ISAÍAS 26:5 - Wuj Pa K'ubultzij

⁵ Ire keutzaqsaj ni ni'pa kki'an nim che kib', xaq kuqajsaj ni u'ij jun qelqel laj tinimit, keutzaqsaj ni k'a pa taq ulew.

ISAÍAS 26:5 Referans Kwoze

Apocalipsis 18:2

Ire xsik'in chub'ixkil: “¡Ya wulijnaq chik i tinimit; ya wulijnaq chik i nim laj tinimit Babilonia! ¡Wo'or xa itzel taq tew je jeqel chila, xa kik'ijib'al chik itzel taq tew xa kik'ijib'al chik i itzel taq tz'ikin, xaq xa kik'ijib'al chik itzel taq chikop ch'am taj xaq lik tzel ke'ilik.

JEREMÍAS 51:37

lik kkanaj na pacha jun k'ijib'al wulijnaq, chi lik kik'ijib'al chik tz'i aj pa taq es, lik are jun k'ijib'al chi lik mijun winaq kjeqi chik chwach, konojel kkixij ni kib' che ru' jun nim laj xib'rikil.

JEREMÍAS 51:64

te'uri chab'ij: Keje umuqtajik b'i tinimit Babilonia ile, xaq lik kyaktaj ti chik che i k'ax chi Ajwal kutaq li puwi.” Chi kk'is wi utzijonik ma Jeremías.

ISAÍAS 13:11

I Ajwal kub'ij: Kinya ni tojb'alil pkiwi i winaq chwach i jyub' ta'aj rumal kimak, man lik kinya ni utojb'alil chke i utz ti laj taq winaq rumal i utz taj chi kki'ano, kink'is ni kiwach i winaq chi kki'an nim che kib' rumal ukojik ki'ij, kinqajsaj ni ki'ij i winaq chi lik je b'uy, xaq i je k'an laj taq winaq.

ISAÍAS 47:1

Chatqaj loq, at apoj laj tinimit Babilonia, chi k'amaja awachijil, xaq chatkul puk'aj ulew; chatqaj loq chawo'taj kan akub'ib'al chi o u'ij, apoj laj tinimit Caldea xaq chatkul pulew, man ya kkib'ij ti chik chawe ch'u' xaq chom.

ISAÍAS 32:19

tupu i nimaq taq che' chettal b'ik xaq we qajsam u'ij i tinimit.

ISAÍAS 14:13

Kach'ob' te'eq pajolom: Kinel b'i k'a chikaj, kinkub'a inkub'ib'al chi o u'ij pkiwi uch'umil i Dios, kinkub'i chila k'a naj pa moxab', puwi i jyub' ipa kkimol wi kib' i k'iyal taq dios.

ISAÍAS 2:12

Che taq i ij chi Ajwal chi ronojel ktiki che are ku'an ni ch'oj chkij konojel i winaq chi kkikoj ki'ij, xaq kki'an nim che kib' re qajsab'al ki'ij;

Salmos 79:8

Maya utojb'alil kimak i qatit qamam pqawi yoj; ¡Lik juntir chataqa li rutzil ak'ux pqawi man lik oj o pa k'ax!

ISAÍAS 25:2

Xa'an che i k'iyal taq tinimit chi pacha t'ub'ulaq taq ab'aj, xaq i tinimit chi sutim rij ru' tapial nim uwach x-on che chi pacha wulijnaq taq ja, xawulijsaj i nimaq taq kachoch i ajawinelab' chi je ajch'oj chqij, xaq lik kyaki ti chik.

Lamentaciones 2:2

I Ajwal lik mixatjun ja xuya kanoq re ma Jacob, ronojel xuwulijsaj; lik ru' jun jo'taj tan re roywal xuwulijsaj ukowil i chom laj tinimit Judá; lik xeuqajsaj pulew, uqajsam ki'ij i ajawinik xaq aj-ok'al utzam i jalajuj taq tinimit.

Ezequiel 26:11

I kisapak kaway kkiya'ya ni xol taq ab'e. Kukamsaj ni atinimit ru' ch'ich' chi k'ulala o uware, xaq kuk'aq ni pulew ni'pa taq i kuya ucho'ab' awachoch.

ISAÍAS 24:10

I tinimit chi yij taj wach i ku'ano lik wulijnaq, man k-ani ti okik che jun ja.

Ezequiel 28:17

I achomal lik xu'an nim chawe; i awalch'inik xusach uwach anojb'al. Yin xatinjab'ij li pulew, lik xatinya pa k'ixb'alil chkiwach i ajawinelab'.