ISAÍAS 3:1 - Wuj Pa K'ubultzij

¹ ¡Lik chita ub'e! I Ajwal chi ronojel ktiki che, kresaj ni tinimit Jerusalén xaq i Judá pi'ab', xaq ronojel ni'pa i b'eyomal xaq ronojel ni'pa iwa xaq iya'.

ISAÍAS 3:1 Referans Kwoze

LEVÍTICO 26:26

Xaq kin-an ni chiwe chi kixu'on ti wach i kitijo, man lajuj ixoqib' kkicha'saj ni i wa re trigo chupam jun orno, xaq kkiya ni iwe yix xwiri lik kixnoj taj.

Ezequiel 14:13

We jun nim laj tinimit kmakun chinwach Yin xaq kkojon ti chwe, Yin lik kinyak ni in-ab' puwi re yab'al utojb'alil umak, xaq kinya ti chik che ni'pa i rajwaxik re kutijo; kintaq na li wa'jal puwi ire, xaq kin-an na chi kekam i winaq xaq i chikop.

ISAÍAS 1:24

Rumali i Ajwal chi ronojel ktiki che, chi o Ucho'ab' ke aj Israel, kub'ij iri: ¡Chimayij ile! Yin kinla' ni uwach chke ajch'oj chwij. Lik kwesaj ni woywal chke.

JEREMÍAS 38:9

—Nim laj ajawinel, i achiyab' le lik utz ti xki'an che ma Jeremías. Man xkimin chupam jun k'otom chaqij, xaq chila kkam ni rumal i numik man nti chik wa re trigo pa nim laj tinimit.

JEREMÍAS 37:21

Are uri i ajawinel, chi ma Sedequías, xub'ij chi ma Jeremías kkanaj prexil chwaja ipa je o wi ajchajinelab' xaq ij ij kkik'am b'i jun ukaxlanwa chi kek'am chila che i b'e ke i aj-anol kaxlanwa. Keje iri x-antaj na tz'aqat lik o kaxlanwa pa tinimit le. Keje uri ile chi ma Jeremías xkanaj kan chwaja ipa je o wi i ajchajinelab'.

ISAÍAS 51:22

i Awajwal Dios, chi kuto utinimit, keje iri kub'ij: Kinmaj ni i tu'b'al chom pa'ab' chi xat-ab'ar rumal; lik mijuyak katu' chik i uwa'al uva muqb'am chupam i tu'b'al chom re woywal.

ISAÍAS 36:12

Xwiri i ajpatan aj Asiria xub'ij: —Che ti rajaw achak, xaq chiwe ti yix xinutaq wi li ajawinel chub'ixkil i tziji. Lik chke i winaq chi je o puwi i tapial nim uwach, man ike xaq i yix lik kitij ni iwachaq xaq kitu' ni ichul.

ISAÍAS 5:13

Rumal ile chi kkaj ti kkita ub'e, intinimit ke'elsax b'i pa cho'ab' chwach kulew. Konojel i winaq junam ku' i kaj-atzil kekam ni rumal i numik xaq i k'atik.

ISAÍAS 2:22

Chimayij ukub'axik ik'ux chke i winaq, man lik nti pich' ki'ij. I uk'aslemal i winaq lik xa jun jek'aj uxlab'.

Salmos 105:16

I Dios xuya li jun nim laj numik chwach ulew man xusach uwach ronojel i kitikon.

ISAÍAS 3:16

I Ajwal keje iri kub'ij: I ixoqib' aj Sion, chi lik nim kki'an che kib', chi kiyakom kipalaj chikaj, kkirutz'ij kib'a'wach, kok'il keb'inik xaq kki'an che i retz'b'alil kaqan chi ketzinlajik,

JEREMÍAS 52:3

Rumali i Ajwal xmi' roywal che i tinimit Jerusalén, xaq che i tinimit Judá, rumali xeresaj b'i chwach. Chrijil chik ile i ma Sedequías xuqel i ajawinel re i tinimit Babilonia.

JEREMÍAS 52:6

Che i b'elejeb' ij, re ukaj ik', che i junab' le xk'iyar i wa'jal pa tinimit, i winaq lik nti chik o ku' re kkitijo.

Lamentaciones 5:4

¡I qaya' lik kqalo'o; i qasi' lik kqatojo!

AMÓS 4:6

“Yin xin-an chiwe chi kitij i numik che ronojel i nimaq taq itinimit; yin xin-ano chi ksach uwach ronojel ni'pa tijawik kraj che ronojel i tinimit. ¡Xwiri yix xixtzalij ti chik wu'!” Are i Ajwal xub'ij ile.

Miqueas 4:9

Wo'or ut, ¿B'uchak katsik'inik keje pacha jun ixoq chi ya kk'iji rak'al? ¿Xatab'a rumal nti ajawinel re katok'awik? ¿O moqxa rumal je kamnaq i keyaw anojb'al?

2 Reyes 25:3

Che i b'elejeb' ij re ukaj ik', che i junab' le, lik mas i numik xpe pa nim laj tinimit, i winaq lik nti chik o ku' re kkitijo.