ISAÍAS 7:3 - Wuj Pa K'ubultzij

³ Are uri i Ajwal xub'ij che ma Isaías: Chak'ama b'i ak'ojol a Sear-jasub xaq jat chuk'ulaxik i ajawinel ma Acaz chutzam i k'olb'al ya chi o ajsik, pa b'e chi k-e pa rulew ajch'ajol k'ul.

ISAÍAS 7:3 Referans Kwoze

ISAÍAS 36:2

Lik k'a chila pa Laquis xutaq b'i jun nim laj ajpatan, ru' k'iyal taq achiyab' chi je yij che i ch'oj, chrilik i ajawinel ma Ezequías chila pa Jerusalén, xkiya kib' chunaqaj ub'e i ya re i nim laj k'olb'al ya, pa b'e chi k-e pa taq es chi Ch'ajb'al K'ul ub'i.

2 Reyes 18:17

Chrijil chik ile i ajawinel re i tinimit Asiria xutaq b'i jun ajpatan chi atz u'ij, jun aj-ok'al utzam chi kul uk'ux che, xaq jun chik ajpatan chi atz u'ij. Ike le xenab'ej b'i chkiwach jub'an achiyab' chi je yij che i ch'oj, xeik'aw Laquis, xe'e k'a Jerusalén anb'al ch'oj. Are xeupon Jerusalén xe'uxlan chila chuchi' i toma chi kpe chupam i k'olb'al ya chila ajsik, che i b'e chi k-e pa k'ijib'al chi “Ch'ajb'al k'ul” ub'i.

Romanos 9:27

Xaq i mam Isaías ujer xutz'ib'aj i tziji chkij i aj Israel: Israel winaq, tupu je k'i pacha uk'iyal seneb' chuchi' i mar, xwiri ne te k'i ketotajik,

ISAÍAS 6:13

Xwiri we k'a xekanaj kan lajuj che i jo'winaq (100) chke i winaq pa tinimit, lik ksachsax chik uri kiwach pacha uk'atzixik jun che' b'aqit o xaq pacha jun sik'al chi xwi chik ukutamil kkanaj kanoq.” (Xwiri che i kutam le kel li jun utux chi lik o u'ij.)

JEREMÍAS 22:1

I Ajwal xub'ij chwe: “Jat pa nim laj rachoch i ajawinel xaq chaya i tzijoniki

ISAÍAS 55:7

I utz ti laj winaq chro'taj kan ub'e, i jun chi xaqmanal ku'ano chro'taj kan i utz ti laj taq no'oj; chixtzalij chal ru' i Ajwal man Ire kril ni tob'al iwach yix, chixtzalij chik ru' i Dios chi lik utz uk'ux chukuyik qamak.

ISAÍAS 10:21

Keb' oxib' panoq chke utinimit ma Jacob ketzalij chik ru' i Dios, chi mijun ktiki chuch'akik.

2 Reyes 20:20

I jub'an chik lapanik chrij uk'aslemal ma Ezequías xaq ronojel ni'pa xu'ano, wach u'anik i k'olb'al ya xaq i toma re k'amb'al b'i re i ya pa tinimit, tz'ib'tal chupam i wuj crónicas ke i ajawinelab' aj Judá.

ÉXODO 7:15

Rumali chweq we' jat chik ru', chawoy-ej are kqaj chila chi raqana Nilo. Xwiri msach chak'ux kak'am b'i ach'amiy chi xyiji che i kumatz.

NEHEMÍAS 3:16

Ma Nehemías, chi uk'ojol ma Azbuc, chi aj-ok'al utzam che i nik'aj tinimit Bet-sur, xuyijb'a juperaj chik che i tapial chi nim uwach, xupon chwach i muqb'al kamnaq re ma David, xupon chila pa k'olb'al ya xaq xupon k'a chila ipa o wi kachoch i achiyab' chi je yij che i ch'oj.

2 Reyes 16:1

Che i wuqlajuj junab' re rajawinik ma Peka, chi uk'ojol ma Remalías, xujeq ajawinik ma Acaz, chi uk'ojol ma Jotam pa tinimit Judá.

ISAÍAS 22:10

Xkisolij i k'iyal taq ja re i tinimit Jerusalén xaq xkiwulijsaj jujun, re kkiyijb'a i tapial nim uwach yab'al ucho'ab'.

ISAÍAS 22:11

Chuxol i keb' tapial nim uwach xki'an jun k'otom k'olb'al re i ya chi o chupam i nim laj k'olb'al ya chi ax o wi. Xwiri xkikoj ti retalil pachin x-anaw ronojel ni'pa i jub'an chi lik ujer antalik.