JEREMÍAS 15:13 - Wuj Pa K'ubultzij

¹³ Israel, rumal ronojel amak, kinjach ronojel ab'eyomal chke i ajch'oj chawij. Ronojel ni'pa o chwach awulew lik to' keje ile kkik'am nu b'ik.

JEREMÍAS 15:13 Referans Kwoze

JEREMÍAS 17:3

xaq chwi taq jyub'. Rumal ronojel ni'pa amak, kin-an na chi kel-ax b'i ab'eyomal xaq i b'iroxik nim u'ij, xaq kkik'am b'i ni'pa o tzam taq jyub' chi o u'ij, chi o chupam ronojel awulew.

Salmos 44:12

Lik paqal ti xak'ayij wi atinimit, xwiri lik nti xach'ak che chi xak'ayij b'ik.

ISAÍAS 52:3

I Ajwal kub'ij: Mita jub'i' pwaq xink'amo are xixk'am b'ik re k-an winaq chiwe chi ix o pa k'ax rumal rajaw ichak; xaq keje uri wo'or lik mita jub'i' pwaq kinya'o re kixwesb'ej li pki'ab'.

JEREMÍAS 20:5

Ronojel ni'pa i b'eyomal re i nim laj tinimit le xaq kinjach ni pki'ab' ajch'oj chkij, ronojel ni'pa i kulew xaq i b'iroxik chi o u'ij, xaq ronojel ni'pa i b'iroxik nim u'ij ke i ajawinelab' aj Judá, re kkik'am b'i pa Babilonia.

ISAÍAS 52:5

Xaq wo'or ¿Wach taq kintijin chrilik? Lik nti puwi xkik'am b'i intinimit pa Babilonia. I ke'anaw k'ax chke, lik kesik'in rumal kikikotemal xaq ke'uxlan ti chinyo'yaxik.

JEREMÍAS 15:8

Lik mas je k'i ixoqib' malkanib' xeinya kanoq chwach i seneb' chuchi' i mar. Lik tik'il ij xinya li kamik pkiwi i chuchxelab' ku' i kak'al chi k'a je ak'alab' winaq; lik xaqte'et xinya i b'is xaq i xib'rikil chke.

Ezequiel 38:13

I winaq re i Sabá xaq i Dedán, xaq i ajk'ayinel re Tarsis xaq jub'an chik tinimit, kkitz'onoj ni chawe: ¿Xatk'un pa el-anik? ¿Xamol kichi' i awinaq chi je yij che i ch'oj re kawesaj b'i ub'itaq re xaq re ka'an awe che i saq-o'oj xaq i an-o'oj, chikop xaq jub'an chik ub'itaq re, re kak'am b'i jun nim laj b'eyomal?

SOFONÍAS 1:13

Rumali i kib'eyomal kel-ax nu b'i chke xaq ni'pa i kachoch ksachsax ni kiwach. Kkiyak ni ja, xwiri kejeqi ti chupam; kkitik ni uva, xwiri kkitu' ti uwa'al uva muqb'am che.