JEREMÍAS 14:6 - Wuj Pa K'ubultzij

⁶ I axna je aj pa taq es, je tak'ernaq b'i chwi taq loma re i tz'inilik jyub' chaqij, kkiqap i tew pacha kki'an i tz'i aj pa taq es; xwiri i kib'a'wach lik to' sutz' chik upam man nti chik es re kkitijo.

JEREMÍAS 14:6 Referans Kwoze

JEREMÍAS 2:24

Pacha taq ati axna chi to' k-e b'i pa taq es, chi lik kxut'ut tew putzam rumal urayijb'al uch'akul. Are ketz'anik lik mijun ktiki chuqajsaxik urayijb'al, we jun ma axna kutzukuj, lik kkos ti uri chutzukuxik man kuriq che i ij are ketz'anik.

Joel 1:18

¡I chikop lik ke'o'ik! Tupu kkitzukuj k'im i b'akib' lik nti chik rumal; i tzob'ajil taq chij ktijin kikamik.

Lamentaciones 5:17

Rumal ile i qanima lik iwab'; xaq rumal ile k-equmar qawach.

Lamentaciones 4:17

I qab'a'wach kosnaq chik, xwiri lik k'a ktzun k'ulala, lik nti rumal we kqoy-ej taq qato'ik. Man xa qataqem ruponik jun tinimit chi ktiki ti chqato'ik.

1 Samuel 14:29

Are uri ma Jonatán xub'ij che: —Inqajaw xu'an jun utz taj chke achiyab' chi je yij che i ch'oj. Chawila pe yin lik xpe jun nim laj incho'ab' rumal pich' uwa'al kab' chi xintijo,

ISAÍAS 32:14

I nim laj rachoch i ajawinel ko'tax ni kanoq; i tinimit chi lik nim kek'is b'i uwinaq, kkanaj na pacha jun tz'inilik jyub' chaqij; i ukowib'al i tinimit ko'tax ni kanoq ronojel ij saq, chila na kejeqi wi i axna aj pa taq es xaq lik kekikotik, chila na kewa wi i jalajuj taq chikop.