JEREMÍAS 1:14 - Wuj Pa K'ubultzij

¹⁴ Are uri i Ajwal xub'ij chwe: “Lik k'a chila pa moxab' ktix wi li tojpen pkiwi konojel i winaq re i nim laj tinimiti.

JEREMÍAS 1:14 Referans Kwoze

JEREMÍAS 10:22

¡Chita pe', xk'un jun tzijonik! Lik k'a che jun nim laj tinimit pa moxab' kpe wi jun nim laj pacha uch'awb'al ray, chi ku'an che i nim laj tinimit Judá pacha jun tz'inilik jyub', ipa ke jeqi wi i tz'i aj pa taq es.

JEREMÍAS 6:1

¡Ix jutzob'aj re ma Benjamín chix-anmajoq, chitzukuj i k'ijib'al re tob'al ib', chixel chila pa tinimit Jerusalén! Chixut'ij i trompeta pa Tecoa, chiyaka jun ilb'al re chila Bet-haquerem, man jun uyej, jun nim laj k'ax kpe pqawi chi upetik pa moxab'.

JEREMÍAS 4:6

Chiyaka i k'ul chi kuk'ut u'ij jun tzob'aj, kuk'ut b'i pa tinimit Sion; ¡Chitzukuj i k'ijib'al re tob'al iwib', mixuxlan chutzukuxik! Man pa moxab' kink'am wi li nimaq taq uyej xaq i sachanel wachij.

ISAÍAS 41:25

Xin-ano chi xwinaqir jun achi prelb'al ij, xinsik'ij ru' ub'i are uri xupon pa moxab'. Keuya'ya i atol taq tzij che aqan pacha taq xo'ol ku'an chke; pacha ku'an aj-anol b'oj chi kuyot' upam i xo'ol ru' raqan.

Ezequiel 1:4

Are uri xwilo chi pa moxab' petnaq jun nim laj jab' tew upam; che jun nim laj sutz' kel jun a' chi lik kreplajik, xaq chrij chwach lik ktzijtzat uwalch'inik. Punik'aj i a' kwalch'in jun b'iroxik chi pacha ch'ich' krepratik.

JEREMÍAS 50:41

Lik k'a naj che i ulew pa moxab', jun nim laj tinimit chi ronojel ktiki che, xaq lik je k'iyal taq rajawinelab' kkiyijb'a kib' re kepe pa ch'oj.

JEREMÍAS 50:9

Kin-an na chi jun tzob'aj tinimit chi lik o kicho'ab' chi aj pa moxab' kki'an ni ch'oj chrij i tinimit Babilonia. Kkitus nu b'i kib' xaq lik kkich'ak na. Lik are achiyab' chi je yij che i ch'oj, chi are kk'aq i kich'ab' lik kemajanik.

JEREMÍAS 46:20

I tinimit Egipto keje pacha jun chom laj b'akil, xwiri kk'un uch'opixik rumal jun iskatz re pa moxab'.

JEREMÍAS 31:8

Kixintzalijsaj chal che i k'ijib'al chi o pa moxab', kinmol ni ichi' kixink'ama na li che i k'isb'al taq rokraq re uwach i jyub' ta'aj. Xaq ku' ike le kepe ni i ketzun taj xaq i kejetz'pinik, ixoqib' chi je raxwinaq xaq ni'pa i je alannaq chik; ¡lik je k'i i winaq ketzalij ni chaloq!

JEREMÍAS 6:22

I Ajwal kub'ij: “K'a naj che i ulew pa moxab' o jun nim laj tinimit chi lik o ucho'ab' kuyijb'a li rib' che i petik.

ISAÍAS 14:31

¡Lik chixo' yix chi ix re i tinimit Filistea, chixsik'in rumal uk'axk'ol, lik chixsiksat rumal i xib'rikil! Man pa moxab' kpe wi julemaj achiyab' chi je yij che i ch'oj, lik kelememik pacha sib' xaq pacha sutz', lik mijun achi kel pucholajil.

JEREMÍAS 11:17

Yin in Ajwal chi ronojel kintiki che, chi xattikawik, intaqom uqajik i k'ax pawi rumal i mak atzalal chi ki'anom i aj Israel xaq aj Judá, man kiqajsam in-ij rumal kkiporoj pom chwach i dios Baal.

JEREMÍAS 47:2

Yin in Ajwal, kinb'ij: Pa moxab' kupon ni jun nim laj ya chi kunojsaj uwach i k'ijib'al le, pacha jun nim laj raqana chi elnaq chik puk'ijib'al; kunojsaj ni i tinimit che i ya xaq ronojel ni'pa o chwach, pa nimaq taq tinimit xaq ni'pa je jeqel chwach. Konojel i winaq re i tinimit kesik'inik, i winaq kesik'in ni che o'ej rumal i k'ax.

Ezequiel 24:3

Chab'ij che i qelqel laj tinimit le jun chomalil tzij chi kajwax che re kunawsaj rib', chab'ij che pinb'i: Chaya jun b'oj chwi a' xaq chaya i ya chupam;

Joel 2:20

Naj kewesaj b'i i sak' chiwe chi je k'unnaq pa moxab', keink'aq b'i pa tz'inilik jyub' chaqij. Keinji'saj ni chupam i Mar Kamnaq ni'pa i ajch'oj chi je nab'e, i jun tzob'aj chik ajch'oj chi je teren b'ik keinji'saj ni pa Mar Mediterráneo, i kich'akul lik k-ayik xaq lik k-on chu. ¡Lik kin-an ni nimaq taq b'iroxik!”

ZACARÍAS 6:6

I kareta chi jek'tal kumal i kaway eq kij k-e che i tinimit pa moxab'; i kareta chi jek'tal kumal i kaway saq kij, k-e pa tinimit puqajb'al ij; i jun chik kareta chi jek'tal kumal i kaway kaqkoj kij, k-e pa tinimit wiqab'.”

JEREMÍAS 25:9

keinsik'ij konojel i winaq aj pa moxab' xaq i wajpatan chi ma Nabucodonosor, chi ajawinel re i tinimit Babilonia, re kepe chu'anik ch'oj che i nim laj tinimiti, xaq konojel ni'pa je jeqel chwach xaq chkij nimaq taq tinimit chi je o naqaj. Lik kinsach ni kiwach konojel. Lik kin-an chke chi ksach ni kiwach, chi lik je xib'in ib' xaq je xib'rikil.