ISAÍAS 8:4 - Wuj Pa K'ubultzij

⁴ Man chuxe'el are k'amaja ktiki i ak'al chub'ixkil tat xaq nan; i Damasco xaq i Samaria lik kjok nu b'i ni'pa o ku' xaq ronojel i ub'eyomal kk'am nu b'i che i ajawinel aj Asiria.

ISAÍAS 8:4 Referans Kwoze

Romanos 9:11

I Dios xu'ul jun chke i keb' ak'alab' le are k'amaja kealaxik. Ike ki'anom ti utz xaq ki'anom ti utz taj, xwiri i Dios reta'am kicha'ik chkixol i winaq pachin i kraj ire; are ti pacha kki'an i winaq. Keje iri xub'ij i Dios che i kichuch i keb' ak'alab' le: Are awak'al atz ke'eloq ajchak chrij i ch'utin; xb'ix che. Xaq kub'ij uwuj i Dios: K'ax xinna i a Jacob, chi cha'xel, i xinxutuj i ma Esaú. Keje ile xub'ij i Dios.

JONÁS 4:11

Lik kmajawik chi kwil ni tob'al uwach i tinimit Nínive, man che i nim laj tinimit le je o mas che jo'lajujchiy (120,000) ak'alab' chi nti kimak xaq je o uk'iyal taq chikop.

2 Reyes 17:3

Ma Salmanasar, chi ajawinel re i tinimit Asiria, xu'an ch'oj chrij ma Oseas, keje uri ile chi ma Oseas le x-on ajpatan chrij ma Salmanasar xaq xutoj alkawal che.

2 Reyes 16:9

Are uri i ajawinel le xu'ano wach xtz'onox che, rumali xuyijb'a jun ch'oj chkij i winaq chi je o chila pa tinimit Damasco xaq xtiki chuk'amik kan ulew le. Chrijil chik ile xeroqtaj b'i konojel i winaq chi je o chila che i tinimit le, xeresaj b'i chila che jun tinimit chi Kir ub'i, chrijil chik ile xukamsaj ma Rezín.

2 Reyes 15:29

Che taq ij re rajawinik ma Peka pa tinimit Israel, xupon ma Tiglat-pileser, chi ajawinel re i tinimit Asiria. I ajawinel le, xumaj i tinimit Ijón, Abel-bet-maaca, Janoa, Cedes, Hazor, Galaad, Galilea xaq ronojel ulew Neftalí; konojel i winaq xeuk'am b'i prexil pa tinimit Asiria.

Deuteronomio 1:39

Tupu yix xikojo chi kmaj b'i iwak'al xaq iwixoqil chiwe kumal i je ajch'oj chiwij, xwiri are ni ak'alab' ile chi k'amaja kkita ub'e, are ke'ok nu b'i che ulew le; Yin lik kin-an na chi ke ike na.

ISAÍAS 17:3

I ma Efraín, chi lik are te'eq u'ij i tinimit Israel, kkanaj na chi nti chik tapial nim uwach chrij utinimit; xaq keje kuk'ulmaj ni i Damasco ile ru' ni'pa k'a o te'eq pa Siria, lik k'ijib'al ti chik ipa k-at wi i tzij. Keje ile xub'ij i Ajwal chi ronojel ktiki che.

ISAÍAS 8:5

Xaq xub'ij tan chik i Ajwal chwe:

ISAÍAS 17:1

Tzijonik chrij i Damasco: I tinimit Damasco ksach ni uwach; lik kkanaj na pacha uk'iyal ja wulijnaq.

AMÓS 1:3

Keje iri kub'ij i Ajwal: “I je aj Damasco ki'anom k'iyal taq mak atzalal chi lik kinmayij ti uya'ik utojb'alil chke; man xekiwach'wa i je aj Galaad ru' wach'b'al re ch'ich'.

ISAÍAS 28:4

I chom laj retz'b'alil i kotz'ij le chi matz'krijnaq chi kyak chikaj rumal i chom laj ta'aj, are pacha nab'e taq uwach tikon pu'ijlal i molonik, chi we k-iltaj rumal i jun, xaq we o pu'ab', kutij b'ik.

AMÓS 1:5

Kinjaq ni uchija re Damasco ru' cho'ab'; kinsach ni uwach i krajawin chwach i ta'aj re i Avén xaq i krajawin pa Bet-edén, i aj Siria ke'elsax ni chwach i kulew xaq kek'am nu b'i pa Kir.” Are i Ajwal kb'iwik.