JEREMÍAS 1:17 - Wuj Pa K'ubultzij

¹⁷ Xaq yet lik cha'ana ko che awach, jat xaq chab'ij chke ronojel wach xatintaq yin chub'ixkil. Maxij awib' chke, man we kakowij ti awib' yin kin-an chawe chi lik katb'arb'at chkiwach ike.

JEREMÍAS 1:17 Referans Kwoze

1 Reyes 18:46

I ma Elías xya' ucho'ab' rumal i Ajwal, xuyijb'a rib' te'uri x-e pa'anem pa tinimit Jezreel, xaq lik nab'e ne xupon ire chwach i ma Acab.

1 Pédro 1:13

Rumali lik chixk'ask'atoq, lik chiyijb'a iwib', chiya ik'ux chu'ankil i suk'ulik. Lik chikub'a ik'ux che i utz chi kuya i Dios chiwe, keje ile k'a are kk'un chik i Jesucristo.

Lucas 12:35

Te'uri xub'ij chke: —Lik ix yij chik are kk'un i iwajwal, xaq ru' i kantil itzijom chuk'ulaxik. Chi'ana yix ix pacha ajchajal ja chi koy-em uk'unik i rajaw kichak che jun k'ulankil. Ike je yij chik chutayik are kuponik, are uri juntir kkijaq la uchija che are kki'ijla.

JEREMÍAS 23:28

¡We o jun profeta xu'an jun achik', lik chub'ij uri chi xa jun achik' xu'ano, xwiri we are intzij xb'iw che, lik utz uri utzijoxik chu'ana che! Xatab'a xaqjun uxaq k'im ru' i ch'irajil. Intzij keje pacha i a', xaq pacha jun ch'ayb'al chi ku'an ch'aqa taq che i nim laj ab'aj. Yin in Ajwal, xinb'iw ile.

ÉXODO 7:2

Yet chab'ij che awatz ma Aarón, ronojel ni'pa i kinb'ij ni chawe, are ire kub'ij ni che ma faraón chi kuya b'i chke aj Israel ke'ek.

Job 38:3

Wo'or lik chak'utu uri ukowil awach chwe, xaq chala'a uwach i tz'onb'enik chi kin-an chawe:

Hechos 20:27

man yin inb'im chik ronojel wach uch'ob'om i Dios xaq lik nti wuwam uwach chiwe.

Hechos 20:20

Xwiri, xinmayij ti utzijoxik i tzij chiwe chi lik rajwaxik che ik'aslemal, xink'ut chiwe chi taq iwachoch xaq chkiwach i winaq.

ÉXODO 3:12

I Dios xub'ij che: —Yin kink'iji ni awu' xaq are ni k'utb'al re iri chi Yin katintaq b'ik: Are je awesam chali intinimit pa Egipto, iwonojel yix kikoj ni in-ij waral chwi jyub'i.

1 Corintios 9:16

Yin kin-an ti nim che wib' rumal in ajpaxsanel i utz laj tzij k'ak' re i Dios, man kinna yin chi lik chinqul o wi ub'ixkil. ¡To' inwach yin we kinpaxsaj ti utzijol i utz laj tzij k'ak' re i Dios!

JONÁS 3:2

Jat, jat che i nim laj tinimit Nínive i chatzijoj chke wach i kinb'ij chawe.

JEREMÍAS 17:18

Cha'ana chke i je ajch'oj chwij chi ktze'ex ni kipalaj, xwiri yin cha'ana chwe chi kintze'ex taj, are ni ike chkixija kib', are ti yin. Chapetsaj i nim laj b'is pkiwi xaq lik cha'ana mutmut chke k'iyalmul.

2 Reyes 4:29

Are uri ma Eliseo xub'ij che ma Giezi: —Chayijb'a awib' xaq chayijb'a b'i inch'amiy, jat chila. We o taq kak'ulaj maya rutzil uwach; we o taq jun kuya rutzil awach, mak'am che. Are katupon chila, chaya inch'amiy chupalaj i ak'al.

1 Tesalonicenses 2:2

Xaq iweta'am are k'amaja kojupon iwu' yix, lik k'ax xkib'ij chqe, xaq lik xojkiyo'ya chila pa tinimit Filipos. Xwiri, are xojupon iwu', i Dios xuya ukowil qak'ux chub'ixkil i utz laj utzij k'ak' chiwe, tupu je k'i xkitzukuj ch'oj chqij.

2 Reyes 9:1

I ma Eliseo, chi profeta, xusik'ij jun chke i kak'al i je profeta, xub'ij che: —Chayijb'a awib' man o kat-e wi; chak'ama b'i b'axo ri chi o aceite chupam, jat chila pa tinimit Ramot chi ukwenta ulew Galaad.

2 Reyes 1:15

Are uri i ángel re i Ajwal xub'ij che ma Elías: —Jat ru', maxij awib' che. I ma Elías x-e ru' i aj-atzil ke achiyab' je yij che i ch'oj chrilik i Ajawinel.

JEREMÍAS 1:18

Yin katinkoj wo'or pacha jun tinimit sutim rij ru' tapial nim uwach, pacha jun aqan ch'ich', pacha jun tapial anch'ich' nim uwach man keje ile katak'b'a awib' chkiwach konojel i nimaq taq tinimit re i Judá: Chkiwach i ajawinelab', je aj-atzil xaq i je ajsujul sipon, xaq chkiwach konojel i tinimit.

JEREMÍAS 26:2

xub'ij che: “Chattak'al chwaja re i wachoch, ronojel ni'pa xatintaq chub'ixkil, chab'ij chke i winaq chi kek'un che i tinimit Judá chukojik u'ij i Dios prachoch. Lik maya kan jun tzij, ronojel chab'ij.

JEREMÍAS 26:12

I ma Jeremías xlapan ku' i je aj-atzil xaq ku' i winaq, xub'ij chke: “Are i Ajwal xintaqaw li chub'ixkil pub'i ire chi i rachoch i AJWALI xaq i tinimiti kya' ni k'oqb'al pkiwi, ronojel ni'pa xita chi xinb'ij.

JEREMÍAS 36:8

Are uri ma Baruc xu'an ronojel ni'pa xub'ij ma profeta Jeremías che: X-e prachoch i Dios xaq xrajlaj uwach i b'orom tz'um, chi are utzij i Ajwal.

Lamentaciones 3:57

Che i ij are katinsik'ij, katk'un wu', xaq kab'ij chwe: “Maxij awib'.”