ISAÍAS 15:3 - Wuj Pa K'ubultzij

³ O i winaq ke'e pa taq b'e ru' ki'u' chi lik as, xaq o i winaq kesik'in rumal uk'axk'ol i k'ax puwi i kachoch. Pa taq k'eb'al konojel i winaq lik kkitz'uyunej xaq lik kkiyitz' uwa'al kiwach.

ISAÍAS 15:3 Referans Kwoze

Mateo 11:21

“¡To' iwach yix, ix aj tinimit Corazín! ¡To' iwach yix, ix aj tinimit Betsaida! Man wetene in-anom uk'iyal nim laj il chila pa Tiro xaq pa Sidón pacha in-anom iwu' yix, ike uri ya kijalwachim teneri chik i kik'aslemal. Xaq kikojom ti neri ki'u' as xaq chaj pkija' k'utb'al re i kimak.

JEREMÍAS 19:13

I ja pa taq tinimit Jerusalén, xaq i nimaq taq kachoch i ajawinelab' pa Judá xaq uwi ukale ja ipa ksujux wi pom chke konojel ni'pa i ch'umil chwa taq kaj, xaq kkijam wi i uwa'al uva muqb'am re kisipon chke i jub'an chik dios, lik kekanaj na chi lik je ch'am taj, lik keje pacha i Tofet.”

ISAÍAS 22:4

Rumali xinb'ij: Chixel chinwach man kwaj kinsik'in che o'ej, mikub'saj taq ink'ux rumal wach i k'ax kutij intinimit.

ISAÍAS 22:1

Tzijonik re i Ajwal chrij i ta'aj ipa kb'ix wi xaq k-il wi wach kk'ulmaxik: ¿Wach ktijin uk'ulmaxik chi konojel ke'el b'i puwi i ja le?

ISAÍAS 15:2

I winaq aj pa Dibón ke'el b'i pa o'ej prachoch i Dios chi o tzam jyub'. I je aj Moab kkitz'uyunej ni usachik uwach i tinimit Nebo xaq i Medeba. Konojel ki'anom tz'um che kijolom xaq kesam i kismachi'.

2 Reyes 6:30

I ajawinel le are xuta wach taq xuk'ulmaj i ixoq, are uri xuraqch'ij u'u' rumal i roywal. Konojel i winaq xkinab'ej chi ajawinel le xukoj u'u' as, man tak'al li puwi i tapial chi nim uwach.

2 Samuel 3:31

Chrijil chik ile ma David xuya jun taqanik che ma Joab xaq chke konojel ni'pa je teren chrij ma Joab le: “Chiraqch'ij i u'u xaq chikojo jun chik i'u' chi lik as xaq chixb'ison rumal ukamik ma Abner.” I Ajawinel ma David xterej b'i chkij i je ok'awnaq b'i kamnaq.

Deuteronomio 22:8

We o jun chiwe yix kuyak jun rachoch k'ak', rajwaxik uri chi kukoj atb'al che ronojel uchi' man keje ile we o taq jun xtzaq loq k-ab'taj ti uri chkij ralk'uwal.

Santiágo 5:1

Yix ix b'eyomab', ¡Chita iri! Chixo'oq xaq chixsik'inoq rumal i k'ax kpe ni piwi.

1 Samuel 5:12

I kisik'inik i winaq re i tinimit kupon k'a chikaj rumal uk'axk'ol, man lik chaqchik sipoj che i kich'akul konojel i je kamnaq taj.

ISAÍAS 3:24

Puk'exel i kunb'al muy kk'iji ni chuyil, puk'exel i ximb'al pamaj kk'iji ni ch'aqap laso; puk'exel i chom laj uyijb'axik wi'ij ku'an ni tz'um pkija'; puk'exel i k'ul chi paqalik kk'iji ni i k'ul chi lik as; puk'exel i chomalil k-on ni yuk rumal uk'aton jun ch'ich' k'atan pa a'.

JEREMÍAS 48:37

Konojel i winaq is kisolom b'i kiwi che kijolom xaq ronojel i kismachi' is kisolom b'ik; xaq konojel ki'anom sokonik che i ki'ab' xaq kikojom ki'u' as.

Lamentaciones 2:10

I je rijab' re i chom laj tinimit Sion kech'aw taj, je kul pulew, kkikoj ulew pkija' xaq kkikoj ki'u' re b'is. Xaq i altom re i tinimit Jerusalén kkiqajsaj kijolom k'a pulew.

Ezequiel 7:18

Kkikoj ni ki'u' as k'utb'al re uk'axk'ol; ronojel kich'akul kb'arb'at na, are ke'ek i kipalaj kaqchinchoj u'anom rumal kik'ixb'alil xaq kisolom b'i kiwi che kijolom.

AMÓS 8:10

Kinjalwachij ni i nima'ij, puk'exel ile kinya ni o'ej kumal i kamnaq, i b'ix re kikotemal ku'an ni b'ix ke i kamnaq; kin-an na chi yix kikoj i'u' re b'is, xaq kisol nu b'i iwi k'utb'al re chi ix o pa k'ax. Kixo' na pacha jun chi usachom rak'al chi lik xa jun o ru', keje ile ronojel kk'is ni pa b'is.