj chawij. Ronojel ni'pa o chwach awulew lik to' keje ile kkik'am nu b'ik.

Lamentaciones 1:10

I ajch'oj lik u'anom re che i b'eyomal pa tinimit Jerusalén. I tinimit lik xeril i winaq chi kkikoj ki'ij i jub'an chik dios, lik ko kiwach xe'ok b'i pa lo'laj k'ijib'al re i Ajwal, ¡Ajwal, yet xab'ij chi kawaj taj chi ke'ok b'i winaq le pa wachoch re molb'al ib'!

JEREMÍAS 17:3

xaq chwi taq jyub'. Rumal ronojel ni'pa amak, kin-an na chi kel-ax b'i ab'eyomal xaq i b'iroxik nim u'ij, xaq kkik'am b'i ni'pa o tzam taq jyub' chi o u'ij, chi o chupam ronojel awulew.

SEGUNDO LIBRO DE CR%D3NICAS 36:10

Che i nab'e taq ij re i junab' le, ma Nabucodonosor chi ajawinel pa Babilonia, xutaq uk'amik b'i ma Joaquín junam ru' i jalajuj taq chapanb'al re i rachoch i Ajwal chi lik paqal rajil; are uri xuya kan ma Sedequías, chi ucha' ma Joaquín, pa ajawinel chila Judá xaq Jerusalén.

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

Lamentaciones 4:12

Lik xekojon ti i ajawinelab' re uwach i jyub' ta'aj, konojel i kerajawin te chwach i jyub' ta'aj, chi ajch'oj chrij kok nu b'i che uchija re i tinimit Jerusalén.

Lamentaciones 1:7

I tinimit Jerusalén kk'un chuk'ux i ij re ujer, are xkanaj kan utukel xaq lik pa b'is; lik kk'un chuk'ux ronojel ub'eyomal chi o te'eq ru' ujer; kk'un chuk'ux are xtzaq pu'ab' i ajch'oj chrij, are lik mijun xk'un chuto'ik, xaq are x-il kumal i ajch'oj chrij, lik xa xkitze'ej utzaqik pa k'ax.

JEREMÍAS 39:8

Te'uri i aj Caldea xkinak' a' che i nim laj rachoch i ajawinel xaq chke i ja chi je o chila pa tinimit, xaq xkiwulijsaj i tapial re i Jerusalén.

JEREMÍAS 39:2

Che i b'elejeb' ij, che ukaj ik', che julajuj junab' re rajawinik ma Sedequías, i achiyab' chi je ajch'oj chkij, xe'ok b'i pa tinimit.

JEREMÍAS 12:12

Chwi taq ronojel i loma re i tz'inilik jyub' chaqij xek'un winaq chi to' aj-anol ch'oj. Man Yin, chi in Ajwal, o jun inch'ojb'al chi kusach ni uwach i nim laj tinimit, kjeqan b'i chuchi' jewa kupon k'a chuchi' jela, xaq mijun kuriq i chomb'al ib'.

JEREMÍAS 4:20

Lik uterb'em rij utzijol i xaqmanal taq anik, xaq ronojel i nim laj tinimit lik xaqmanal ktijin chuk'ulmaxik. Xaqte'et xkiwulijsaj ink'ijib'al, lik mutmut x-on kan i wu'waq taq ja re wachoch.

JEREMÍAS 3:24

I k'ixb'alil laj taq ukojik u'ij i tiox, xu'an chqe chi xqasach uwach ni'pa je tikinaq te qaqajaw qachuch che ujer are k'a oj ak'alab': Chij, chikop, qami'al qalk'uwal.

ISAÍAS 39:6

Kk'un ni ij chi ronojel ni'pa o awu' pa nim laj awachoch xaq ronojel ni'pa xkimol uchi' awatit amam k'a arewi wo'or, lik kk'am nu b'i pa Babilonia. Lik nti jun b'iroxik kkanaj awu' waral.

JEREMÍAS 32:24

Rumali wo'or i aj Caldea, ki'anom elb'al b'ik anb'al ch'oj chrij i nim laj tinimit. I nimaq taq ch'oj, wa'jal, xaq i itzel laj taq yob'il, kki'an na chi ronojel i nim laj tinimit ktzaq pki'ab' i je ajch'oj chkij. Ajwal, Yet kawilo chi ktijin u'antajik ronojel ni'pa i ab'im.

Oseas 13:15

Tupu i tinimit Israel kpe usij pacha ichaj, kpe ni tew prelb'al ij, are i tew chi lik o ucho'ab' chi kjuk'uk' pa tz'inilik jyub' chaqij, i kchaqij na xaq kk'is ni ni'pa taq ralaxb'al ya ru'. I ajch'oj chrij kumaj nu b'i ub'eyomal che chi are i chomiq laj taq uwiqb'al rib'.