JEREMÍAS 10:17 - Wuj Pa K'ubultzij

¹⁷ —Yet, nim laj tinimit chi at o chupam i tapial nim uwach, chamolo b'i ub'itaq awe.

JEREMÍAS 10:17 Referans Kwoze

JEREMÍAS 6:1

¡Ix jutzob'aj re ma Benjamín chix-anmajoq, chitzukuj i k'ijib'al re tob'al ib', chixel chila pa tinimit Jerusalén! Chixut'ij i trompeta pa Tecoa, chiyaka jun ilb'al re chila Bet-haquerem, man jun uyej, jun nim laj k'ax kpe pqawi chi upetik pa moxab'.

Mateo 24:15

I profeta, ma Daniel, utz'ib'am kanoq wach kk'unik; ire xub'ij chi koksax ni jun tzel laj qajsab'al re u'ij i rachoch i Dios. Are kiwil yix ile chi ktijin uk'ulmaxik che i lo'laj k'ijib'al re i Dios, ni'pa i je o pa jyub' Judea, che'anmaj uri chwa taq jyub'. Pachin krajlaj i tziji, chuta usuk'.

Miqueas 2:10

¡Chixwalijoq! ¡Mimayij i b'e! Man iri are ti jun k'ijib'al re i uxlanb'al, man lik nim i utz taj o che, rumali lik ksachsax ni uwach ronojel.

JEREMÍAS 21:13

Tinimit chi katajawin puwi i ta'aj, pacha at nimaq taq ab'aj chwa ta'aj, yin in Ajwal, lik kinsaqij chi kinch'ojin ni chawij. Yix kib'ij: ¿Pachin wa ku'an ch'oj chqij? ¿Pachin wa ktiki che uponik k'a che i k'ijib'al ipa kqato wi qib'?

Deuteronomio 28:52

Ronojel atinimit ksutix ni rij k'a kwulijsax na li tapial chi lik naj rij xaq lik nim uwach, chi xaq akub'am te'eq ak'ux che, qatzij, ksutix ni rij atinimit xaq k-ani ni ch'oj chawij chila chwach ulew chi kuya i Ajwal chawe.