ISAÍAS 7:1 - Wuj Pa K'ubultzij

¹ I ajawinel re i tinimit Siria, chi are ma Rezín, xaq i ajawinel ke aj Israel, chi ma Peka ub'i, uk'ojol ma Remalías, xe'e chu'anik ch'oj chkij aj Jerusalén xaq xkaj umajik xwiri xetiki taj. Ile xuk'ulmaj are o ma Acaz pa ajawinel puwi i tinimit Judá, i ma Acaz le uk'ojol ma Jotam xaq ri umam ma Uzías.

ISAÍAS 7:1 Referans Kwoze

2 Reyes 15:37

Che taq i ij le, i Ajwal xujeq utaqik b'i ma Rezín, chi ajawinel re i tinimit Siria, xaq ma Peka, chi uk'ojol ma Remalías, chu'anik ch'oj chrij i tinimit Judá.

2 Reyes 16:1

Che i wuqlajuj junab' re rajawinik ma Peka, chi uk'ojol ma Remalías, xujeq ajawinik ma Acaz, chi uk'ojol ma Jotam pa tinimit Judá.

ISAÍAS 8:6

Man rumal kixib'rikil che ma Rezín xaq che uk'ojol ma Remalías i winaq le kkik'aq b'i u'ij i ya Siloé chi kok'il kb'inik,

ISAÍAS 1:1

Tzijonik re i Ajwal chi xub'ij ma Isaías uk'ojol ma Amoz, ile xb'ix che rumal i Dios chupam jun ilik pa wachij wach kuk'ulmaj i tinimit Judá xaq i Jerusalén che taq i ij re rajawinik ma Uzías, ma Jotam, ma Acaz xaq i ma Ezequías chila pa Judá.

2 Reyes 15:25

Xwiri jun rajpatan chi ma Peka ub'i, chi uk'ojol ma Remalías, xu'an ch'oj chrij ma Pekaía, xu'an k'ax che xaq xukamsaj chila pa Samaria chupam i nim laj rachoch i ajawinel, junam ku' lajuj kawinaq (50) achiyab' chi je aj Galaad, xkikamsaj xaq xkanaj ire pa ajawinel puk'exel.

2 Reyes 15:27

Che i kab'lajuj kawinaq (52) junab' rajawinik ma Azarías pa tinimit Judá, xujeq ajawinik ma Peka, chi uk'ojol ma Remalías, pa tinimit Israel. Juwinaq junab' xrajawin pa tinimit Samaria.

2 Reyes 16:5

Che taq i ij le, ma Rezín, chi ajawinel re i tinimit Siria, xaq ma Peka, chi uk'ojol ma Remalías, chi ajawinel re i tinimit Israel, xe'e pa Jerusalén chu'anik ch'oj chrij. Lik xkisutij rij ma Acaz, xwiri xetiki ti kan chumajik i nim laj tinimit.

ISAÍAS 9:11

I Ajwal xu'ano chi xepe jub'an itzel laj taq ajch'oj; lik are Ire je utaqom chu'anik ch'oj.

Ezequiel 27:16

I tinimit Edom xaq klo'on awu' rumal uk'iyal uwach taq ak'ay: Chwach ak'ay kkiya i ab'aj granate, xaq i k'ul t'isom kaqxar, k'ul re lino, chomiq taq ab'aj coral xaq i rubí.

Oseas 1:1

Iri are i tzijonik chi xub'ij i Ajwal che ma Oseas chi rak'al i ma Beeri che taq i ij re ajawinik re i ma Uzías, ma Jotam, ma Acaz xaq ma Ezequías, ajawinelab' re i tinimit Judá, xaq che taq i ij re ma Jeroboam, rak'al i ma Joás, ajawinel re i tinimit Israel.

Miqueas 1:1

Iri are i tzijonik chi Ajwal xub'ij che ma Miqueas re i tinimit Moreset chi xaq xuk'ut che puwach chrij i tinimit Samaria xaq i tinimit Jerusalén, che taq i ij chi ma Jotam, ma Acaz xaq ma Ezequías kerajawin pa tinimit Judá.