JEREMÍAS 1:15 - Wuj Pa K'ubultzij

¹⁵ Yin, chi in Ajwal, lik kinsaqij chiwe chi keinsik'ij konojel i ajawinelab' pa moxab'. Kek'un ni i kajawinelab' xaq kkikub'a ni kikub'ib'al chi o u'ij pa okb'al che i tinimit Jerusalén, chwach ronojel ni'pa i tapial chi sutiwnaq rij xaq chkiwach konojel ni'pa i tinimit re i Judá.

JEREMÍAS 1:15 Referans Kwoze

JEREMÍAS 43:10

Xaq chab'ij chke: I Ajwal chi ronojel ktiki che, chi ki-Dios aj Israel, kub'ij: Kin-an na chi kk'un wajpatan ma Nabucodonosor, chi ajawinel re Babilonia, kinya ukub'ib'al chi o u'ij xaq kinya i saqil laj rachoch i ajawinel puja' ab'aj le chi inmuqum waral.

JEREMÍAS 25:9

keinsik'ij konojel i winaq aj pa moxab' xaq i wajpatan chi ma Nabucodonosor, chi ajawinel re i tinimit Babilonia, re kepe chu'anik ch'oj che i nim laj tinimiti, xaq konojel ni'pa je jeqel chwach xaq chkij nimaq taq tinimit chi je o naqaj. Lik kinsach ni kiwach konojel. Lik kin-an chke chi ksach ni kiwach, chi lik je xib'in ib' xaq je xib'rikil.

JEREMÍAS 9:11

Kin-an ni che i tinimit Jerusalén pacha jun t'ub'aj ab'aj, pacha kiwarb'al i tz'i aj pa taq es; i tinimit Judá kin-an ni che pacha jun tz'inilik jyub', xaq lik ktali ni kan uwach.

JEREMÍAS 4:16

Su' chisaqij chke i nimaq taq tinimit, xaq che i tinimit Jerusalén, chi che jun tinimit naj kek'un wi i je ajch'oj chkij. Kesik'in chu'anik ch'oj chkij i nimaq taq tinimit Judá.

JEREMÍAS 39:3

Xaq konojel i je rajpatan i ajawinel aj Babilonia xe'ok b'ik, xekub'i chila chwach uchija chi o pa nik'aj. Ike le, je ma Nergal-sarezer, ma Samgar-nebo, ma Sarsequim, jun nim laj aj-atzil, xaq i jun chik nim laj aj-atzil are ma Nergal-sarezer.

JEREMÍAS 10:25

Chawesaj awoywal chke i nimaq taq tinimit chi kkaj ti kketamaj awach, xaq pkiwi i tinimit chi kkikoj ti a'ij, man kisachom uwach utinimit ma Jacob, chi lik ronojel kisachom uwach xaq lik xkiya kan puyej.

ISAÍAS 22:7

I k'iyal taq ta'aj chi mas chom nojnaq che i kareta xaq i k'iyal taq kaway chi je annaq i winaq chkij, xe'ok chu'anik ch'oj chwach i okb'al re i tinimit.

Lamentaciones 5:11

Pa Sion xaq pa taq tinimit Judá, ixoqib' xaq ak'alab' altom lik xqajsax ki'ij man xechap pa cho'ab'.

JEREMÍAS 44:6

Are uri xpe jun nim laj woywal, xaq lik xjuluwik pacha i a' pa tinimit re i Judá xaq pa taq b'e re i Jerusalén, lik xewulijik k'a arewi wo'or pacha tz'inilik jyub' onom.

JEREMÍAS 34:22

Keintaq ni che chi kki'an chik ch'oj chrij i nim laj tinimiti, are ya xetiki chuk'amik te'uri kkinak' ni a' che. Xaq kin-an na chi i jub'an chik tinimit re i tinimit Judá k-on ni tz'inilik jyub' chi nti chik winaq chwach. Yin in Ajwal, xinb'iw ile.”

JEREMÍAS 33:10

I Ajwal kub'ij: “Yix kib'ij chi i k'ijib'ali lik tz'inilik, man nti winaq xaq chikop chwach; ronojel ipa taq b'e re i tinimit Jerusalén xaq i Judá lik nti chik o chwach; saq laj tzij lik k-on panoq ktataj tan chik,

JEREMÍAS 25:28

Xwiri we kkaj ti kkichap uwa'al uva muqb'am chawe re kkitu'u, chab'ij uri chke: I Ajwal chi ronojel ktiki che kub'ij: Lik rajwaxik chi kitu' na.

JEREMÍAS 10:22

¡Chita pe', xk'un jun tzijonik! Lik k'a che jun nim laj tinimit pa moxab' kpe wi jun nim laj pacha uch'awb'al ray, chi ku'an che i nim laj tinimit Judá pacha jun tz'inilik jyub', ipa ke jeqi wi i tz'i aj pa taq es.

JEREMÍAS 6:22

I Ajwal kub'ij: “K'a naj che i ulew pa moxab' o jun nim laj tinimit chi lik o ucho'ab' kuyijb'a li rib' che i petik.

JEREMÍAS 5:15

I Ajwal kub'ij: “Ix aj Israel, kink'am li jun tinimit chu'anik ch'oj chiwij chi naj kpe wi, jun tinimit chi lik o ucho'ab' xaq lik ujer laj tinimit. Yix iweta'am ti kich'ab'al xaq kita ti ub'e wach kkib'ij.

JEREMÍAS 4:6

Chiyaka i k'ul chi kuk'ut u'ij jun tzob'aj, kuk'ut b'i pa tinimit Sion; ¡Chitzukuj i k'ijib'al re tob'al iwib', mixuxlan chutzukuxik! Man pa moxab' kink'am wi li nimaq taq uyej xaq i sachanel wachij.

JEREMÍAS 13:20

Chixtaqen b'i naj xaq chiwila pe wach kik'unik i je ajch'oj chiwij chila pa moxab'. ¿Ipa je o wi i jalajuj taq chij chi kul ink'ux yin chke xaq je inya'om pa'ab', i jalajuj taq chij le are te'eq keyaw a'ij?

JEREMÍAS 34:1

Ma Nabucodonosor, chi ajawinel re i Babilonia, junam ku' i achiyab' chi je yij che i ch'oj, chi je are i winaq ke konojel ni'pa i nimaq taq tinimit re i uwach i jyub' ta'aj chi je o pu'ab' ire, ketijin chu'anik ch'oj chrij i tinimit Jerusalén xaq chkij i tinimit chi je o naqaj chke, i Ajwal xlapan ru' ma Jeremías, xub'ij che:

JEREMÍAS 46:24

I tinimit Egipto kqajsax ni u'ij, xaq ktzaq ni pu'ab' i tinimit aj pa moxab'.

Ezequiel 32:30

Chila je o wi konojel i je aj-atzil re pa moxab' junam ku' konojel aj Sidón. Lik o te'eq ki'ij xaq xe'oksan il, xwiri wo'or xeqaj pa jul re i kamik ke i je kamnaq pa ch'oj, lik ch'uqtal chik kij rumal uqajsaxik ki'ij. Lik kkikoj ti Dios, konojel je muqtalik chi lik nti ki'ij neri chkixol je kamnaq pa ch'oj, chkixol ni'pa i xeqaj pa jul.

Joel 2:20

Naj kewesaj b'i i sak' chiwe chi je k'unnaq pa moxab', keink'aq b'i pa tz'inilik jyub' chaqij. Keinji'saj ni chupam i Mar Kamnaq ni'pa i ajch'oj chi je nab'e, i jun tzob'aj chik ajch'oj chi je teren b'ik keinji'saj ni pa Mar Mediterráneo, i kich'akul lik k-ayik xaq lik k-on chu. ¡Lik kin-an ni nimaq taq b'iroxik!”

ZACARÍAS 6:6

I kareta chi jek'tal kumal i kaway eq kij k-e che i tinimit pa moxab'; i kareta chi jek'tal kumal i kaway saq kij, k-e pa tinimit puqajb'al ij; i jun chik kareta chi jek'tal kumal i kaway kaqkoj kij, k-e pa tinimit wiqab'.”