JEREMÍAS 17:27 - Wuj Pa K'ubultzij

²⁷ Xwiri yix we kixkojon ti che intaqanik, chi kiya i ij sábado chwe, xaq kikoj b'i eqan pa okb'al b'ik re i tinimit Jerusalén che i ij sábado, lik kinnak' a' uri che i okb'al re i tinimit Jerusalén, jun a' chi lik kujarsaj b'i i nimaq taq kachoch i ajawinelab' pa tinimit Jerusalén xaq mijun ktiki chuchupik i a' le.

JEREMÍAS 17:27 Referans Kwoze

2 Reyes 25:9

Are xupon pa nim laj tinimit Jerusalén, xunak' a' che i rachoch i Dios, che i nim laj rachoch i ajawinel xaq ronojel ni'pa i kachoch i winaq re i nim laj tinimit, xaq xk'at b'i kachoch konojel ni'pa nimaq kopis pa tinimit.

JEREMÍAS 7:20

Rumali Yin, chi in Ajwal, lik qatzij kinb'ij chiwe chi kwesaj ronojel woywal che i k'ijib'al le xaq chke i winaq, xaq kwesaj ni woywal chke i konojel i chikop, chke i che' pa taq es xaq che ronojel i tikon. Keje na pacha jun a' chi lik kchup taj.

JEREMÍAS 21:14

Yin kinya ni utojb'alil chiwe, pacha kmajaw che i utz taj chi xi'ano, kinnak' ni a' che ik'achelaj, i a' le kuk'at nu b'i ronojel chrij chwach. Yin in Ajwal, xinb'iw ile.

AMÓS 1:14

Rumali kinnak' ni a' che i tapial re i Rabá, i ru' i a' le kinsachsaj ni uwach i nimaq taq ja ke ajawinelab', che i ij re i ch'oj le lik kesik'inik, xaq ru' jun nim laj uch'awb'al jab' tew upam.

Ezequiel 22:8

Kkikoj ti u'ij ink'ijib'al chi o u'ij xaq kkikoj ti u'ij i ij sábado chi we Yin.

Lamentaciones 4:11

I Ajwal xro'taj li nim laj roywal, rumal ucho'ab' i roywal le chi lik kjuluwik; xunak' a' che i tinimit Sion xaq lik xusachsaj uwach ukub'ib'al i tinimit.

JEREMÍAS 52:13

lik xunak' a' che i rachoch i Ajwal, che i nim laj rachoch i ajawinel xaq konojel i ja chi je o pa tinimit, xwiri lik nab'e xunak' a' chke i kachoch i winaq chi o ki'ij xaq etamam kiwach,

JEREMÍAS 49:27

Kinnak' ni a' chke i tapial re i tinimit Damasco, i a' le kusachsaj ni i nim laj ja re i tinimit Ben-adad.”

JEREMÍAS 39:8

Te'uri i aj Caldea xkinak' a' che i nim laj rachoch i ajawinel xaq chke i ja chi je o chila pa tinimit, xaq xkiwulijsaj i tapial re i Jerusalén.

ISAÍAS 1:20

Xwiri we kimayij ti u'anik ile chi lik ix qelqel, lik kixkam ni uri pa ch'oj.” Are i Ajwal xb'iw ile.

Hebreos 12:25

Rumali chi'ana kwent, mixutuj are kraj qajek'ik. I iwatit imam xkixutuj i Dios are xraj kijek'ik chi chwach i jyub' ta'aj, xwiri lik xkitoj ni i kimak, ¿Xatab'a kqatoj ti qamak yoj we kqaxutuj i jun chi kch'aw li chqe chikaj? Lik kqatojo na.

AMÓS 2:2

Rumali kinkoj ni a' che i ulew Moab, i a' le kusachsaj ni kiwach i nimaq taq ja ke ajawinelab' re Queriot; are kesik'in pa ch'oj xaq ru' taq uch'awb'al i trompeta, i aj Moab kekam na.

AMÓS 1:12

Rumal uri ile kinnak' ni a' che i Temán, xaq i a' le kuk'atsaj nu b'i nimaq taq ja re i Bosra.”

AMÓS 1:10

Rumali kinnak' ni a' che kitapial i aj Tiro, xaq i a' le kuk'atsaj nu b'i i nimaq taq ja ke ajawinelab'.”

AMÓS 1:7

Rumali kinnak' ni a' che i kitapial aj Gaza, xaq i a' le kuk'atsaj nu b'i i nim laj ja re i ajawinel.

AMÓS 1:4

Rumali kinnak' ni a' che i nim laj rachoch i Hazael, xaq i a' le kuk'atsaj nu b'i i nimaq taq ja re Ben-adad.

Ezequiel 16:41

Kkinak' ni a' chke i awachoch xaq kkich'ik ni utojb'alil pawi chkiwach uk'iyal taq ixoqib'. Kink'is ni uwach ni'pa i xaqmanal ka'an ru' ach'akul, xaq lik keatoj ti chik i achiyab' chi kkimin kib' awu'.

JEREMÍAS 44:16

—I tzijonik le chi ub'im li i Ajwal chawe; lik kqakoj taj.

JEREMÍAS 32:29

I aj Caldea chi kki'an ch'oj chrij i nim laj tinimit, lik ke'ok nu b'i chupam xaq kkinak' ni a' che; kkinak' ni a' che junam ru' i ja chi je o li k'a puwi, chila ipa kkiporoj wi pom che i tiox Baal xaq kkisujuj uwa'al uva muqb'am chke i tiox chi etamam ti kiwach, kki'an ile qajsab'al in-ij.

JEREMÍAS 22:5

Xwiri we kikoj ti retalil che ni'pa i saqinik le, i rachoch i ajawinel le lik k-on na pacha i ja wulijnaq. Yin in Ajwal, xinb'iw ile.”

JEREMÍAS 17:24

Yin in Ajwal kinb'ij iri: Lik chixkojon chwe, mik'am b'i jun eqan pa okb'al re i tinimit che taq i ij sábado; lik chiya i uxlanb'al ij le chwe Yin xaq mi'an taq jun chak.

JEREMÍAS 17:4

Lik kawo'taj ni kan i ulew chi xinya yin chawe re kuxtab'al we, xaq kin-an ni chawe chi pacha winaq chi o pa k'ax kumal i je ajch'oj chawij, chwach jun ulew chi aweta'am ti uwach, man i woywal lik kjuluwik pacha jun a' chi katuk'at b'ik.

JEREMÍAS 6:17

I Ajwal xeukoj chajinelab' xaq xub'ij che i tinimit: “Chitatb'ej are kxut'ix i trompeta.” Xwiri i tinimit xub'ij: “Kqaj ti utatb'exik ile.”

ISAÍAS 1:31

I achi chi lik o ucho'ab' k-on na pacha i k'im, xaq ni'pa i chak chi ku'ano kyiji ni che uxum a', chekeb' le junam na kejuluwik xaq nti jun kechupuwik.

SEGUNDO LIBRO DE CR%D3NICAS 36:19

Xwi ta la ile, xaq xkik'at i rachoch i Dios, xkiwulijsaj li tapial nim uwach chi o chrij chwach i tinimit Jerusalén, xkinak' a' che i nim laj rachoch i ajawinel xaq xkichup uwach i jalajuj taq b'iroxik chi lik paqal rajil.

2 Reyes 22:17

Man in ko'tam kanoq xaq kik'atom pom chkiwach i tiox, xaq lik kipetsam woywal ru' ronojel ni'pa kki'ano le; rumali lik petnaq woywal che i k'ijib'ali chi lik kik'aw taj.

Deuteronomio 32:22

Lik mi'naq jun woywal pacha jun a', lik kuk'at nu b'i ronojel uwach ulew naj kqaj wi k'a pa jyub', xaq kuk'at nu b'i ulew xaq ni'pa uwach chi kuya'o, xaq kuk'at nu b'i uxeb'al i nimaq taq jyub'.

Salmos 122:7

Lik ch-ol ni chomb'al ib' chupam i tinimit chi sutim rij ru' tapial nim uwach; xaq lik nti xaqmanal kk'ulmax chupam i nim laj awachoch, utz na che'oloq.”

JEREMÍAS 18:1

I Ajwal xinu'ijla yin, xub'ij chwe:

Lamentaciones 2:6

Pacha taq jun ili'om, xu'an ch'oj chrij lo'laj uk'ijib'al; xusachsaj uwach i k'ijib'al re molb'al ib'. I Ajwal xu'an che i tinimit Sion, chi kkisachsaj chkik'ux i nima'ij xaq i ij sábado. Lik rumal i nim laj roywal xuxutuj i ajawinel xaq i ajsujul sipon.

Ezequiel 21:15

Ire lik keuxib'ij na, ku'an k'iyal taq kamik. Che konojel i kachoch inkojom i ch'ich' chi k'ulala o uware re kamsanik. Are i ch'ich' chi k'ulala o uware chi uyum rij re ktzijlajik, antal uware re kamsanik.

Ezequiel 23:38

Xwi ta la ile, xaq ki'anom iri chwe: Lik che jun ij xkiqajsaj u'ij i lo'laj wachoch, xaq xkiqajsaj u'ij i ij sábado we Yin.

Oseas 8:14

I tinimit Israel kuyak ni nimaq taq ja ke ajawinelab', xwiri ksach ni chuk'ux i aj-anol re. I tinimit Judá kuyak ni nimaq taq tinimit chi lik sutim rij ru' tapial, xwiri yin kin-an ni chke chi kejar ni pa 'a i kk'is nu b'i kiwach i nimaq taq ja ke ajawinelab'.

Ezequiel 21:3

chab'ij che: Iri are kub'ij i Ajwal: Yin kinsaqij chawe chi in-ajch'oj chawij. Kwesaj li inch'ich' chi k'ulala o uware re keinkamsaj i winaq chi o kimak xaq i winaq chi nti kimak.