JEREMÍAS 15:8 - Wuj Pa K'ubultzij

⁸ Lik mas je k'i ixoqib' malkanib' xeinya kanoq chwach i seneb' chuchi' i mar. Lik tik'il ij xinya li kamik pkiwi i chuchxelab' ku' i kak'al chi k'a je ak'alab' winaq; lik xaqte'et xinya i b'is xaq i xib'rikil chke.

JEREMÍAS 15:8 Referans Kwoze

ISAÍAS 3:25

I achiyab' chi je awe yet ketzaq ni pa ch'oj, i je awajch'oj chi lik ko kiwach kekam ni pa ch'oj.

Lucas 21:35

Pacha jun tzaqsab'al kk'un pkiwi konojel i winaq chwach i jyub' ta'aj.

JEREMÍAS 5:6

Rumali ke'el na li koj pa taq k'achelaj xaq ke'ok chkikamsaxik i winaq, xaq i utiw je aj pa taq tz'inilik jyub' chaqij kki'an ni mutmut chke, i b'alam kekoy-ej ni chila rij taq kitinimit, keki'an ni ch'aqa taq chke are ke'el loq; man k'i kimak ki'anom, xaq lik k'i i anik re keb' kipalaj ki'anom chke i kachi'il.

JEREMÍAS 4:16

Su' chisaqij chke i nimaq taq tinimit, xaq che i tinimit Jerusalén, chi che jun tinimit naj kek'un wi i je ajch'oj chkij. Kesik'in chu'anik ch'oj chkij i nimaq taq tinimit Judá.

ISAÍAS 3:26

I tinimit ko' na xaq kk'iji ni pa b'is, xaq lik ko'tax ni utukel.

ISAÍAS 4:1

Che taq i ij le xa keb' oxib' chik achiyab' kekanajik, chi wuqub' ixoqib' kki'an ni ch'oj puwi jun chke ike le, xaq kkib'ij ni che: “Yoj kqatzuq qib' xaq kqawiq qib' qatukel, xwiri chaya ni chqe k-e ab'i chqij, lik chojawesaj chupam qak'ix.”

JEREMÍAS 16:3

Man Yin, chi in Ajwal, kinb'ij chawe wach kkik'ulmaj ni'pa kealax che i tinimiti, xaq wach kkik'ulmaj i qajawxelab' chi kealax kak'al.

JEREMÍAS 18:21

¡Xwiri wo'or cha'ana che i kak'al kekam ni rumal i numik we ntaj ru' ch'ich' chi k'ulala o uware, chemalkanij ni kan kixoqil, xaq kekanaj ni kan keje ile, nti chik kak'al! ¡Xaq i itzel laj yob'il cheukamsaj ni achiyab' xaq i alab'om chetzaq ni pa taq es re i ch'oj!

JEREMÍAS 22:7

Keintaq b'i winaq chu'anik ch'oj chawij chi lik yijil kich'ojb'al, ru' nojb'al kkisachb'ej awach. Kkichet nu b'i i chomiq taq aqan chi lik chakalte' o awu', te'uri kkik'aq ni pa a'.

Lamentaciones 5:3

Oj are i ak'alab' chi nti chik qaqajaw; i qachuch xekanaj kanoq pacha je malkanib'.

Ezequiel 22:25

are jun tinimit chi i keok'aw utzam je keje pacha taq i koj, chi keyererik xaq kki'an ch'aqa taq che i kiti' chi kkichapo; xaq i pa kulew lik kekitij i winaq, kkel-aj ub'itaq ke xaq i kib'eyomal xaq kki'an kan malkan chke k'iyal taq ixoqib'.

Oseas 4:5

Yet lik kattzaq ni pa'ij, xaq i cha'ab' ktzaq ni awu' yet i profeta, i achuch lik kinsach ni uwach.

JEREMÍAS 6:26

¡Umi'al intinimit, chakojo a'u' as k'utb'al re uk'axk'ol, chab'alkatij awib' pa taq chaj, chixb'isonoq xaq lik chixsik'in che o'ej, keje pacha are kkam jun iwak'al chi xa jun olik. Man i jun chi ksachaw qawach, lik ya kk'un chu'anik ch'oj chqij!