JEREMÍAS 14:16 - Wuj Pa K'ubultzij

¹⁶ I tinimit ipa kkib'ij wi ile kkam ni rumal i nimaq taq ch'oj xaq rumal i wa'jal, junam ku' kixoqil, kik'ojol xaq i kimi'al. I kich'akul i kamnaq kejab'ix ni pa taq b'e re i tinimit Jerusalén, xaq nti jun kemuquwik. Keje ni utojik kimak ile kin-an chke.

JEREMÍAS 14:16 Referans Kwoze

JEREMÍAS 7:33

I kich'akul i kamnaq le kajwax ni re kkitij i tz'ikin chi je ajtijol ti'ij, xaq chke itzel taq chikop xaq lik nti ke'oqtaw b'ik.

Proverbios 1:31

¡Wo'or kya' ni utojb'alil chke, lik kkitij ni k'ax! ¡Lik k'a kk'aj ni kiwach chupam ronojel i k'ax chi kitzukum chkij!

JEREMÍAS 18:21

¡Xwiri wo'or cha'ana che i kak'al kekam ni rumal i numik we ntaj ru' ch'ich' chi k'ulala o uware, chemalkanij ni kan kixoqil, xaq kekanaj ni kan keje ile, nti chik kak'al! ¡Xaq i itzel laj yob'il cheukamsaj ni achiyab' xaq i alab'om chetzaq ni pa taq es re i ch'oj!

JEREMÍAS 16:4

Kekam ni rumal k'ax laj taq yob'il xaq lik mijun ko' taq chke xaq mitene kemuqik, lik keteli kan chwach taq ulew, pacha taq achaq. I nimaq taq ch'oj xaq i wa'jal kuk'is ni kiwach ike, xaq i kich'akul i kamnaq ketijaw nu b'i kumal i tz'ikin ajtijol taq ti'ij xaq kumal itzel taq chikop.”

Apocalipsis 16:1

Are uri xinta jun nim laj ch'awb'al, chi xch'aw li pa lo'laj k'ijib'al re i Dios. Keje iri xub'ij chke i wuqub' ángel: “I tojpen re i Dios chi o chupam i wuqub' tu'b'al le, cheijopij b'i chwach i jyub' ta'aj.” Xb'ix chke.

Mateo 15:14

Mikoj retalil chke ike; man xa je mawach, xa je ajk'amol b'e chke jub'an chik mawach. Jun mawach, we kuk'am b'i jun rach mawach, junam uri ke'etzaq pa siwan —xub'ij i Jesús chke.

JEREMÍAS 9:22

I kich'akul i achiyab' xejab'krij kanoq pacha achaq pa taq es, pacha rij i trigo chi ktzaq kan chrijil i ajmolonel, chi mijun kmolowik.” Are i Ajwal xub'ij ile.

JEREMÍAS 5:31

Ni'pa i kkitzijoj i profeta lik saqil laj t'oronik, i je ajsujul sipon to' keje u'anik kipatan kki'ano pacha urayijb'al kik'ux ike. ¡Xaq intinimit lik keje ile kkaj ike! Xwiri ¿Ipa nawi keik'isa wi pa k'isb'al re?

JEREMÍAS 4:18

Are i utz ti laj ak'aslemal xaq ni'pa i'anom x-anaw chawe ni'pa i xak'ulmaj; i amak are xyaw i uyej chawe xaq ku'an k'ax che awanima.

ISAÍAS 9:16

I je aj-atzil xekisach i tinimiti xaq ni'pa kkitzukuj te'eq jun aj-ok'al utzam xesachik.

ISAÍAS 51:20

Pacha kej je ch'apal chupam jun chapb'al ke, i awak'al lik nti chik kicho'ab', je jab'ernaq xol taq b'e, je soktajnaq rumal i roywal i Ajwal, rumal suk'b'anik re a-Dios.

JEREMÍAS 8:1

I Ajwal kub'ij: Che taq i ij le kelsax na li kib'aqil i winaq pa taq kijul, ronojel kib'aqil i ajawinelab', kib'aqil aj-atzil re i tinimit Judá, kib'aqil ajsujul sipon, kib'aqil i profeta xaq kib'aqil ni'pa xejeqi chila pa tinimit Jerusalén.

JEREMÍAS 8:2

Xaq kekisa ni kan chwa ij, chwa ik', xaq chwa ronojel i ch'umil chi lik k'ax xkina'o, xki'an kipatan chkij, xeterej chkij, xkik'am taq kino'oj chke xaq xkikoj ki'ij. Mijun keyakawik re kkimuqu. Kekanaj ni chwach taq ulew pacha taq achaq.

JEREMÍAS 27:15

I Ajwal kub'ij: Ire je utaqom tu b'ik; Ni'pa i tzij chi kkib'ij pub'i i Ajwal le, xa je are ike je nuk'uwnaq. Keje uri ile chi Ajwal pa k'isb'al re kixukichersaj nu b'i yix, lik junam kixkam na.”

Ezequiel 39:14

Xwi ta la ile, chrijil chik wuqub' ik' le, kya'ix ni chkiqul jutzob'aj winaq chi kemalkat chupam xaq kkilo wach o chupam i tinimit le, xaq chkimuqu konojel i je kanajnaq kan chwach ulew, re kki'an kan ch'am che.

AMÓS 7:17

Xwiri iri are kub'ij i Ajwal: I awixoqil kumin ni rib' ku' achiyab' chkiwach i winaq pa tinimit, i ak'ojol xaq i ami'al kekam ni ru' ch'ich' chi k'ulala o uware; awulew kkijach ni chkiwach ru' sakinik; yet lik katkam ni pkulew i winaq chi kkikoj ti Dios, i winaq aj Israel kechap nu b'ik, kek'am nu b'i naj che i kulew.

JEREMÍAS 9:20

Ixoqib', chita utzij i Ajwal, chikojo retalil che utzij. Chik'utu o'ej chke iwalit xaq chik'utu i o'ej chke i kamiy keje iri:

JEREMÍAS 20:6

Xaq yet, ma Pasur, katk'am nu b'i pa k'ax chila pa Babilonia junam ku' konojel awalk'uwal. Chila na katkam wi xaq chila katmuq wi yet xaq konojel ni'pa awamiy, chi kab'ij te'eq i tzijonik chke chi qatzij taj.