ISAÍAS 21:1 - Wuj Pa K'ubultzij

¹ Tzijonik re i Ajwal chrij i tz'inilik jyub' chaqij: Pacha jun tew jab' chi kpe pa wiqab'im, kpe pa tz'inilik jyub' chaqij chi are jun k'ijib'al xib'in ib'.

ISAÍAS 21:1 Referans Kwoze

ISAÍAS 14:23

Kin-an ni jun semsik ak'al che, jun k'ijib'al ke i tukur. Kinmes ni upam ru' i mesb'al sachanel wachij.” Are i Ajwal chi ronojel ktiki che xb'iw iri.

JEREMÍAS 51:42

I mar lik xumuq b'i tinimit Babilonia, lik xuch'uq ru' nimaq taq ub'olol.

ISAÍAS 13:1

Tzijonik re i Ajwal chkij aj Babilonia, chi xya' retamaxik che ma Isaías chi uk'ojol ma Amoz.

ZACARÍAS 9:14

I Ajwal kuk'ut ni rib' puwi utinimit; kuk'aq na li uch'ab' pacha ray. I Ajwal Dios kuch'awsaj ni trompeta xaq k-e b'i chupam i uch'awb'al ray pa wiqab'.

ISAÍAS 17:1

Tzijonik chrij i Damasco: I tinimit Damasco ksach ni uwach; lik kkanaj na pacha uk'iyal ja wulijnaq.

Daniel 11:40

Are kuriq i k'isb'al ij, i ajawinel re pa wiqab' ku'an ni ch'oj chrij i ajawinel re pa moxab'; xwiri ire kel nu b'i chuk'ulaxik chi pacha taq jun tew jab', ktzaq ni puwi i wiqab', chi lik knoj ni i tinimit che i ch'ich' re i ch'oj, ajch'oj rij taq kaway xaq uk'iyal taq barco.

Ezequiel 31:12

Je are mas utz ti laj taq winaq chi je aj naj kkik'atzij kanoq; kkiya kan chila i u'ab' patz'tajnaq chik ketzaq na li chwi taq jyub', chwi taq ta'aj xaq pa taq siwan re i tinimit, xaq konojel i tinimit chi je jeqel te chuxe' umujal ke'anmaj na i kko'taj kanoq.

Ezequiel 30:11

Ire k-e ni ku' i achiyab' chi je yij che i ch'oj, chi lik je are mas je itzel laj taq winaq, chusachsaxik uwach i tinimit. Kki'an ni ch'oj chkij i tinimit Egipto ru' kich'ich' chi k'ulala o uware, xaq lik kkinojsaj ni kan i tinimit chke i kamnaq.

Job 37:9

Pa wiqab' kpe wi jun nim laj jab' tew upam, xaq pa moxab' kpe wi jun nim laj tew chi lik joron.

ISAÍAS 5:28

Lik jutzutz utzam i ch'ab' xaq ronojel i k'aqb'al kich'ab' lik ko. I kisapak i kikaway lik ko pacha i ab'aj, xaq lik pacha kaqsut i sotsaq re b'inb'al kich'ich'.

Ezequiel 1:4

Are uri xwilo chi pa moxab' petnaq jun nim laj jab' tew upam; che jun nim laj sutz' kel jun a' chi lik kreplajik, xaq chrij chwach lik ktzijtzat uwalch'inik. Punik'aj i a' kwalch'in jun b'iroxik chi pacha ch'ich' krepratik.

Ezequiel 38:9

Katupon ni yet pacha jun nim laj sutz' ch'uqb'al re i tinimit, xaq ka'an ni ch'oj chrij pacha jun nim laj jab' junam ku' awajch'oj xaq ni'pa taq uk'iyal i tinimit.

ISAÍAS 13:13

Are uri i kaj kyikyat na xaq i jyub' ta'aj kel ni puk'ijib'al rumal woywal chi o che i ij le, rumal ujuluwik i woywal.

ISAÍAS 14:1

Saq laj tzij, i Ajwal kril ni tob'al uwach ma Jacob. Te'uri kekanaj chik aj Israel pu'ab' chi je u'ulum, xaq ku'an ni chke aj Israel le chi ketzalij chik pa jeqelem chwach i kulew. I winaq je aj naj ketejeb' ni ku' ike, kki'an ni junam che kib' ru' utinimit ma Jacob.

ISAÍAS 14:14

Kinel b'i mas k'a naj che i sutz' chi lik naj o wi, lik kin-on na pacha i Nim laj Dios.

ISAÍAS 47:1

Chatqaj loq, at apoj laj tinimit Babilonia, chi k'amaja awachijil, xaq chatkul puk'aj ulew; chatqaj loq chawo'taj kan akub'ib'al chi o u'ij, apoj laj tinimit Caldea xaq chatkul pulew, man ya kkib'ij ti chik chawe ch'u' xaq chom.

JEREMÍAS 51:1

I Ajwal kub'ij: Kintaq nu b'i jun nim laj tew re kuk'is kiwach aj Babilonia xaq aj Caldea.

JEREMÍAS 51:51

Yix kib'ij: “Kqana i k'ixb'alil are kqata wach i utz ti laj taq tzij chi kkib'ij chqij. I uqajsaxik qa'ij k-aljin che i qapalaj, man i winaq aj naj je oknaq chupam i k'ijib'al chi lik ch'am prachoch i Dios.”