JEREMÍAS 13:12 - Wuj Pa K'ubultzij

¹² Xaq chab'ij chke: I Ajwal chi ki-Dios aj Israel kub'ij: “Xab'i chi xar knoj che i uwa'al uva muqb'am.” I aj Israel kkib'ij ni chawe: ¿Xatab'a qeta'am ti ile chi xab'i chi xar knoj che i uwa'al uva muqb'am?

JEREMÍAS 13:12 Referans Kwoze

Ezequiel 24:19

Are uri i winaq pa tinimit xkib'ij chwe: “Chab'ij usuk' chqe wach kraj ub'ixkil ile chqe yoj chi kattijin chu'anik.”

JEREMÍAS 13:11

Keje pacha ku'an jun chi lik ko kub'ajij i paqb'al upam, keje ile in-anom te'eq Yin chke konojel aj Israel xaq chke konojel aj Judá, lik je o te'eq wu', man je intinimit te'eq xaq kkiya retamaxik inb'i, xaq je are te'eq in-ij inchomal. Xwiri lik xekojon ti chwe. Yin chi in Ajwal, xinb'iw ile.

JEREMÍAS 13:13

Are uri yet kala' ni uwach chke: I Ajwal kub'ij: Kein-ab'arsaj konojel ni'pa je jeqel che i nim laj tinimiti, ajawinelab' chi kekub'i pukub'ib'al ma David chi o u'ij, ajsujul sipon, profeta xaq konojel ni'pa je jeqel pa Jerusalén.

JEREMÍAS 25:16

Are kkitu' ile kkijeq ni xab'ik rumal, xaq ke'on ni pacha ch'uj rumal i nim laj ch'oj chi kintaq b'i yin chke.”