JEREMÍAS 12:17 - Wuj Pa K'ubultzij

¹⁷ Xwiri i nim laj tinimit chi kkojon ti chwe, lik kinmich' nu b'ik, xaq lik kinsach ni uwach. Yin in Ajwal, xinb'iw ile.”

JEREMÍAS 12:17 Referans Kwoze

ISAÍAS 60:12

I tinimit chi k-on ti upatan chawij, kkam na; ronojel ni'pa i nimaq taq tinimit kewulijsax na.

2 Tesalonicenses 1:8

Te'uri kuya ni tojb'al mak chke i xkaj ti retamaxik uwach i Dios, xaq chke ile chi xkikoj ti utz laj tzij k'ak' re i Qajwal Jesús.

Lucas 19:27

Te'uri xub'ij chke: “Ni'pa i winaq chi tzel kinkilo, chi kkaj ti in o pkiwi, cheik'ama loq, xaq cheikamsaj chinwach”. Xcha i ajawinel.

Daniel 11:4

Xwiri, are o chik che uk'ijib'al, i utinimit chi o te'eq ucho'ab' pkiwi i jub'an chik tinimit, lik ksach ni uwach xaq kjach ni pa kajib' tasaj. I ucho'ab' i ajawineli lik k-ax ti chke umuq uxikin, xaq mitene i nim laj tinimit nti chik ucho'ab' pacha te'eq nab'e, man lik kjachik, i jub'an chik kki'at ni tzij puk'exel.

Ezequiel 19:12

Xwiri lik xkimich' ru' koywal, i xkik'aq pulew. I tew chi xpe prelb'al ij xuchaqijsaj, rumali xepuq uwach i uva le; xaq xechaqij i ko laj taq u'ab', i xkik'aq pa a'.

JEREMÍAS 31:28

Keje pacha xin-ano chi lik xinyijb'a wib' chusachik uwach, chuyojik, chutzaqsaxik, chuwulijsaxik, xaq chu'anik ronojel i k'ax, keje ile kinyijb'a tan chik wib' chuyakik xaq chutikik. Yin in Ajwal, xinb'iw ile.

JEREMÍAS 18:7

Lik xa juntir we xinch'ob' ub'oqik, uwulijsaxik xaq usachik uwach jun nim laj tinimit o we jun nim laj ajawinik.

ZACARÍAS 1:6

Xwiri, intzij xaq intaqanik, chi Yin inya'om te chkiqul i wajpatan chi je profeta, xeupon ku' iwatit imam yix ujer. Ike xetzalij chik wu' Yin, xketamaj chi Yin in Ajwal chi Ronojel Kintiki Che, xin-an chke pacha kmajawik rumal i anik chi xki'an ike pkik'aslemal.

ISAÍAS 41:11

Konojel ni'pa ktitat kipam chawe kekanaj ni pa k'ixb'alil xaq kqajsax ni ki'ij; ni'pa i kech'ojin chawij yet lik ksach ni kiwach konojel.

Miqueas 5:14

Keinmich' ni ache' chi lik o u'ij xaq kinsachsaj ni uwach konojel atinimit.