JEREMÍAS 18:21 - Wuj Pa K'ubultzij

²¹ ¡Xwiri wo'or cha'ana che i kak'al kekam ni rumal i numik we ntaj ru' ch'ich' chi k'ulala o uware, chemalkanij ni kan kixoqil, xaq kekanaj ni kan keje ile, nti chik kak'al! ¡Xaq i itzel laj yob'il cheukamsaj ni achiyab' xaq i alab'om chetzaq ni pa taq es re i ch'oj!

JEREMÍAS 18:21 Referans Kwoze

AMÓS 4:10

“Xintaq b'i itzel laj taq k'ax piwi pacha xintaq b'i pkiwi aj Egipto; xin-ano chi ik'ojol kekam pa taq es pa ch'oj xaq xin-ano chi i ajch'oj chiwij ku'an re chke ikaway; xin-an chiwe chi kisiq i chu laj taq kamnaq pa wu'waq taq ja, ¡Xwiri yix xixtzalij ti chik wu'!” Are i Ajwal kub'ij.

Lamentaciones 5:3

Oj are i ak'alab' chi nti chik qaqajaw; i qachuch xekanaj kanoq pacha je malkanib'.

JEREMÍAS 15:8

Lik mas je k'i ixoqib' malkanib' xeinya kanoq chwach i seneb' chuchi' i mar. Lik tik'il ij xinya li kamik pkiwi i chuchxelab' ku' i kak'al chi k'a je ak'alab' winaq; lik xaqte'et xinya i b'is xaq i xib'rikil chke.

JEREMÍAS 9:21

“I kamik xok pqamuj pqasok, xok k'a pa nim laj rachoch i ajawinel, keukamsaj ak'alab' pa taq b'e xaq keukamsaj i k'ojolab' pa taq k'eb'al.

Deuteronomio 32:25

Kekamsax ni kak'al ru' ch'ich' pa taq b'e, o ni nim laj xib'rikil pa taq kachoch; kekam ni alab'om xaq altom, rijab' xaq ak'alab' chi lik k'a ketz'umanik.

ÉXODO 22:24

xaq lik kpe uri woywal chiwe xaq kixinkamsaj ni uri ru' ch'ich'; i iwixoqil kekanaj na je malkan xaq iwak'al kekanaj na chi nti chik kiqajaw.

2 Timotéo 4:14

I ma Alejandro chi ajch'ayol ch'ich', lik nim i utz taj u'anom chwe; i Ajwal chutzalij ni uwach che pacha u'anom ire.

JEREMÍAS 12:3

Xwiri yet Ajwal, lik aweta'am inwach, yet kinawilo xaq aweta'am ink'ux xaq inch'ob'onik chawe. ¡Cheak'ama b'i i winaq le pacha chij pa kamsab'al ke; chea'ulu re i ij re i kamsanik!

SEGUNDO LIBRO DE CR%D3NICAS 36:17

Are uri i Ajwal xu'ano chi i ajawinel aj Caldea xu'an ch'oj chkij aj Israel, xeukamsaj konojel alab'om ru' kuchil chila prachoch i Dios, lik xril ti tob'al kiwach i alab'om, altom, rijab' xaq mitene i je klis. I Ajwal xeujach konojel pu'ab' i ajawinel.

1 Samuel 15:33

Xwiri ma Samuel xub'ij che: —Ru' ach'ich' xeakamsaj kak'al k'iyal taq ixoqib', xaq lik keje uri ile k-ani che achuch yet, wo'or kkamsax ni rak'al. Are uri ma Samuel xu'an ch'aqa taq che ma Agag chila Gilgal chwach i Ajwal.

Salmos 63:10

¡Kekam ni ru' i ch'ich' chi o uware k'ulala, xaq lik kwor ni pkiqul kumal i nimaq taq utiw!

ISAÍAS 9:17

Rumali i Ajwal xril ti tob'al kiwach i alab'om xaq i altom xaq xuya ti rutzil uk'ux chke i ak'alab' chi nti chik kiqajaw kichuch xaq chke ixoqib' malkanib'. Man konojel i winaq lik je itzel laj taq winaq chik, xaqmanal kki'ano xaq xaqmanal kkib'ij. Xwiri i roywal i Ajwal lik ik'awnaq taj, Ire k'a kuch'ach'a usachik kiwach.

ISAÍAS 13:18

Ru' kich'ab' kkiqajsaj ni k'ojolab' xaq i apojib'. Lik kkil ti tob'al kiwach i je noch' chi k'ate je alaxnaq xaq i ak'alab'.

JEREMÍAS 14:16

I tinimit ipa kkib'ij wi ile kkam ni rumal i nimaq taq ch'oj xaq rumal i wa'jal, junam ku' kixoqil, kik'ojol xaq i kimi'al. I kich'akul i kamnaq kejab'ix ni pa taq b'e re i tinimit Jerusalén, xaq nti jun kemuquwik. Keje ni utojik kimak ile kin-an chke.

JEREMÍAS 15:7

Kinkichersaj b'i awinaq pacha taq chaqij k'im, xewesaj pa taq tinimit re awulew, xeinya kan intinimit chi lik nti chik kak'al, xinsach kiwach man xkaj ti xko'taj kan kik'aslemal chi utz taj.

JEREMÍAS 50:30

Rumali iwak'al chi je k'ojolab' kekam ni xol taq b'e xaq konojel i achiyab' chi je yij che i ch'oj kekam ni che i ij le. Yin in Ajwal, xinb'iw ile.

Lamentaciones 1:15

I Ajwal xeresaj b'i naj chinwach yin konojel i achiyab' chi lik ko kiwach chi kinkito te'eq. Lik xeutaq li jub'an achiyab' chi je yij che i ch'oj re kki'an ch'oj chwij, re kkisachsaj kiwach achiyab' ko kiwach chi je o wu' yin. ¡I Ajwal lik uya'yam u'ij uchomal i tinimit Judá, pacha uya'yaxik i uva puk'ijib'al are kelsax uwa'al!

Ezequiel 16:38

Kin-at ni tzij pawi rumal xa'an i ch'am taj ru' ach'akul ku' jub'an chik achiyab' xaq rumal i kamsanik chi xa'ano, rumali lik ru' woywal xaq ru' i selosil katinjach ni pu'ab' i kamik.

Ezequiel 22:25

are jun tinimit chi i keok'aw utzam je keje pacha taq i koj, chi keyererik xaq kki'an ch'aqa taq che i kiti' chi kkichapo; xaq i pa kulew lik kekitij i winaq, kkel-aj ub'itaq ke xaq i kib'eyomal xaq kki'an kan malkan chke k'iyal taq ixoqib'.

Salmos 63:11

Xwiri i ajawinel kkikot ni rumal i Dios; konojel ni'pa lik kkib'ij pub'i Ire, lik kkib'ixaj ni b'ix, xwiri ni'pa ket'oronik ktz'apix ni kichi' chke.

ISAÍAS 9:16

I je aj-atzil xekisach i tinimiti xaq ni'pa kkitzukuj te'eq jun aj-ok'al utzam xesachik.